هل قطع غيار السيفك 93 بدات تقل في بورسعيد

[mohandelboshy]

السلام عليكم ورحمة الله وبركاته

انا الصراحة كنت نازل من ابيزا 94 وبقالي حوالي 7 شهور بدور علي مستعمل وكنت خلاص شبه مستقر ان شاء الله علي 93 بس لسه ربنا ما اردش ان اركبها لغاية دلوقتي وده لان المعروض اما اكتر من المبلغ اللي معايا او اما تعبان وهلكان فقلت انزل بورسعيد اشوف الدنيا فيها ايه يمكن الاقي حاجة كويسه لانها بلد الهوندا واهو بالمرة لو ظبطت حاجة الشونة بتاع بنك الاسكان هناك اجيب اللي محتاجه
المهم دورت في بعض المعارض لقيت اغلب السيفك منطقة حرة وحاجات بسيطة اوي اوي ملاكي وفيه عربيات ملعوب فيها جامد ومتتعرفش يعني اللي مغيرة نص ومعمولة باحترافية شديدة واللي شاسيه ملحوم وبلاوي بس النضيف منطقة سعره عالي
فقلت اطلع علي بنك الاسكان اعرف كام تاجر هناك من ايام ما كنت بشتري حاجات للابيزا 94 فسالته ميعرفش الاقي 93 كويسه فين فكانت المفاجأه
انه قالي : ابعد عن الـ هوندا 93 عشان حاجاته بدأت تقل فبصراحة كان معايا واحد قريبي من هناك خدنا لفه علي السريع لقيت ان اكتر حاجة موجودة هناك من اول 97 لغاية 99 بالهبل وسالت تاجر قطع غيار هوندا هناك معرفة لابن خالتي قالي نفس القصة ان حاجات سيفك 93 بدأت تقل خليك في 97 او 98 وفعلا دول لقيتهم معشوقة الشعب البورسعيد هناك
السؤال بقي هل كده الواحد لو جاب هوندا 93 هيطلع عينه بعد كده علي قطعة غيار
طيب اللي معايا 45 بالعافية شاكب راكب اول عن اخر

هل اقدر اجيب 96 حتي ولو فاضية ومانيوال واقل نوع
واللي عنده او عارف واحد معاه 96 يا ريت يقولي

[SAMEH_FOUAD]

مين قالك كدة ياباشا , الموديل موجود وكل حاجة موجودة لية سواء فى التوكيل او خارج التوكيل , او استيراد

واى حاجة انت عايزها موجودة

[alzelafy]

فكر فى نوبيرا 2002 او كريستاله حاجتهم عند البقال الهوندا خلاص بقت شقيانه و طالع عنيها خصوصا الموديل دة و النظيف منها تسمع فيه اسعار خيال

[AHMED_HAMDY]

فكر فى نوبيرا 2002 او كريستاله حاجتهم عند البقال الهوندا خلاص بقت شقيانه و طالع عنيها خصوصا الموديل دة و النظيف منها تسمع فيه اسعار خيال

مع احترامي الكامل لحضرتك بتسمع اسعار خياليه لان الطلب عليه خيالي برضه لموديل 92-95 ومن موديل 97 - 00

ممكن اعرف ليه المعروض كسر زيرو من سيراتو وإلنترا وعربيات كثيره اكثر من عربيه موديل 20 سنه فاتت والناس بدور عليها !!!!

يعني الناس دي كلها بدور على انها تركب عربيه شقيانه

انا جالي وقت في فتره كان 10 بمعنى الكمله من ناس عرفهم بيدور على عربيه موديل اقل 20 سنه !!!!

