شوية مشاكل فى الهوندا

[buddha]

اقوم بعمل صيانة كاملة للسيارة من الالف الى الياء من البودى الى الموتور بعد التعرض لحادث وربتا يتم على خير

دلوقتى الموتور مطلعينة برة الحوض تماما وكنت بدور على اى مشكلة ظاهرية لقيت طبقة زيت خفيفة جدا فى البوابة او الـــ throttle body الواحد حتى لو عارف بيشك

انا عارف ان فى صمام اسمة PCV ودة بيسحب البخر بتاع الزيت من غطاء التاكيهات عشان يخف الضغط على المحرك

و البخر دة بيخرج بخرطوم وبيروح قدام ال بوابة او المنافولد كل تصميم محرك بيختلف وبيدخل مع خليط الهواء والبنزين للموتور

فهل مع الوقت ممكن الاقى نسبة زيت على البوابة .... هل دة امر طبيعى ولا كدة المكنة بالسلامة بتودع



ثانيا قبل الحادثة كنت بقرص جامد انا مركب عداد قراءة دجيتال لحرارة الموتور كان بيوصل لــ 95 هل دة طبيعى ولا كثير

دورة التبريد جديدة كليا دون اى مشاكل والموتور بدون تربو موتور N/A B16A2

نقطة اخيرة لما بقيت اعمل كيك داون من سرعة 40 العربية استهلاكها للبنزين ارتفع عن الاول تقريبا ال 10 لتر بيعملو 62 ميل مايقارب 100 كم او اقل كمان ممكن 56 ميل

[SAMEH_FOUAD]

ان شاء الله تخلصها على خير , والحمد لله انك سليم وقدر الله وماشاء فعل

شوف هو المفروض مايكونش فية بخر زيت , ومش معنى انك بتلاقى ترشيح زيت خفيف معناة ان المكنة خفت , لأ هو ممكن يكون الفالف نفسة اللى بدأ يضعف , ففكة اكشف علية

- حرارة الماتور المفروض بكل الاحوال ماتزيدش عن 91 درجة , ف 95 % دية زايدة شوية والمفروض ان مؤشر الحرارة يرفع عندك , فحاول تحط العربية على scanner وشوف درجة الحرارة كام

ال SiR عموما استهلاكة للبنزين فى المدينة مابيزيدش فى كلتا الاحوال عن 200 كم فى ال 20 لتر

وفى ال high way بتعمل 320 كم فى الصفيحة طبعا سرعة لا تزيد عن 120 كم

[buddha]

تسلم لردك يا سامح .... فى ناس قالتى احتمال pistons rings وانا مستبعد تماما مفيش عندى ولا اى دخنة ولا اى ريحة غير مرغوبة فى الحريق

هو كل العملية ان مع الكبس باستمرار ومع ال High RPM طبعا التقليب بتاع الــ CrankShaft بيبقى اقوى وبالتالى طبعا الزيت بخرة بيزيد وبالتالى الضغط بتاع البخر بيكون اكبر فلما بيطلع من ال PCV بيكون ملحوظ وبيعمل ترسيبات للزيت بصورة واضحة وخصوصا ان عندى فى الموتور ال بخر بيروح قدام ال THROTTLE مش فى المنافولد


حتى يا سامح فى ناس بتركب Drain بدل ال PCV
[shfaf1]http://www.supermotors.net/getfile/853016/fullsize/steeda-oil-separator-4.jpg[/shfaf1]


ومع الوقت بتلاقى جواة زيت وفى ناس بتركب بدل ال PCV فلتر صغير شبة الفلتر الرياضى
[shfaf1]http://thumbs2.ebaystatic.com/d/l225/m/m5KEq-p1EE9QXzBsuZ0j75w.jpg[/shfaf1]


اية رائيك هل انتى مع ان العربية فيها طقم شنبر ولا ليك رائى تانى

وبخصوص الحرارة انا مركب عداد رقمى وبيوصل لــ 95 بس كدة اقصى حرارة



تسلم يا سامح على الرد

[SAMEH_FOUAD]

طيب انت لية مافكرتش تقيس درجة احكام ال piston ring , هية اللى هتعرفك حالة الماتور

وياريت بردة تقولى انت بتحط زيت نوعة اية ودرجة لزوجة كام ؟

[buddha]

بالنسبة للزيت باستخدم
Rotella Synthetic
Pennzoil 10w/40
Valvoline

بالنسبة للكبس انا مقيستهوش بس المكنة قوية جدا ومفيش ريحة زيت فى العادم

على العموم انا كنت ناوى احول المكنة عندى لـــ SIR JDM بدل من USDM ادام فتحة شغل هغير ال Engine Head لـــ
B16A وبالمرة نشوف حالة البساتم وال شنابر