مطلوب مساعده ضرووووري من رجاله هوندا

[ahmed_tal3at]

كنت في المأمون النهارده بعمل صيانه ال 60000 و بكشف علي العفشه اكشفت كام كارثه كده عالماشي
1-علبه الدركسيون عايزه تتغير
2-الريداتير عايز يغير
3-السربنتينه مش نافعه و لازم تتغير
4-العربيه بتسقط زيت و مش عارفين منيين
ف سألت دا كله يتعمل بكام لقيته داخل علي 20000 جنيه
والله حرام
فانا عايز اعرف الحاجات ده ممكن تتصلح ؟

[hossamalsadik]

هيا حاجة الهوندا الموديل 2010 أسعارها كده
ليييه أنتا مكنتش عارف قطع غيار عربيتك

[ahmed_tal3at]

والله انا كنت عارف انها غاليه بس مش للدرجه ده

[SAMEH_FOUAD]

معلش ياباشا هو انت متأكد ان عربيتك 2010 ؟؟؟؟

معلش هل عندك ارتفاع فى حرارة المحرك ؟؟ عشان تغير الريدياتير ؟؟؟؟؟؟

هل عندك ضعف فى اداء التكييف ؟؟؟ عشان تغير السربنتينة ؟؟

مكان تسريب الزيت مافيش حاجة اسمها مش عارفيين , مكان التسريب منين , لان لو على مكانهم يبقى هيغيروا المحرك كلة بقى

وعموما لو هنفرض ان الكلام اللى بتقولة صح لاى سبب من الاسباب دية اسعار قطع غيار السيفيك

1- سعر السربنتينة : 1850 جنية اصلى ممكن مع غلاءالدولار توصل 2200 جنية

2- سعر الريدياتير : 2200 جنية ممكن مع غلاء الدولار يكون وصل 2500 جنية

3- اصلاح علبة الدركسيون بيتكلف 1500 جنية , وان شاء الله بتنساها

يعنى كل اللى عندك دة لو محتاجة اصلا مش هيتكلف 7 الاف جنية

[hany63]

ممكن تروح بيها التوكيل لو متعود تعمل صياناتها عندهم و توصل لحل وسط على اساس انها لسه خارجه طازه من الضمان

[ahmedhassan92]

يا هانى باشا انا معايا يسفيك 2007 و لسة عامل الليلة دى كلها مغير رادياتير و سربنتينة و كنت فى التوكيل بعمل صيانة ال100000 كيلومتر مفيش حاجة اسمها حل وسط عندهم انا سألت هناك قاللى فى التوكيل مافيش حاجة اسمها صيانة كله تغيير و الاسعار كالاتى:
الرادياتير عامل 4200 جنيه
السربنتينة عاملة 3850 جنيه
و دا اكيد لسه غير التركيب و الكلام ده
بره الرادياتير عامل 2500 جنيه و السربنتينة عاملة 1700 جنيه
و ممكن تشوف حد يعملها لحام الومينوم و عن تجربه بترجع زى الاول عشان انا عماتها فى السربنتينة و الحمد لله بقت زى الفل و مافيش مشاكل
و ربنا يعينك ان شاء الله

[mhoreya]

كنت في المأمون النهارده بعمل صيانه ال 60000 و بكشف علي العفشه اكشفت كام كارثه كده عالماشي
1-علبه الدركسيون عايزه تتغير
2-الريداتير عايز يغير
3-السربنتينه مش نافعه و لازم تتغير
4-العربيه بتسقط زيت و مش عارفين منيين
ف سألت دا كله يتعمل بكام لقيته داخل علي 20000 جنيه
والله حرام
فانا عايز اعرف الحاجات ده ممكن تتصلح ؟

علبة الدركسيون تتصلح و السربنتينة تتجاب استيراد يا بوب ..
و الريداتير بيتصلح عادى جدا مش هيتكلف حاجة .. ولو بايظ بايظ ولازم يتغير هيعمل حوالى الف جنيه بكتيرو ..
العربية بتسقط زيت يبقا فيه حاجة فى الكرتيرة من تحت او فى كوع الفايص ..
موضوع سهل برضو و العربية بتترفع و بيبان مكان التسقيط .. وممكن تحل الكرتيرة خالص و تنضفها و تلحمها المونيا وهتبقا زى الفل ..
وبلاش تججيب كارتيرة جديدة علشان مش مستاهلة والله ..
و موضوع ال 20 الف ده مضحك جدا وطبعا ده كلام غير حقيقى ..
وانا احب اقسملك بالله ان لولا عربيتك لونها اسود كنت والله هشتريها منك و اعمل اللى فيها ..
انتا معاك سيفيك 2010 vti يعنى احمد ربنا باسم الله ما شاء الله عليها عربية ..
انا بدور اصلا الايام دى على سيفيك 2009 - 2010 نضيفة بس يكون لونها ابيض او نبيتى او جالاكسى ..
على العموم ربنا يوفقك و الموضوع مش حوار يعنى كل حاجة بتتصلح بس انتا مقلق نفسك شويتين

[sanhory]

السؤال ايه اللي يخلي عربية 2010 تغير ردياتير وسربانتينة الا اذا كان في خبطة في الوش
هل دا حصل ؟

[ahmed_tal3at]

اه للاسف حصل