مساعد خلفى ، واير بنزين ، كبالن

[honda92]

السلام عليكم

انا عندى مشكلة ف المساعد الخلفى انا غيرته و جاب زيت و باظ وبعد 4 شهور جبت واحد شونة من بنك الاسكان و قعد 4 شهور و جاب زيت برده مع العلم انى لما غيرت تانى مرة العفشجى قالى غير المساعد اليمين بالمرة عشان بيودع قلتله ماشى و هو دلوقتى كويس و الشمال بردو هو اللى بايظ ، انا نفسى اعرف اشمعنا الشمال بقى اللى بيبوظ هل فى حاجة بتأثر عليه و لا هى صدفة بحته انى دايما بجيب الكوبلن الشمال دا مش كويس ... مع العلم انه مخلى العربية من اقل مطب او حفرة صغيرة بتترزع جااامد من ناحيته و الكاوتش الخلفى شمال اتقطع بعد ما غيرت المساعد و جبت كاوتش جديد ب 500 جنيه هل دا بسبب المساعد ؟

الاستفسار التانى ان انا عندى دواسة البنزين تقيلة جدااااا و لما سألت قالولى زيتها رحت للميكانيكى زيتهالى بس اسبوعين و رجعت تانى زى الاول ... قالى لازم تغير الواير بتاع البنزين و متجيبوش جديد عشان الجديد هيبقى تقيل بردو و مش هيعجبك دور عليه شونة و من ساعتها سألت عليه كتير مش موجود

الاستفسار التالت الكبالن بدأت تطأطـأ هل لازم تتغير و لا ممكن تتصلح و لو هتتغير بكام و منين

مع العلم انا عربيتى هوندا 92

و شكرا

[SAMEH_FOUAD]

1- عموما اللى بيأثر على المساعد : جلب الركبة - جلبة المساعد نفسة - اى عوجة فى المقص

شيك على دول وشوف الدنيا فيها اية

2- لو هتجيب سلك بنزين يبقى حاجة من الاتنين ( اوريجينال - استيراد ) ويكون شمال خلى بالك , لكن تايوانى او حتى يابانى انسى

3- الكبالن بتتغير على طول ولا تصلح ولا اى حاجة لانها مابترجعش زى الاول