هبقى هونداوى و محتاج مساعدة

[mensho]

عندى سؤال بما انى عربنت فى اول عربية هوندا ليا
انا مش عارف هيا vti و لا لاء
هية فتح سقف و جنط و طارة ملتى و كاسيت Fly و فوانيس كريستال قدام
بس اللى سمعتة ان ال vti بتبقى فيها shiftter و اللى بشتريها مفهاش
فمش عارف دى انهو فئة
و عالعموم العربية عاملة 50 الف كيلو و فيها زوايد متركبة فى التوكيل موديل 2009
قلولى تساوى كام عشان اعرف اتضحك عليا ولا لاء
وقولولى هيا vti ولا لاء

[SAMEH_FOUAD]

المواصفات دية بتقول انها vti بس ازاى مافيش فيها padlle shift

شوف ياباشا اتأكد الاول العربية دية من التوكيل , وياريت بردة تقول سعرها كام

[hatemfarouk]

في حدود علمي أي فتحه سقف في هذا الموديل vti .

[mensho]

العربية طلعت vti و فيها شفتات فى الطارة وانا مكنتش شايغها

[mensho]

المهم بقى ان فى كام مشكلة كدة اولا الملتى فنكشن بتاع الكاسيت من الطارة مش شغال يمكن عشان هوة حاطط dvd fly audio و الجى بى اس بتاعة تعبان جدا وزراير الملتى اللى فى اليمين معرفش بتعمل اية cruise control و زرارين جنبة
دة غير ان الكاسيت لما بشغل سي ديهات بيعلق ساعات
وفى زرار عالشمال اسمة VPS OFF معرفش بيعمل اية
يعنى كل مشاكلى فى الطارة و الكاسيت ياريت حد يفدنى

[mensho]

اية يا رجالة محدش بيفهم فيهم ولا اية؟

[SAMEH_FOUAD]

طيب انت كل اللى هتعملة ياباشا انك تروح لواحد متخصص بتاع كاسيت , وشوف هل هو اصلا صاحب العربية موصل ال multi function ولا لأ , لانة ممكن مايكونش موصلة

والتانى بتاع مثبت السرعة

بالنسبة للزرار اسمة vsa ودة بتاع الثبات الالكترونى , يعنى تقدر تقفلة او تشغلة , بس طبعا خلية Active دايما , عشان بيحافظ جدا على ثبات السيارة

[foxhonda2008]

الزراير الي في الطاره علي اليمين crouse ده مثبت السرعه

[mensho]

طيب بالنسبة لانى اروح لحد يشوفلى الملتى فنكشن مش عارف اروح لمين لانى من بورسعيد فمش عارف كهربائى يعنى ولا مين
بالنسبة للكروز كنترول لما دوست علية السرعة مثبتتش ولا حاجة
والفرامل عندى خفيفة ولما بكبس عالاخر بلاقى دربكة تحت رجلى كأن الطنابير عايزة تتخرط مع انى لسة ماسحها و مأمن على التيل

[mensho]

اية يا جماعة محدش عارف يفدنى فى موضوع الفرامل الخفيفة دة ؟

[SAMEH_FOUAD]

الفرامل عندك خفيفة ممكن تسحب هواء من دورة الفرامل

الدربكة اللى بتحصل مع اخر دواسة الفرامل دة عشان ال Abs ياباشا بيكون شغال عشان العربية ماتزحفش منك

انت بتستخدم مثبت السرعة ازاى ؟؟؟؟؟؟