ايه عيوب الهوندا سيتي ؟؟؟

[john_hurghada]

ياريت حد يقولنا ايه هي عيوب السيتي، انا قلقت كتير لما رحت كام معرض عربيات وملاقتهاش خالص
وكمان دخلت على موقع هوندا مالقتهاش !!
سؤال كمان انا عارف اني تقلت عليكوا :d
هل هي ياباني ؟؟؟؟

[john_hurghada]

ياسلااااااام ولا عيب فيها
طمنتوني بجد
طاب ايه اللى يخليني افضلها عن عربية تانية !! عن الاكسنت مثلا

[ahmediz2000]

العربية يابانى تقفيل تايلندى.. لكن ده لايعيبها فى شئ لان تقفيلها حلو وخاماتها ممتازة
لما هتفتح الموتور هتلاقى حاجات كتير made in japan وهتلاقى حاجات بسيطة زىالخراطيم او الريداتير مثلا صناعة تايلندى..
عيوبها اللى انا شايفها ..* الصاج بتاعها خفيف حبتين ..و العربية بتحس انها خفيفة بعد 140-150 ده لو انت لوحدك او معاك واحد بس ..ده بس اللى انا شايفه عيب فيها غير كده العربية ممتازة سحبها حلو - التكييف يؤثر بنسبة ضئيلة لو شغلته ممكن اساسا ما تحسش بأنه بيأثرعلى السحب خصوصا لو انت على طريق سريع - واسعه من الداخل - شنطتها واسعة جدا - اكصدامها اكثر من رائع ماشاء الله .. خدت فيه اكتر من خبطة اخرها كان واحد رشق فى العربية من ورا والحمد له الاكصدام ما حصلوش حاجة ماعدا ان الكلبسات اتفكت - العربية فى المجمل ناعمة اوى - باور كهربا يعنى مفيش علبة دركسيون او زيت باور - سير الكاتينة جنزير يعنى ريح دماغك منه - الموتور كله بسير واحد بس - تكييفها حلو وبيبرد بسرعة .. هو مش هتلاقيها فريزر يعنى بس كمجمل جميل جدا وعمرى ما جبته على 4

ده موضوع كنت عمله هنا فى المنتتدى بعد ماشتريت العربية

http://www.nilemotors.net/Nile/showthread.php?p=241575#post241575

[john_hurghada]

الف شكر يافندم وربنا يباركلك فى العربية ، بجد استفدت كتير
انا كلمت انهاردة التوكيل وقالي انها تايلاندي وخفت جامد ليكون زي تقفيل المصري كده
بالنسبة لالونها قالي اربعة بس ابيض واسود وسيلفر ولون كمان سألته على السماوي قالي مافيش
ايه احسن لون بيليق فى السيتي، انا عارف اني تقلت عليكوا :smile:

[ahmediz2000]

احلى لون فيها الاسود .. شياكة بصراحة جامد جدا على العربية بس مشكلته فى الخدوش والتراب .أقل حاجة هتبان فيه . انا بتاعتى فضى مش بيبان فيها الخدوش والتراب اوى .. السماوى مش حلو على فكرة .. واى خدمة

[zahazido]

أنا بتاعتى سوداء و هو اشيك لون عليها و إذا كان على التراب نضفها من التراب على الناشف هتنطق معاك

[bebo_abdeldayem]

يا جماعه انا ماليش مشاركات في النتدي بس حبيت اقول حاجه حصلت من كام يوم قصاد عيني ,, في شارع المعرض في مدينة نصر هوندا سيتي 2007 كانت ماشية بالكتير اوي علي 100 و في ملف u-turn في نص الشارع المهم صاحب السيتي ماهداش سرعته تقريبا و في عربيه لادا نوفا من بتاعة الجيش دي بتلف في الملف قام صاحب السيتي مفرمل فجأه و اذ فجأة الاقيلك السيتي اتقلبت علي سقفها و زاحفه عليه بتاع 10 متر ,, المهم ببص جوا ولا اير باج فتح ولا حاجه الحمد لله صاحبها سليم و انا توقعت ان العربيه حتدمر بس الخساير ماكنتش كتيرة بالنسبة للحصل ,, والاستنتاج الوحيد من الي حصل ان العربيه ثباتها مش كويس واستنتاج تاني ان العربيه مش ضعيفة زي ما ناس كتير بتقول
عموما بس حبيت اقولوكواعلي الي شفته
وعلي فكرة الادا وهي بتدفاداها خبطت في الرصيف و النص القداماني من العربيه في الباي باي

[magdy_momo]

يا جماعه انا ماليش مشاركات في النتدي بس حبيت اقول حاجه حصلت من كام يوم قصاد عيني ,, في شارع المعرض في مدينة نصر هوندا سيتي 2007 كانت ماشية بالكتير اوي علي 100 و في ملف u-turn في نص الشارع المهم صاحب السيتي ماهداش سرعته تقريبا و في عربيه لادا نوفا من بتاعة الجيش دي بتلف في الملف قام صاحب السيتي مفرمل فجأه و اذ فجأة الاقيلك السيتي اتقلبت علي سقفها و زاحفه عليه بتاع 10 متر ,, المهم ببص جوا ولا اير باج فتح ولا حاجه الحمد لله صاحبها سليم و انا توقعت ان العربيه حتدمر بس الخساير ماكنتش كتيرة بالنسبة للحصل ,, والاستنتاج الوحيد من الي حصل ان العربيه ثباتها مش كويس واستنتاج تاني ان العربيه مش ضعيفة زي ما ناس كتير بتقول
عموما بس حبيت اقولوكواعلي الي شفته
وعلي فكرة الادا وهي بتدفاداها خبطت في الرصيف و النص القداماني من العربيه في الباي باي

سوء تصرف مش اكتر
و دي مش اول عربيه تتقلب

[NaviGator_13]

عيوب السيتى من وجهة نظرىشكلها اللى عامل زى الكنبة .

[blackeagle]

العربيه ممتازة لم اجد فيها اي عيب حتي الان و الحمد الله ناعمة التكيف ممتاز ولا يؤثر علي السحب و برضه عمري ما جبته علي 4 بالليل علي 2 و في الشمس علي 3
و التقفيل ممتاز استهلاك البنزين رائع متور قوي مستحيل تصدق انه 1300 لو في اشارة غالبا هتكون اول واحد هيطلع (سحب جيد جدا)
العيب الوحيد اللي في كل العربيات هو الركن انا مبلاقيش مكان اركن فيه بعد الجراج اللي كنت بركنة فيه قفل لخلاف الورثة هو ده الشئ الوحيد اللي بينغص حياتي في العربية انا في ايام ما برضاش اطلع بالعربيه احسن ارجع ملاقيش مكان

[washable]

و الله السيتى معايا و الحمد لله العربية كويسة اوى فيما عدا انها بتكون خفيفة فى ال140 يعنى بحس انى هطيييييييييييير :) بس غير كده هى ممتازه و كمان السحب بتاعها كويس بس اكيد مش اجمد حاجه بس قشطه شغال ..
انا اللى ميعايا 1300 فضى و اكتشفت ان ده احين لون عشان التراب مش بيعلم اوى عليه على عكس الاسود .. لو عايز رأى استنى الموديل الجديد 2009 ده جاممممممممد اوى اوى اوى

[john_hurghada]

blackeagle علشان كده بفكر فى السيريون ، ممكن اركنها جنب التلاجة

washable بس دي حاجة عظيمة جدا، تحس انك راكب عربية وطيارة فى نفس الوقت بالنسبة لموديل 2009 اكيد سعرها هايبقى اغلي