باركولي يا جماعة بقيت هونداوي

[mando_07]

الحمدلله جبت هوندا سيفيك بحالة نضيفة أخيراً بعد مكنت ابتديت افقد الامل أني ألاقي واحدة كويسة وكنت ابتديت أبص على اوكتافيا مع أني مش بحبها أوي بس الحمدلله لقيت هوندا كويسة 2008 وانطباعي عنها (أنا هقارنها بالمازدا 3 اللي كانت معايا ) بالنسبة للسحب ماشاء الله موتورها محترم جداً و أحسن من المازدا كتير فالنقطة دي، العفشة بتاعتها أحسن من المازدا 3 بفرق ملحوظ وأنعم منها (عفشة المازدا 3 كانت ناشفة أوي خصوصاً أني كنت مجنطها )، ركوبتها امتع، خامات دركسيون المازدا أحسن و كونسول الوسط في المازدا أحلى ولكن طابلوه السيفيك الخاص بالسواق أحسن ، السيفيك أوطى شوية بس أثبت من المازدا (المازدا كانت ثابتة برضه بس مش زي السيفيك ) المجمل أني فرحان بيها أكتر....

[AHMED_HAMDY]

ربنا يباركلك فيها ويكفيك شرها وتشوف فيها ايام حلوه ان شاء الله

والف الف مبروك لحضرتك

[M I D O]

الف الف مبروك يا غالي ربنا يباركلك فيها

[ahmedshetewy]

X الف مبروك ياباشا وربنا يكفيك شرها ويديك خيرها

[Hamdy Masria]

مبروك ربنا يديلك خيرها ويكفيك شرها
بس اخبار السعر اية

[S O P H O S]

الف مبروك يا باشا

[fidobido]

مبروك يا باشا و ربنا يباركلك فيها

أخبار السعر أيه و مشيت كام كم , و كشفت عليها فين ؟

[SAMEH_FOUAD]

الف مبروك ياباشا واهلا بيك هونداوى معانا ونورت القسم

[Saeed-Taha]

الف مبروك ياباشا
ربنا يباركلك فيها

[mando_07]

الله يبارك فيكوا و شكراً على شعوركوا الجميل ،شوية كده أظبطها و أرفعلكوا صورها، ناوي إن شاء الله أحط ملتي فنكشن وأحط الكاست بتاع 2009 وأجيبلها جنوط اسبور بتاعتها و هعمل كام حاجة كدة في دماغي بس إن شاء الله كمان شهرين كدة ولا حاجة أكون سديت اللي عليا

[s229]

ألف مبروك وربنا يبركلك فيها ويسترها عليك وعلينا وربنا يكمل فرحتك ان شاء الله ;)

[amgomaa]

الف مبروك عليك

[hany63]

الف مبروك و مش تعرف تركب تاني غير هوندا
انا من اول ما وعيت اركب عربيات ركبت حوالي عشر عربيات و اقصى عربيه قعدت معايا ٣ سنين و كان الفرك بيشتغل قبلها و بكون محدد هغير لايه الا دي بصراحه اديني قربت اتم ال ٣ سنين و مش وارد في دماغي افرط فيها نهائي ولا كمان بعد مده

[khaled607]

ألف مبروك وربنا يستر طريقك ويباركلك فيها