تظبيطه الصيف ورفع كفاه العربيه عاوز رايكم ياوحوش

[arabmarket]

عصابه الهوندا المفتريه

يا جماعه انا عاوز اظبط فى العربيه كذا حاجه لان العربيه عندى عاوزه ظبطه الصيف دخل والسفر بقه فى اى لحظه وبالمره كنت عاوز اغير كذا حاجه تانيه هكتبهالكم هنا وكنت عاوز رايكم فى الحاجات دى لانى نويت ادى العربيه شده حلوه وعاوز اقولكم ان الهدف النهائى من تغير الحاجات دى هى ظبط اداء العربيه اكثر

وعاوز رايكم يا جماعه هل اجيب الحاجات دى من بورسعيد ولا من القاهره انا بتعامل مع الدسوقى فى القاهره ومتعملتش مع حد من بورسعيد وبفكر المره دى انزل بورسعيد
فى المنتدى مثبت ارقام وعناوين بتوع قطع الغيار فى القاهره وبورسعيد وعاوز رايكم و قطع الغيار دى هتعملها تقريبا كام

- والحاجات هى

- فتحه سقف si 93
- عندى رجه فى العربيه وانا طالع خفيفه هروح اكشف عند العفشجى النهارده وهقولكم قالى ايه عشان العفشه عندى عاوزه تتظبط من ام المطبات اليوميه وهكتبلكم عاوزه ايه

- برضه هوديها للميكانيكى بتاعها يبص بصه على كهربه العربيه حاسس انها عاوزه تتظبط وهخليه يكشف عليها وهقولكم ايه المطلوب

- عندى رجه خفيفه لما المروحه بتشتغل مكنتش موجوده دى من ايه وايه حلها ؟

- عاوز اجيب جنوط هوندا 15 اصلى مستعمله الاقيها فين احسن القاهره ولا بورسعيد ويعمل كام ؟ ايه رايكم ولا اجيب جديد ؟

- ماسوره هواء ستانلس عشان الهوا البارد , انا مركب فلتر سيموتا بس طبيعى العربيه فى الصيف بتتقل اعتقد مع ماسوره الهوا هتظبط اكثر

- عندى مشكله غلسه قوى وهى انى اوقات لما ابطل العربيه من مشوار او على البارد وارجع ادور تكركر ومتدورش الا بعد كذا محاوله لما لمبه التشيك تزن وتطفى ادور تدور بس لازم الحقها بدوسه عشان متبطلش وكشفت بجهاز الاعطال مفيش ايرور اتقالى ان ده عيب كتاوت الطرمبه فهل ده حقيقى ولا ايه ؟
ولا انضف ضفاير الكهربه الثلاثه الاساسيه

- عاوز تيل فرامل بس الاصلى بقه انا تعبت من تيل الفرامل يا اما يابانى fbk مش اصلى ويصفر ويقرفنى ويبوظ الطنابير او خشن وبيصفر زى الريمسا
او كورى ناعم بيزحلق مبيمسكش ابدا
ايه رايكم اجيبه من التوكيل اصلى واريح دماغى ؟ ولا جديد ولو كده اجيبه منين يكون مضمون ؟

- عاوز اغير الكاوتش بتاع الازاز الى جنبى عشان بيحك فى الازاز وهو طالع نازل وبيبطئه قوى وبيحمل حمل على ماكينه الرفع فهل فيه مخصوص للهوندا ولا بيتغير عند اى حد ؟

- ويا جماعه انا عاوز ارفع كفاه العربيه وازود الهورس باور ومعلوم ان رفع الكفاه العربيه الاستوك بيكون شويه شغل فى ال intake & extake
بخصوص ال intake ومستلزماته ايه رايكم بفكر اجيب الحاجات بتاعته من بره واشحنها بس قبل كده كنت عاوز اتعرف على الحاجات المطلوبه واسعارها هنا وبره
على حد علمى الحاجات هى :
1- cold air intac
2- بوجيهات و سلوك رياضيه وسمعت ان ال 9 مللى الافضل
3- تكبير المواسير بحد اقصى نص بوصه
4- علبه شكمان سبور

ده على حد علمى السؤال بقه هو ايه احسن الانواع وايه رايكم فى فكره الشراء من بره للحاجات دى انا لاحظت على ebay ان فيه اكسسوارات ممتازه للهوندا كمان غير قطع الغيار

واسف للاطاله يا روحوش

[hossamalsadik]

الهوندا من العربيات الى بحبها وكانت معايا زمان
كنت بتعامل فى حجتها من عند الشياطين الحمر ( الحاج يحيى ) بالمنيل القاهره
هو الميزه ان قطع الغيار والصيانه منه فيه فبريح دماغى وعلى التجربه طبعا وطبعا الحرفيين عندنا بردو مليانه بقطع غيارها

[s229]

انا متعملتش مع مجدي الدسوقي قبل كده كـــ بيع وشراء بس اللي اقدر اقلهولك هوه غاااااااالي فشاااخ مش عارف ليه ممكن حجته نضيفه زياده او علشان هوه في الاول علشان كده مش عارف بس في مشهور بيبيع جديد واستيراد برضوا وراجل محترم وبيراعي ربنا وعمري ما خدت حاجه من عنده ورجعت بيها تاني بالنسبه للجنوط انا لسه جايب طقم امبارح Advanti Racing ألماني 15 ولسه مشفتلوش كوتش من واحد اسمو جوبا بس مش عارف مكانوا علشان واحد صحبي هوه اللي ودهولي و بالنسبه للعفشه انا لسه مغير مسعدين وشدادين فيونكه الشداد ب 100 و المسعدين خلفي بالسوست + مسعدين امامي من غير سوست بــ 650 . اما عن الباقي مش هقدر افيدك بس متابع علشان عندي نفس رجة العربيه دي مع المروحه وكمان ال Rpm عندي واطي اوي تقريبا قاري 3 او 4 ولما الكهربائي علهولي نزل تاني قالي دا مديول الكلام دا صح ولا

[ahmedshetewy]

X الاخ s229 ممكن اعرف المساعدين منين ياباشا