ولغايه دلوقتي بتلاقي ناس طالبه ف عربيه 97 اس اي ار اوريجينال مثلا 85 الف و 75 الف وبتلاقي ناس بتشتريها وبتسيب عربيات زيرو كمان

اسف على الاطاله ومش بقول كدا اني علشام راكبها بس الكلام ده من ناس مركبتهاش ونفسها تركبها
وثاني حاجه انا عمري مشوفت حد راكبها بيعاني من نقص اي قطعت غيار المشكله بس شويه جشع من التجار كفايه ان عربيه 92 ليها قطع غيار في التوكيل
الحل نستحمل جشعهم

او ده انسب حل ليا كل مجموعه تحاول تخلي تاجر يجيب عربيه كامله من بره وياخدوا كل واحد واحتياجاته منهم وهتقف بسعر كويس

واسف على الاطاله مره ثانيه

[SAMEH_FOUAD]

للاسف ياباشا مش معاك فى النقطة دية تماما

انت ممكن تركب السيفيك , وبعد كدة اركب النوبيرا - لانسر - او اى عربية انت عايزها , وانت تعرف يعنى اية طعم الهوندا وجمال ركوبة الهوندا

وياباشا طبيعى اى عربية شقيانة سعرها هيبقى واقع , واى عربية حالتها نظيفة , هتتطلب فيها السعر اللى انت عايزة لانك محافظ عليها

[mohandelboshy]

مين قالك كدة ياباشا , الموديل موجود وكل حاجة موجودة لية سواء فى التوكيل او خارج التوكيل , او استيراد

واى حاجة انت عايزها موجودة

ما انا عارف انه موجود بس التجار ليه في بورسعيد بيقولوا ان الموديل ده حاجته بدات تقل في السوق واللي اكثر انتشارا منه هو من موديل 96 الي 99 حاجاته كتير وموديل 2000 حاجاته قليلة وغالية

فهي موجودة بس معدتش بالوفرة زي زمان يعني علي كلامهم سنه ولا اتنين وبدل ما هيبقي 20 محل بيبيعوا هيبقي 3 او 4 محلات بتبيع حاجات 93 مع ان الموديل ده احسن من ال 96 الي 99 بس في بورسعيد اكتر حاجة شوفتها موديلات 96 الي 99 كتير اوي سواء قطع غيار او عربيات

طيب حاجة تانية هل التوكيل في كل حاجة للسيفك 93 سواء صاج او عفشة او ميكانيكا ( موتور - حساسات - رياداتير ....... الخ ) الحاجات دي كلها موجودة واسعارها قريبة للاستيراد
لان مهم اوي نعرف

[mohandelboshy]

فكر فى نوبيرا 2002 او كريستاله حاجتهم عند البقال الهوندا خلاص بقت شقيانه و طالع عنيها خصوصا الموديل دة و النظيف منها تسمع فيه اسعار خيال

لك كل الاحترام والتقدير بس الهوندا عربية جميلة وعجباني والنوبيرا انا شخصيا مش بحبها خالص ولا بشوف فيها اي مميزات تخلي الواحد يجيبها حتي ولو برخص التراب

[mohandelboshy]

مع احترامي الكامل لحضرتك بتسمع اسعار خياليه لان الطلب عليه خيالي برضه لموديل 92-95 ومن موديل 97 - 00

ممكن اعرف ليه المعروض كسر زيرو من سيراتو وإلنترا وعربيات كثيره اكثر من عربيه موديل 20 سنه فاتت والناس بدور عليها !!!!

يعني الناس دي كلها بدور على انها تركب عربيه شقيانه

انا جالي وقت في فتره كان 10 بمعنى الكمله من ناس عرفهم بيدور على عربيه موديل اقل 20 سنه !!!!

ولغايه دلوقتي بتلاقي ناس طالبه ف عربيه 97 اس اي ار اوريجينال مثلا 85 الف و 75 الف وبتلاقي ناس بتشتريها وبتسيب عربيات زيرو كمان

اسف على الاطاله ومش بقول كدا اني علشام راكبها بس الكلام ده من ناس مركبتهاش ونفسها تركبها
وثاني حاجه انا عمري مشوفت حد راكبها بيعاني من نقص اي قطعت غيار المشكله بس شويه جشع من التجار كفايه ان عربيه 92 ليها قطع غيار في التوكيل
الحل نستحمل جشعهم

