سحب البنزين والتكييف

[waleed alsudy]

السلام عليكم ورحمه الله وبركاته

دي اول مشاركه ليا في قسم الهوندا
انا معايا هوندا 92 كامله اوتوماتيك

بس انا عندي مشكلتين وعايز استفسار من اللي يعرف

اولا :
سحب البنزين بحس انو عالي المكنه اللي عندي 1500 في تك العرابيه اوتو الرشاشات جديده والبوجيهات جديده فممكن يكون من ايه

ثانيا :
انا التكييف عندي بيعمل بكفائه جدا بس المشكله لما بكون واقف واشغل التكييف العرابيه بتبطل لكن وانا ماشي مش بيحصل حاجه ولا اداء العرابيه بيقل ولا اي حاجه في واحد قالي ممكن يكون من حساس السلنسيه صح الكلام دا ولا ايه وهل الحساس دا ممكن يعني يكون خربان ولا مثلا متوسخ وعايز يتنضف

ياريت اللي يعرف يردلي

[aldesha989]

هو ممكن يكون الماتور عايز يعلى شويه مع التكيف حاول تشوف الفاكيوم اللى بيعلى الماتور مع التكيف شغال ولا لا

[waleed alsudy]

الماتور صوته عالي وكمان راكب فلتر اسبور بالماسوره بتاعته يعني مينفعش أعلي اكتر من كدا

[waleed alsudy]

بعدين الفايكوم دا اعرفه ازاي شغال مع التكييف ولا لاء اعمل ايه يعني

[SAMEH_FOUAD]

1- هية بتعمل معاك , كام , ياباشا ؟؟ عشان دة اللى هيحدد ومتوسط سرعة كام

2- لو العربية بتبطل مع التكييف , يبقى انت كدة عايز تنظيف لبلف الايدل

[waleed alsudy]

مش بحسبلها بامانه بس دا انا بحسه يعني
وبالنسبه للتكييف ياريت ترفعلي صوره بتاعت البلف اللي بتقول عليه وانظفه بايه مثلا w4 ولا ايه

[waleed alsudy]

انا في واحد صاحبي قالي اعمل تشك كمبيوتر على الرشاشاات وتعرف ضغطها كام ممكن يكون في رشاش او اثنين بيرشوا اعلى من الباقي
صح الكلام دا ولا ايه