غطاء الرادياتير

[AHMED_HAMDY]

السلام عليكم

غطاء الرادياتير

بيبقى مكتوب عليه .9 و 1.1 و 1.3 دي كلها ضغوط بس ايه الفرق وبتفرق ف ايه بالضبط ؟ ؟

[aldesha989]

والله اعلم كده تقريبآ ان الغطى ده يستحمل مواتير من 900 سى سى لحد 1300 سى سى

[AHMED_HAMDY]

والله اعلم كده تقريبآ ان الغطى ده يستحمل مواتير من 900 سى سى لحد 1300 سى سى

لاء طبعا مش كدا لان ده ضغط حضرتك اللي ببقى مكتوب يعني .9 كيلو باار
والغطاءء ال .9 وال 1.3 وال1.1 يركب على فس الرادياتير ونفس العربيه ملوش علاقه بالمحرك

[svneleven]

لاء طبعا مش كدا لان ده ضغط حضرتك اللي ببقى مكتوب يعني .9 كيلو باار
والغطاءء ال .9 وال 1.3 وال1.1 يركب على فس الرادياتير ونفس العربيه ملوش علاقه بالمحرك

تعليق بسيط. 0.9 كيلو بار يعني 900 بار و البار 14.51 psi يعني حضرتك بتتكلم في حوالي 13000 psi. و أظن ده كتير حبتين.

[AHMED_HAMDY]

هوا مكتوب عليه قرايه سواء بالبار او الكيلو باسكال
مش فاكر بالضبط

ممكن تكون 1.3 kpa

[svneleven]

أظن 1.3 بار يعني حوالي 19 PSI. لكن حتي 1.3 Kpa صغيرة جدا.

[M_Nabil]

السلام عليكم

غطاء الرادياتير

بيبقى مكتوب عليه .9 و 1.1 و 1.3 دي كلها ضغوط بس ايه الفرق وبتفرق ف ايه بالضبط ؟ ؟

الرقم ده بيبقى قيمة الضغط لدورة التبريد وبتقاس بالبار 1 بار = 14.5 psi تقريباً

الغطاء الاصلى بيكون 1.1 الغطاء التانى بيكون من شركات تعديل زى سبون و ميوجن 1.3 في الغالب طيب اية فايدة الكلام ده بأختصار ان كل ما زودت الضغط داخل دورة التبريد وده لزيادة درجة حرارة غليان المياة

المياة زى ما كلنا درسنا وعارفين بتغلى عند درجة حرارة 100 مئوية عند الضغط الجوى العادى اللى بيكون 1 بار تقريباً نستفيد من كدة ان عند رفع قيمة ضغط دورة التبريد يبقى المياة بتاعت التبريد مش هتغلى عند 100 درجه مئوية انما اكتر شوية وبالتالى هتقلل من انه يتبخر ويتحول للصورة الغازيه

الغطاء كمان ليه بلف وسوسته بحيث انه لو وصل الضغط قيمة اعلى من قوة تصميم السوسته ساعتها البلف بيفتح لتصريف الضغط الزائد عن طريق الخرطوم الرفيع الواصل اللى القربة أو خرطوم خارج الدورة ودة بهدف حماية مواسير الريداتير من الانفجار وكمان عشان تحافط على خراطيم دورة التبريد من التشقق او انها تتقطع ده غيرالحفاظ على جوان وش السلندر

يبقى ننتهى الى لو أنت بتتسابق وبتدخل تراكات او طول الوقت بتشد على ارى بى ام عالى يبقى الغطاء ابو ضغط عالى هيفيد في رفع الضغط انما غير كدة ملهوش لزمة بس لو راكب عادى مش هيأثر لان فرقه مش كبير من 16 psi الى 19 psi

[AHMED_HAMDY]

معلشي يا استاذ / محمد
انا كان معايا الرادياتير ال 2 ماسوره وكان الغطار .9 اما كنت ادور والعربيه بارده كانت بتاخد وقت علشان تسخن والرادياتير ده بااااظ

جيبت واحد استيراد وضيف جدا ما شاء الله والغطار مكتوب عليه 1.1

العربيه بتسخن بسرعه قوي وهيا بارده !!!!!!!!!! ده ليه علاقه بحاجه ؟؟؟؟

[M_Nabil]

الريداتيرالجديد ماسورة ولا ماسورتين؟ وأنت مركب ثرموستات كوعه ولا لغيها؟

عموماً مش مشكلة تسخن بسرعة أو تطول شوية المهم انها في المعدل الطبيعى بتاعها وتكون المياة مبتنقصش

[AHMED_HAMDY]

الرادياتير الجديد استيرراد 2 ماسوره

ومش مركب ثرموستاات كوعه !!

والميه مش بتنقص بس الملاحظه الوحيده ان العربيه بتوصل للحراره الطبيعيه في وقت اقل كثير من الي كانت بتوصله قبل كدا يعني امببارح مسافر سفر اكثر من 120 كيلو مبتسخنشي الحمد الله

بس اول تدويره بتسخن بسرعه بس يمكن علشان الصيف دخل ؟؟