او ده انسب حل ليا كل مجموعه تحاول تخلي تاجر يجيب عربيه كامله من بره وياخدوا كل واحد واحتياجاته منهم وهتقف بسعر كويس

واسف على الاطاله مره ثانيه

فعلا كلامك مظبوط بس المفروض سعر السوق اللي يحكم مش كل واحد يقول السعر اللي هو عاوزة ويكون مبالغ فيه
مش معني ان الطلب عليها يبقي نرفع السعر لأ مش منطق طيب ما ال 93 مطلوبة اكتر من 96 و 97 ومع ذلك الناس بتبالغ في السعر
وعندك الكوري الطلب عليه كتير مش ميزة فيه لأ لان قطع غياره واعادة البيع اسرع ومع ذلك سعره واقع جدا وتشتري زيرو انهاردة بعد سنة تخسر فيها جامد
فالحل ان الناس تبيع بسعر انهاردة مش الاقي واحد معدل عربية93 ل si ويا ريتها ستوك وطالب لي فيها 65 ده اسمه ايه ............؟ وتطلع رشه برة وبمعجون يعني ايه الكلام ده ...؟ طبعا العربية بتفضل معاه وبعد شهر ولا اتنين تلاقيه نزل سعرها ل 55 وبعدين 50 زي ما فضلت اشوف اعلان علي احد المواقع 3 شهور بيبيع فيها والاخر نزلها علي 50 الف عرفت ان سعر السوق هو اللي بيفرق ولسه موجودة ومش عارف يبيعها

[khaleddapino]

بوص يا باشا تجار بورسعيد يقصدو بمعنى ان الحاجه قليله يعنى مش زى الاول بمعنى ان عندنا مثلا هنا كنت تنزل بنك الاسكان تروح لتاجر من دول تلاقى صالونات sir كامله واخد باللك من صالونات
يعنى اقصد الحاجه متوفره بس مش بالنعيم الى كونا عيشين فيه :))

[mohandelboshy]

بوص يا باشا تجار بورسعيد يقصدو بمعنى ان الحاجه قليله يعنى مش زى الاول بمعنى ان عندنا مثلا هنا كنت تنزل بنك الاسكان تروح لتاجر من دول تلاقى صالونات sir كامله واخد باللك من صالونات
يعنى اقصد الحاجه متوفره بس مش بالنعيم الى كونا عيشين فيه :))

بس انت شخصيا عامل موضوع لقطع غيار الجيل الخامس من سنة تقريبا بتقول ان قطع الغيار قليلة وان الجيل السادس هي اكتر
ودي كانت ملحوظة اسمح لي انا اقتبستها من الموضوع بتاعك

ملحوظه هامه
اغلبيه الشغل جيل سادس بمعنى ان شغل الجيل السادس هو الاكتر دلوقتى يعنى الى عايز يجيب حاجه يلحق الى موجود و ده بالنسبه لشغل بورسعيد و الى انا شوفته

فعاوزين يا جماعة حد يعرفنا ان كان الكلام ده من سنة وقليل امال بعد كام شهر او سنة كمان قطع الغيار هتختفي

والله الموضوع ده مهم جدا ويطمنن اللي عاوز يشتري ال 93

[SAMEH_FOUAD]

شوف ياباشا اولا مبدأيا كدة صعب ان شغل الجيل الخامس يقل , لان الجيل الخامس هو تقريبا اكتر جيل منتشر فى الهوندا من 92-2000 , فصعب انك تلاقى قطع الغيار بتقل

وزى ماقولت , واحمد حمدى قال , ان الهوندا قطع غيارها موجودة فى التوكيل بتتباع ودة يدل على مدى توافرها , دة غير ان فية شغل كتير جداا بينزل دلوقتى

وبردة تراعى حالة البلد يعنى عندك السوق اصلا نايم لان مافيش استيراد زى الاول , فكل دية عوامل بتأثر

لكن احنا كمستخدمين للسيارة الحمد لله مافيش صعوبة تماما فى اى حاجة اننا نلاقيها , يعنى حتى ناس كتير دلوقتى بقت بتبيع حاجات الهوندا ( وسط البلد - المعادى - حدائق القبة - الجيزة - الكيت كات - الحرفيين ) دة اللى فى القاهرة بس يعنى تقريبا فى كل منطقة فى القاهرة

