honda civic 2014 face lift

[SAMEH_FOUAD]

ياجماعة انا جيبتلكوا فيديو للسيفيك الجديدة ال face lift

وعشان كمان تعرفوا ان الفرق مش فى الشكل والخامات فقط لاغير لأ دة فى حاجات تانية كتيير

دة فيديو للسيفيك ال face lift

Road Test: 2013 Honda Civic - YouTube

ومن نفس البرنامج دة الفيديو للسيفيك موديل 2012

Road Test: 2012 Honda Civic - YouTube

شوفوا بقى الفرق مابين الاتنين فى الاداء والشكل

[JapRuleZ]

التسارع اخباره ايه ؟
و امتى هنشوف موتور ال earthdreams

[yasserelsayad]

ياريت تنزل بقى لان الموجودة دلوقتى بهدلت اسم السيفيك خالص
بس هما مش ناوين يغيروا الفتيس بقى ولا ايه كفاية عليه اوى كدا

[belladona]

ياجماعة انا جيبتلكوا فيديو للسيفيك الجديدة ال face lift

وعشان كمان تعرفوا ان الفرق مش فى الشكل والخامات فقط لاغير لأ دة فى حاجات تانية كتيير

دة فيديو للسيفيك ال face lift

road test: 2013 honda civic - youtube

ومن نفس البرنامج دة الفيديو للسيفيك موديل 2012

road test: 2012 honda civic - youtube

شوفوا بقى الفرق مابين الاتنين فى الاداء والشكل

لا نضفت والله لكن 2012 دا اعوذ بالله

[ahmedwagdy03]

التسارع اخباره ايه ؟
و امتى هنشوف موتور ال earthdreams

أظن إن موتور الearthdream إنضغاطه أعلى من 11 يعنى بنزين 95

[SAMEH_FOUAD]

هو لحد دلوقتى العائق الوحيد فى عدم نزول هذة السيارة بهذا الشكل هو المحرك , ان شاء الله انا متوقع نزولة فى مصر على اول 2014 لان الشكل بتاع 2012 دة اصلا اتوقف , ومابقاش ينزل فى الخارج حتى فى دول شرق اسيا

عموما ربنا يسهل وفعلا الشكل دة لو نزل مصر هيقلب مجريات الامور تماما

[Mohamed.Ramah]

اولا شكرا على الفيديو

ثانيا من الواضح ان سيفيك موديل 2014 راجعة للمنافسة من جديد بهذا الموديل الرائع والفعلا مش مجرد تعديل شكل زى ما قولت وانا مكنتش متوقع دة من شركة بتحترم عملائها مش حتلهيهم بالشكل وتنسى الاداء

النقاط الركزت عليها السيفيك من موديل 2013 الحالى ل 2014 الاتى واوجة التشابة :

.... توضيح شركة هوندا مكنتش عاملة سيارة لعبة الموديل الحالى يعنى التوقعات بالنسبة للموديل الجديد مش حيكون طفرة فى الصناعة علشان فى كثير بيتوقع ان السيارة كان غلطة فى كل شىء وانها كانت بتبيع عربية متتركبش مش للدرجة دة كلام غير صحيح طبعا بالعكس ليها تقيم وليها نقاط ايجابية واخرى سلبية وانا كنت ذكرتها فى تقرير سابق وكمقارنة من قبل .


1- التسارع مقارب للحالى بالرغم ان بينزل ليهم موتور 1.8 ولا اعتقد ان حيكون فى اختلاف عن الموديل الحالى فى الاداء 1.6 الموجود بمصر بل واحتمال كبير تنزل بنفس الموتور i-VTEC 1.6 -
123 حصان وعزم

2- استهلاك الوقود ايضا واحد

3- التحكم بالسيارة اصبح افضل بشكل ملحوظ

4- car Handling نتيجة متقاربة لحد كبير

5- تم التركيز بصورة اكبر على Details interior & exterior

6- الجودة الداخلية اصبحت افضل من الموديل الحالى بس مش طفرة يعنى الفروق فى الخامات والشكل ادى انطباع افضل عن الموديل الحالى

صور للتوضيح موديل : 2013


موديل 2014


7-العزل الداخلى للسيارتين تقييم اغلب المواقع واحد لا يوجد فرق

8- الراحة الداخلية : الجلوس للسائق والراكب الامامى اصبحت افضل بفارق عن الموديل الحالى

9- راحة الجلوس فى الخلف لا يوجد اختلاف بينها وبين الموديل الحالى

10 - اداء الفرامل ومسافة التوقف اصبح افضل 123 ft مقابل 131 ft للموديل الحالى

-- بالرغم ان الموديل السابق اتظلم فى المبيعات بسبب سياسة التسعير مقابل سيارات اخرى فى نفس الوقت وبتعطى مزايا اكبر خاصة كتصميم او أداء او سعر الا ان شركة هوندا تلافت الاخطاء السابقة بالموديل الجديد 2014 ورجعت للمنافسة فى فئة compact-car ودة بالرغم لعودتها فى وسط منافسين فى الاسواق لايستهان بهم لاكن اعتقد انها فعلا حتكون Best Buy فى الفئة دة فى حال نزولها بسعر مناسب وبدون انقاص فى التجهيزات ..

