المرايه اليمين اتكسرت ومش عارف اعمل ايه

[ahmedabeed]

من يومين وانا جاى على الدائرى من الهرم للمرج المهم عندنزلت الزراعى الدينا بتبقى زحمة اوى المهم فى نهاية الزحمة عربية جامبو زنقت على من اليمين والحمد لله جابت المرايه بس بس انا معرفتش اقف اللى بعدها بشويه المهم الزجاج والاطار البلاستيك اللى بيركب على المكنة وقعوه ومش عارف اعمل ايه سالت على استراد عند مجدى الدسوقى ملاقتش والجديده ب 350 ومن الاخر انا عايز اى بديل ومش عارف امشى بالعربية لانى بعتمد عليها جدا (العربيه سيتى 2007)

[mhopa2440]

اظن للاسف كان لازم تقف وتجيب على الأقل الاطار البلاستيك

دا لو موجود ممكن تركب عليه زجاج نوع نضيف ويمشي الحال احسن من 350 جنيه طبعا

[ahmedabeed]

بصراحة كنت متنرفز جدا والطريق كان زحمة ورايا معرفتش اقف المهم فى حد عنده استيراد او تيوانى امشى حالى بيه

[Magoda]

طب متنزل تدور فى عزبة شلبى او الوكالة هتلاقى انشاء الله ويستحسن تجبها استيراد عشان ابعادالمرايا الجديدة مش هتلاقيها زى الأصلية

[VTEC]

خلى بالك لو حتجيب استيراد تبقى عربيه دريكسيون شمال عشان ابعاد المرايه بتفرق

[ahmedabeed]

طيب انشاء الله هنزل عزبة شلبى بس حد يعرف محل هناك عنده حاجة هوندا عشان غالبا هجيب فانوس يمين خلفى كمان

[khaleddapino]

بعد اذن صاحب الموضوع !
فى حد عنده فكره عن سعر المرايا العاده سيفيك 95

[محمد أنور]

المراية كاملة ب 350 ولا القاعدة و الازازة بس ؟؟
انا من رأيي تدور عليها عند بتوع قطع غيار الهوندا في الحرفيين و ان شاء الله هتلاقيها بس مش ب350 كتير اوي والله ده تهريج

[ahmedabeed]

انا اخر ما زهئت نزلت التوفيقيه وطبعا ملاقتش استيراد جبت واحد جديده تايوانى ب 300 وهى نفسها سألت عليها عند مجدى الدسوقى اللى قالى عليها ب 350 وكانت برده تايونى

[SAMEH_FOUAD]

بعد اذن صاحب الموضوع !
فى حد عنده فكره عن سعر المرايا العاده سيفيك 95

المرايا العادة سيفيك 95 بتعمل 180 جديدة تايوانى

و الاتنين ب 250 جنية استيراد