حد عندو معلومات عن السيتى 1300 اتوماتيك

[احمد فهمى]

السلام عليكم يا رجاله
حد عندو معلومات عن السيتى 2005 اوتوماتيك 1300 سي سي؟ يعنى قطع غيار وتسارع وهل فيها مشكلة البباين والفتيس زى ال1500 والا لا؟

[احمد فهمى]

فين رجالة هوندا؟

[SAMEH_FOUAD]

قطع الغيار غالية

مشكلة الموبينة هية هية فى ال 1500 بس دة مش عيب هية بتتغير كل 50 الف كيلو تقريبا ومش كلة دية هية واحد بتضرب بس , وممكن تمشى كويس مايبقاش فيها مشاكل

التسارع بالنسبة لمحرك 1300 ممتاز , بس العربية قباتها بيقل جامد بعد 130 كم

مافيش مشكلة فى الفتيس سواء دة ولا ال 1500 , الا لو كان cvt بيكون بس صياناتة الدورية عشان تحافظ علية مكلفة سواء من تغير زيت او فلاتر

[mezo_88]

انا معايا ال 1500 من 2007 و مفيش لا مشاكل موبينة ولا فتيس الحمد لله العربية ماشاء الله حلوة فى كل حاجة ما عادة الثبات بعد ال 140 و الكنبة الخلفية وضعية الجلوس فيها غريبة شوية بس هى عربية ممتازة جداااا

[احمد فهمى]

الله يباركلكم يا رجاله والبوبينه بكام اللى بتتغير كل 50 الف وايه قطع الغيار الغاليه؟

[mezo_88]

التيل الأصلى ب 550 و فى بقى من المضروب من 120 و انت طالع احسن نوع تيل هو الأصل و النيسين اليابانى وده ب 250 تقريبا و الطنابير الأصلى من التوكيل ال 2 ب 1600
فلتر هواء ب 140 تقريبا الأصلى .... غير كده مش عارف اسعار عشان مشترتش غير كده