[SAMEH_FOUAD]

هو تحليل رائع منك , وتمام جدااا , انت تقريبا فسرت اللى بيقولوا الفيديو

بس الحاجة الوحيدة اللى بس عندى بيها تعليق , ان شكل التابلوة ماختلفش فقط فى تطعيمات الكرووم , لأ هو اختلف كليا من حيث الخامات , يعنى كانت مشكلة السيفيك انها اول مرة تنزل كدة كلها بلاستيك , لكن فى الموديل 2014 تم تجهيز تابلوة السيارة من الجلد وكمان معاة خياطة زى ال hand made

[amgomaa]

هو لحد دلوقتى العائق الوحيد فى عدم نزول هذة السيارة بهذا الشكل هو المحرك , ان شاء الله انا متوقع نزولة فى مصر على اول 2014 لان الشكل بتاع 2012 دة اصلا اتوقف , ومابقاش ينزل فى الخارج حتى فى دول شرق اسيا

عموما ربنا يسهل وفعلا الشكل دة لو نزل مصر هيقلب مجريات الامور تماما

اولا الف شكر لموضوعك ثانيا
معلهش بعد اذنك لانى من مالكى 2012 ومن متابعى اخبارها العربيه لسه بتنزل بنفس الشكل فى كل شرق اسيا ما عدا الهند (اللى اتوقفت فيها اساسا لان مفيش طلب عليها هناك) والشكل اللى بينزل هنا غير اللى فى الفيديو بتاع 2012 اللى بينزلنا ال asian version اللى بينزل فى شرق اسيا و كمان فى استراليا و امريكا الجنوبيه زى البرازيل وفى مناطق من اوروبا زى تركيا اللى العربيه بتجلنا منها و الشكل ده نزل فى امريكا الشماليه والخليج اللى بيستوردها من امريكا راسا وبعض الدول اللى بتستورد من امريكا زى روسيا ودى لينكات تاكد كلامى ان الشكل زى ما هو وممكن مستمر حتى 2014
هوندا ماليزيا
Honda Malaysia
هوندا تركيا
Honda
هوندا البرازيل وكمان نفس الشكل موديل 2014
Honda Civic 2014
استراليا
Cars
باكستان وده اكبر كار بلوج و برده مستنيين الفيس ليفت
Honda civic 2013 : Pakistan launch - 196419 - Page 113
الارجبتين
Autos | Honda
تايلاند
รถยนต์ Honda Civic ที่สุดของสปอร์ตซีดานสุดหรูกับฮอนด้าซีวิคใหม่
الخلاصه ان شركة هوندا بتقول من المتابعات اللى متابعها ان الشكل اللى نزل ليكوا فيس ليفت اساسا من اللى كان نزل امريكا لانه نزل بعديه ب 8 شهور ولو نزل فيس ليفت لينا ممكن يبقى حتى مختلف عن الامريكى و فى 2015 عقبال ما الخط يشتغل اقل واجب 3 سنين فى مصانع تركيا و باكستان وتايلاند و ياريت ينزل قريب علشان هوندا ترجع زى ايام الجيل التامن

[ahmedwagdy03]

هو تحليل رائع منك , وتمام جدااا , انت تقريبا فسرت اللى بيقولوا الفيديو

بس الحاجة الوحيدة اللى بس عندى بيها تعليق , ان شكل التابلوة ماختلفش فقط فى تطعيمات الكرووم , لأ هو اختلف كليا من حيث الخامات , يعنى كانت مشكلة السيفيك انها اول مرة تنزل كدة كلها بلاستيك , لكن فى الموديل 2014 تم تجهيز تابلوة السيارة من الجلد وكمان معاة خياطة زى ال hand made

لا تكن متفائلا أكثر من اللازم و لا تنسوا أن الوكيل دائما يتحكم فى المواصفات اللى بينزلها . الوكيل اللى بيسحب من العربية الدواسات علشان يبيعها لوحدها مع إنها جاية من المصنع مع العربية مستحيل حينزل تابلوه مكسو بالجلد أو أوبشن زيادة من اللى بتنزل لأولاد البطة البيضة ...............

..............................................






برجاء الالتزام بأداب الحوار وانتقاء الالفاظ
م ب 8

[S O P H O S]

جميلة فرأي ..