لو عاوز أرفع عربيه هوندا 2008 أرفعها فين

[الشقنقيرى]

عاوز اشترى هوندا 2008 ومحتار ارفعها فين طبعاً التوكيل مكلف وكمان لازم احجز واخد ميعاد وكلام من كدة
أنصحونى يا أهل الهوندا أكرمكم الله

[El Shennawy]

انا سالت كتير عرفت انك لو عليت العربية هتعوم و هتفقد اهم حاجة فى الهوندا و هيا ثباتها

و فيه موضوع عن تركيب صدادات للمساعدين و لا يؤثر علىثبات العربية بس الى عرفتة انه بياثر على المساعد و بيضعفة

معرفشى لو ركبت جنط اكبر 16 ده هيرفع العربية شوية ولا لا

[hossamalsadik]

ههههه هو يقصد يكشف عليها فين

[الشقنقيرى]

أيوة فعلاً أنا عاوز أرفعها اكشف عليها علشان هيه مش زى الفيات ممكن ارفعها فى اى مجرى وابص عليها وخلاص

[TawdeeB]

مش محتاجة رفع بس اى سمكرى او ميكانيكى فاهم انا عندى واحد فى بورسعيد بيكشف على اى عربية يطلعلك كل حاجة فيها من غير رفع لو انتا فى بورسعيد ممكن افيدك

[الشقنقيرى]

لا ياباشا مش موضوع سمكرة فى حساسات وفيه علبه دركسيون ب8000 جنيه وقاعدة موتور وحاجات كتير مهمه فى العربيه لازم يتكشف عليها

[الشقنقيرى]

طب المهم هل التوكيل اللى فى جسر السويس للكشف على العربيه حيكون فاتح يوم السبت بكرة يعنى ولا مش أكيد لانى من مشاور بعيد ومش عاوز انزل ادب المشوار على الفاضى

[hossamalsadik]

مش عارف التوكيل فاتح السبت ولا لأ طيب ماتجيب رقمه وتتصل بيه واى فرع وقلهم
هوا فيه مركز صيانه متخصص هوندا اسمه الشياطين الحمر فى اول المنيل من اتجاه الكورنيش ممكن يسعفك بردو فى الكشف

[الشقنقيرى]

رحت يا جماعه وكشفت فى توكيل هوندا جسر السويس قباء
والحمد لله أخدت العربيه بس مستغرب التوكيل مش موجود فيه اجهزة كتير ولا حاجه زى ما كنت متخيل لدرجه طلبت منهم تحديد الموتور كويس كام فى الميه زى اى بنزينه قالى ماعنداش حاجه تعرف الحاله للموتور ههههههههههههههه