Tweet
السلام عليكم يا اعضاء المنتدى الكرام
شهر 11 اللي فات ربنا كرمني واشتريت سيفيك موديل 2008 Lxi ماشيه 55 الف كم .. السياره جميله ما شاء الله وكله زي الفل.
لما قربت على ال60 الف كم .. حسيت برعشه مع فرملة السياره ورحت التوكيل لعمل صيانة ال60 الف واخبرتهم عن المشكله وقالولي ان الطنابير عايزه تتخرط .. قلتلهم ماشي وقالولي ان تيل الفرامل فاضل في 2000 كم قلتلهم غيروه عشان يبقى كله جديد في جديد
بعد حوالي 3000 كم كده بدات قصة الرعشه ترجع تاني واداء الفرامل على السرعات اعلى من 100 يقل وكأن التيل بيخلص .. وعند ال 66 الف رحت لصيانة ال65 الف وقالولي ان التيل فاضل فيه 2000 - 3000 كم والطنابير عايزه تتغير مشهاينفع خرط عشان سمكها نزل تحت المسموح !!!
الطنابير دي راكبه في العربيه في ال30000 كم ! يعني كده بالمعدل ده هاحتاج اغير طنابير كل 30000 كم وده شئ غريب على ماركه محترمه زي هوندا وعربيه بسمعة السيفيك
انا كان معايا قبل العربيه دي .. صني 2006 .. غيرت الطنابير اول مره من غير خرط في ال100000 كم وبصراحه ماسمعتش عن عربيه بتغير طنابير كل 30000 كم .. وتيل الفرامل كان بيقعد مع اسوأ استهلاك 20000 كم ولو رخففت رجلي عنها ممكن يقعد 25 و 30 كمان.
المهم طلبت اقدم شكوى لشركة هوندا وشرحت فيها ما تم ذكره وقدمتها لمدير خدمة العملاء في مركز الفطيم بالامس 5 يونيو 2013 .. اليوم اتصل بي واحد من هوندا بخصوص الشكوى وسمع مني القصه وحاول يبررلي ان العربيه موتورها قوي واني ممكن سواقتي تقيله في الفرمله ولكن من ضوء فهمي لمنظومة الفرامل وما تعلمته في كلية الهندسه مش مقتنع ان ادائي ممكن يكون السبب في تلف الطنابير بالسرعه دي وطلب مني اني اروح بالعربيه الاسبوع الجاي ان شاء الله لفحصها
انا قلت ابدأ معاهم هم في الاول شكلهم ناس محترمين وما رضيتش ابدأ بحماية المستهلك ومحاضر والكلام ده ولا حتى هددت بيه.
كمان عملت بحث عن المشكله دي ولقيت ناس كتير من دول مختلفه بتشتكي من العمر القليل لتيل الفرامل والطنابير والشركه دايما تقول لهم ده سوء استخدام ولقيت مرفوع عليهم قضايا كمان.
انا عاوز رأيكم .. انا شايف ان ده عيب صناعه وان الشركه المفروض تتحمله .. العيب ده ضايقني جدا .. انا بحب العربيه جدا ومستمتع بيها جدا بس عيب زي ده خلاني قفلت.
بفكر معاكم بصوت عالي وطالب النصيحه ازاي اتصرف مع التوكيل .. اسف للاطاله
شهر 11 اللي فات ربنا كرمني واشتريت سيفيك موديل 2008 Lxi ماشيه 55 الف كم .. السياره جميله ما شاء الله وكله زي الفل.
لما قربت على ال60 الف كم .. حسيت برعشه مع فرملة السياره ورحت التوكيل لعمل صيانة ال60 الف واخبرتهم عن المشكله وقالولي ان الطنابير عايزه تتخرط .. قلتلهم ماشي وقالولي ان تيل الفرامل فاضل في 2000 كم قلتلهم غيروه عشان يبقى كله جديد في جديد
بعد حوالي 3000 كم كده بدات قصة الرعشه ترجع تاني واداء الفرامل على السرعات اعلى من 100 يقل وكأن التيل بيخلص .. وعند ال 66 الف رحت لصيانة ال65 الف وقالولي ان التيل فاضل فيه 2000 - 3000 كم والطنابير عايزه تتغير مشهاينفع خرط عشان سمكها نزل تحت المسموح !!!
الطنابير دي راكبه في العربيه في ال30000 كم ! يعني كده بالمعدل ده هاحتاج اغير طنابير كل 30000 كم وده شئ غريب على ماركه محترمه زي هوندا وعربيه بسمعة السيفيك
انا كان معايا قبل العربيه دي .. صني 2006 .. غيرت الطنابير اول مره من غير خرط في ال100000 كم وبصراحه ماسمعتش عن عربيه بتغير طنابير كل 30000 كم .. وتيل الفرامل كان بيقعد مع اسوأ استهلاك 20000 كم ولو رخففت رجلي عنها ممكن يقعد 25 و 30 كمان.
المهم طلبت اقدم شكوى لشركة هوندا وشرحت فيها ما تم ذكره وقدمتها لمدير خدمة العملاء في مركز الفطيم بالامس 5 يونيو 2013 .. اليوم اتصل بي واحد من هوندا بخصوص الشكوى وسمع مني القصه وحاول يبررلي ان العربيه موتورها قوي واني ممكن سواقتي تقيله في الفرمله ولكن من ضوء فهمي لمنظومة الفرامل وما تعلمته في كلية الهندسه مش مقتنع ان ادائي ممكن يكون السبب في تلف الطنابير بالسرعه دي وطلب مني اني اروح بالعربيه الاسبوع الجاي ان شاء الله لفحصها
انا قلت ابدأ معاهم هم في الاول شكلهم ناس محترمين وما رضيتش ابدأ بحماية المستهلك ومحاضر والكلام ده ولا حتى هددت بيه.
كمان عملت بحث عن المشكله دي ولقيت ناس كتير من دول مختلفه بتشتكي من العمر القليل لتيل الفرامل والطنابير والشركه دايما تقول لهم ده سوء استخدام ولقيت مرفوع عليهم قضايا كمان.
انا عاوز رأيكم .. انا شايف ان ده عيب صناعه وان الشركه المفروض تتحمله .. العيب ده ضايقني جدا .. انا بحب العربيه جدا ومستمتع بيها جدا بس عيب زي ده خلاني قفلت.
بفكر معاكم بصوت عالي وطالب النصيحه ازاي اتصرف مع التوكيل .. اسف للاطاله
Comment