مقبل على شراء هوندا .. محتاج مساعدتكم يا جماعة

[m.abozaid]

بسم الله الرحمن الرحيم

السلام عليكم ورحمة الله وبركاته .. يمكن دى أول مشاركة ليا فى المنتدى بس انا دايما بدخل واستفيد بصراحة وبتعلم حاجات كتير من المنتدى الجميل وخصوصا لما قررت إن شاء الله انى ابقى هونداوى استفدت كتير جدا من الموضوعات و اخدت فكرة كويسة اوى الحمد لله ..

دلوقتى انا فى مرحلة البحث عن عربية تكون 2009 او 2010 وتكون فى حدود 120 - 130 الف إن شاء الله وكنت محتاج مساعدتكم فى كذا نقطة
1- مدى أهمية الكيلومترات فى الشراء وتأثيرة على حالة الهوندا
2- خدمة ال Trade- in وهل فعلا فى عربيات كويسة فى التوكيل
3- هل هناك فرق كبير ما بين ال VTI , Lxi فى السعر

مشكلة شغلى انى على طول ببقى مسافر ومش بعرف اتواجد فى اوقات معينة بحكم شغلى فى الصحراء فتنصحونى بأيه

انا اسف جدا على التطويل والإزعاج ,, شكرا مقدما

[AlGazar2]

بالنسبة للكيلومتر فده علامة على العربية مستهلكه قد ايه
بس ممكن عربية ماشية كيلومتر كتير بس على طرق سريعه و صيانات فى مواعيدها تبقى احسن من عربية ماشيه قليل بس فى طرق زحمه
و مواتير الهوندا معروفه باعتماديتها

ال trade in اكيد هتلاقى عربيات كويسه فى التوكيل و اعتقد التوكيل بيدى عليها ضمان 6 شهور تقريبا

على حد معلوماتى البسيطة فى الهوندا ان ال vti دى اعلى فئه و الى فيها esp و تقريبا التكييف ديجيتال

[m.abozaid]

بالنسبة للكيلومتر فده علامة على العربية مستهلكه قد ايه
بس ممكن عربية ماشية كيلومتر كتير بس على طرق سريعه و صيانات فى مواعيدها تبقى احسن من عربية ماشيه قليل بس فى طرق زحمه
و مواتير الهوندا معروفه باعتماديتها

ال trade in اكيد هتلاقى عربيات كويسه فى التوكيل و اعتقد التوكيل بيدى عليها ضمان 6 شهور تقريبا

على حد معلوماتى البسيطة فى الهوندا ان ال vti دى اعلى فئه و الى فيها esp و تقريبا التكييف ديجيتال

أولا شكرا يا باشا على المعلومات الجميلة دى ... انا عندى سؤال لو فى عربية 2009 مثلا وعامله 40 الفوفابريكة بره وجوه ومفيهاش خدش وبحالتها الراجل بيتكلم فى 130 تبقى كتير شويه وعليها ضمان 6 شهور من التوكيل ... ايه رأيك

[AlGazar2]

لو النسخة ال vti يبقى سعرها كويس ممكن اعلى شويه بس عشان الحاله برضه

لكن لو حاجة غير كده يبقى كتير عليها المبلغ ده ال Lxi كانت بتنزل فى 2010 ب 150 الف

و بصراحة حتى لو العربية حالتها نضيفه و اغلى من السوق من 2 ل 5 الاف يبقى ولا حاجة قدام حاله العربية خصوصا ان الهوندا لو فيها حاجة بايظه هاتصرف اكتر من المبلغ ده ده غير ان معاها ضمان 6 شهور من الوكيل

[m.abozaid]

لا هى lxi ... المشكلة انى غلبت تدوير على هوندا .. خصوصا انى ظروف شغلى مخليانى مش متواجد على طول والاجازات مش منتظمة فمش عارف اعمل ايه ... مفيش مكان مضمون اشترى منه او معارض معروفة ولا كله على النت

[mando_07]

أولا شكرا يا باشا على المعلومات الجميلة دى ... انا عندى سؤال لو فى عربية 2009 مثلا وعامله 40 الفوفابريكة بره وجوه ومفيهاش خدش وبحالتها الراجل بيتكلم فى 130 تبقى كتير شويه وعليها ضمان 6 شهور من التوكيل ... ايه رأيك

السعر معقول غالي حاجة بسيطة عشان من التوكيل والضمان بتاعهم لكن مش غالي كتير يعني بالحالة دي سوقها 125000 بره ولو vti هتكلم في 140