العربية اتبرجلت فجأة

[tsaid]

السلام عليكم و رحمة الله و بركاته يا رجاله
الموضوع إن أنا إمبارح و أنا ماشي بالعربية بدور علي بنزينة فاضية علشان أمون فجأة العربية اتبرجلت و rpm نزل للصفر و السحب بقي ضايع جدا و طبعا كنت في أخر التنك خالص فقلت يبقي ممكن الكربيراتير اتسخ فبعد ما فولت برضه السحب زي الزفت و مش زي الأول خالص
روحت للميكانيكي و غيرت بوجيهات و فلتر هواء و فلتر بنزين و نضفت الكربيراتير بالإسبراي و برضه مفيش فايدة و سحب العربية لسه ضايع خالص
يا ريت بجد حد يقولي ممكن تكون مشكلة ايه و أعمل ايه
العربية سيفيك 92 ex
و جزاكم الله خيرا كثيرا

[أحمد جودة]

فاضل حاجة واحدة لسة معملتهاش ( طلمبة البنزين ) لو الطلمبة عندك كهرباء فك الخرطوم منها وشوف ضغطها كويس ولا بقي قليل

لان الرواسب اكيد ليها تاثير على ضغط الطلمبة

متابع ،،،،،،،،،

[tsaid]

فاضل حاجة واحدة لسة معملتهاش ( طلمبة البنزين ) لو الطلمبة عندك كهرباء فك الخرطوم منها وشوف ضغطها كويس ولا بقي قليل

لان الرواسب اكيد ليها تاثير على ضغط الطلمبة

متابع ،،،،،،،،،

و الله يا باشا أنا مش عارف الطلمبة عندي كهرباء وللا لأ
طب فيه ناس بتقول ممكن تكوم موبينا أو أسلاك بوجيهات هل ده مستبعد؟؟

[SAMEH_FOUAD]

انت عربيتك ex يعنى طلمبة البنزين عندك ميكانيكا

واللى حصل عندك ان الكربراتير اتسد , والكربرايتر من جوة عامل زى الانابيب , فلازم يتفك ويتنظف كويس

وشوف مسمار الهواء

لو موبينة العربية مش هتدور اصلا

[أحمد جودة]

انت عربيتك ex يعنى طلمبة البنزين عندك ميكانيكا

واللى حصل عندك ان الكربراتير اتسد , والكربرايتر من جوة عامل زى الانابيب , فلازم يتفك ويتنظف كويس

وشوف مسمار الهواء

لو موبينة العربية مش هتدور اصلا

كلام جميل

بالمناسبة حصلت معايا نفس المشكلة والبكات اتسدت من الرواسب

جبت ميكانيكي سللك البيكات والعربية دارت

ان شاء الله الموضوع يكون بسيط وتطلع سدد فى البيكات

متابع وياريت بعد ماحضرتك تحل المشكلة تقولنا اتحلت ازاي والعيب كان فى اية علشان الكل يستفيد

[tsaid]

انت عربيتك ex يعنى طلمبة البنزين عندك ميكانيكا

واللى حصل عندك ان الكربراتير اتسد , والكربرايتر من جوة عامل زى الانابيب , فلازم يتفك ويتنظف كويس

وشوف مسمار الهواء

لو موبينة العربية مش هتدور اصلا

العربية في الدوارة زي الفل يبقي كده مش موبية
إن شاء الله هروح لعصام بكره يفك الكربراتير و ينضفه و ربنا ييسر
طب هل في إحتمال تكون مشكلة طلمبة بنزين؟؟؟

[tsaid]

ياريت بعد ماحضرتك تحل المشكلة تقولنا اتحلت ازاي والعيب كان فى اية علشان الكل يستفيد

أكيد يا باشا
إن شاء الله تتحل و هقول علي كل حاجة

[Muahmmad Honda]

متابع

[MAMDOH ZAKY]

متابع

[tsaid]

الحمد لله المشكلة اتحلت
روحت للميكانيكي يومم الجمعة اللي فات و بص علي الكاربيراتير و لقاه مش محتاج تنظيف
المهم طلعت المشكلة من حاجة غريبة جدا
ضبط التقسيمة لإنها كانت مرحلة سنة
اللي مخليني مستغرب إني العربية كنت لسه مغيرلها سير كاتينة من شهر و نص كده و مع تغيير السير المفروض الميكانيكي بيعيد ضبط التقسيمة و العربية فعلا كانت مضبوطة 100 100 و فجأة حصل اللي حصل
فهل ممكن التقسيمة ترحل سنة كده لوحدها فجأة؟؟؟
هو ده اللي انا مستغربله و قلقان يكون فيه مشكلة اكبر هي اللي خلت التقسيمة ترحل كده
يا ريت يا رجالة لو حد يعرف يطمني

[SAMEH_FOUAD]

الحمد لله المشكلة اتحلت
روحت للميكانيكي يومم الجمعة اللي فات و بص علي الكاربيراتير و لقاه مش محتاج تنظيف
المهم طلعت المشكلة من حاجة غريبة جدا
ضبط التقسيمة لإنها كانت مرحلة سنة
اللي مخليني مستغرب إني العربية كنت لسه مغيرلها سير كاتينة من شهر و نص كده و مع تغيير السير المفروض الميكانيكي بيعيد ضبط التقسيمة و العربية فعلا كانت مضبوطة 100 100 و فجأة حصل اللي حصل
فهل ممكن التقسيمة ترحل سنة كده لوحدها فجأة؟؟؟
هو ده اللي انا مستغربله و قلقان يكون فيه مشكلة اكبر هي اللي خلت التقسيمة ترحل كده
يا ريت يا رجالة لو حد يعرف يطمني

لأ طبعا مافيش حاجة , اسمها تقسيمة تخلف لوحدها

طيب والميكانيكى بيعيدلك التقسيمة قالك فية حاجة كانت مفكوكة شوية ولا الدنيا كانت اية

[tsaid]

لأ طبعا مافيش حاجة , اسمها تقسيمة تخلف لوحدها

طيب والميكانيكى بيعيدلك التقسيمة قالك فية حاجة كانت مفكوكة شوية ولا الدنيا كانت اية

لا والله يا سامح باشا مقالش حاجه
هو بس سألني إذا كان فيه حد لعب في ميكانيكة العربية

يعني أفهم من كلام حضرتك إن كان ممكن يكون فيه حاجه مش مربوطة كويس من ساعة اما غيرت السيرهيه اللي عملت كده؟؟
أصل انا غيرت السير عند نفس الميكانيكي فممكن يكون مش رادي يقول علي أساس إنها غلطتة من الاول إنه مربطش كويس