ايه نظام الهوندا سيتى

[iso_loma]

يا شباب ايه نظام موديلات الهوندا سيتى العربيه غامضه ومعرفش عنها معلومات ومعروض عليا وحده 2007 ياريت تفدونى ايه اخبار فطع الغيار و استهلاك البنزين و مميزات و عيوب العربيه

[mh3]

العربييه ذي اي عربيه هوندا قطع الغيار غاليه شويه مش كتير لو اتوماتيك يبقي افضل لان المنيوال وحش فيها وبيتغير بسرعه واستهلاك البنزين حلو عشان هي مهمها كانت هوندا يعني بتشم بنزين ومنمميزاتها انها مش منتشره يعني بتبقي مميزه التكيف طبعا رائع ده اللي اعرفه

[hamaka]

معايا المانيوال و عاملة 90000 مفيهاش أى مشاكل الحمد لله ، الأوتوماتيك أحسن عشان أريح بس مش أكتر ، بس الأوتو بتستهلك بنزين أكتر طبعاً ، لكن المانيوال استهلاك ممتاز ، صيانتها سهلة مش معقدة و ناس كتير شغالين فيها ، قطع غيارها الأصلية غالية شوية بس بتعيش كتير و بتحطها و تنساها و كده كده فيه قطع غيار كتير تقليد و أسعارها معقولة جداً ، و سواقتها ناعمة و عربية اعتمادية بشكل عام....

[ahmedabeed]

والله انا كان معاى 2005 الاوتو 1300 كانت ممتازة جدا وموفرة فى البنزين بشكل يجنن ومشترى من شهر سيتى 2007 1500 الاوتو وفيها شفتات فى الدريكسيون الفئة الهاى لاين هى كويسه جدا ومشاء الله بس المستعمل مستعمل يعنى محتاجة حبة مصاريف على عفشة وكهرباء بس العربية فيها abs ,ebd والكنبة بتفتح مع الشنطة يعنى عربية فيها كل حاجة والاهم عالية عن الارض يعنى مناسبة لطرق مصر عكس السيفيك بس طبعا ثبات اقل