عايز رأيكو في عربيه سيتي قدامي للبيع

[hesham-h]

السلام عليكم يارب يكون الجميع بخير بصو يجماعه انا دلوقتي في قدامي عربيه هوندا سيتي موديل2007 العربيه مش عاده كيلومتر كتير المهم العربيه دي كانت مخبوطه من الشنطه ومن المكان اللي بيتربط فيه الرفرف القدام من الواضح انها حادثه واحده يعني واحد خبط فيه من ورا وهو خبط في اللي قدامه من ناحيه الرفرف المهم باقي العربيه تمام ومش فيها اي حاجه صاحبها بيتكلم في 45 الف انا قلتلو العربيه كده معيوبه وانا لو خدتها مش هعرف ابيعها وكده قلتلو اخرها معايا 40 قلي هرد عليك انتو ايه رائيكو دلوقتي في السعر لاني كمان ماليش في اسعار الهوندا اه وبالمره ايه نظام قطع غيارها وياريت سرعه الرد لاني مستني منه موافقه النهارده لو كده هخلص وعلي فكره العربيه كامله اوتوماتيك 1500 سي سي

[al_manara]

هي الخابطة جامدة ؟
واية حالة العربية ؟

[SAMEH_FOUAD]

تأثير الخبطة على الشنطة هل تم عمل لحامات فى الشاسية الخلفى للسيارة ؟؟؟؟

الشنطة راشة جوة ؟؟؟؟

هل تم عمل اى قطع فى الشنطة

لان لو حاجة من دول مش موجودة فى العربية , وهية مجرد خبطة وتم ردها على البارد

يبقى السعر دة لقطة وممكن لو حبيت تبيعها تبيعها بأغلى من كدة كمان

بس اهم حاجة تبص على حاجة السيارة الاخرى ( ماتور - عفشة - صالون ) لازم كل دول يبقوا كويسين لان العربية حاجاتها غالية مش رخيصة

[sfgtrehk]

السعر 45000ج تحفه

اوعى تسيبها وخلص على طول

بعد ما تطمن برسم كشف وتقرير رسمى مفصل طبعا
وخلى بالك ممكن الراجل اللى عارضها لو اتاخرت عليه ممكن يبيعها بسهولة وتبقى خسرت سعر كويس لعربية جميلة

[khaled607]

ما دامت الخبطة بعيدة عن الأساسيات تبقي مش مؤثرة قوي علي العربية المهم الشاسيه والموتور والقوايم وبرده اكشف عليها صح وبالنسبة لقطع الغيار الموديل ده موجوده في الحرفيين كتير