[Mohamed Abd ElKhalek]

الحمد لله امبارح اشتريت هوندا سيفيك ex 1993 هاتشباك وقطع الغيار بتاعتها متوفره في كل حته لاني سالت عن الموضوع ده من قبل ما اشتري الحرفيين يعني عدلي وزوزا ومجدي دسوقي واللي انت عايزه هتلاقيه عند الناس ديه وبمعرفتي بزوزا شخصيا الراجل بيسافر يجيب الحاجه بنفسه ومبيتاخرش عن اي حاجه الواحد بيطلبها منه

[Mohamed Abd ElKhalek]

شوف ياباشا اولا مبدأيا كدة صعب ان شغل الجيل الخامس يقل , لان الجيل الخامس هو تقريبا اكتر جيل منتشر فى الهوندا من 92-2000 , فصعب انك تلاقى قطع الغيار بتقل

وزى ماقولت , واحمد حمدى قال , ان الهوندا قطع غيارها موجودة فى التوكيل بتتباع ودة يدل على مدى توافرها , دة غير ان فية شغل كتير جداا بينزل دلوقتى

وبردة تراعى حالة البلد يعنى عندك السوق اصلا نايم لان مافيش استيراد زى الاول , فكل دية عوامل بتأثر

لكن احنا كمستخدمين للسيارة الحمد لله مافيش صعوبة تماما فى اى حاجة اننا نلاقيها , يعنى حتى ناس كتير دلوقتى بقت بتبيع حاجات الهوندا ( وسط البلد - المعادى - حدائق القبة - الجيزة - الكيت كات - الحرفيين ) دة اللى فى القاهرة بس يعنى تقريبا فى كل منطقة فى القاهرة

هابقي محتاج مشورتك كتير الفتره اللي جايه يا كبير الهونداويه :) ياريت تبعتلي رقمك في رساله :)

[khaleddapino]

بس انت شخصيا عامل موضوع لقطع غيار الجيل الخامس من سنة تقريبا بتقول ان قطع الغيار قليلة وان الجيل السادس هي اكتر
ودي كانت ملحوظة اسمح لي انا اقتبستها من الموضوع بتاعك



فعاوزين يا جماعة حد يعرفنا ان كان الكلام ده من سنة وقليل امال بعد كام شهر او سنة كمان قطع الغيار هتختفي

والله الموضوع ده مهم جدا ويطمنن اللي عاوز يشتري ال 93

كلام سليم و ده فعلا كان كلامى و عن تجربه علشان كنت بشد العربيه و نزلت اشوف بنفسى السوق عامل ازاى

و الفتره الى كانت فيها قطع غيار الجيل السادس منتشره ده بسبب تاخر قطع الجيل الخامس
انما حاليا اصبح فى وفره فى القطع الفكره كلها ان زمان كنت انزل البنك مش محتاج ادور
انما حاليا فى قطع غيار تحتاج تلف فيها و لكن النتيجه فى الاخر انك بتلقيها

من الاخر يعنى موضوع ان حاجات السيفيك الجيل الخامس يطلق عليها نادره فى يوم من الايام ده شىء مستحيل

و الدليل على كدا ان الاقبال على الموديل ده مش مقتصر على مصر بس لا و بره كمان حتى الان يبقى صعب اووى يقل

[mohandelboshy]

شوف ياباشا اولا مبدأيا كدة صعب ان شغل الجيل الخامس يقل , لان الجيل الخامس هو تقريبا اكتر جيل منتشر فى الهوندا من 92-2000 , فصعب انك تلاقى قطع الغيار بتقل

وزى ماقولت , واحمد حمدى قال , ان الهوندا قطع غيارها موجودة فى التوكيل بتتباع ودة يدل على مدى توافرها , دة غير ان فية شغل كتير جداا بينزل دلوقتى

وبردة تراعى حالة البلد يعنى عندك السوق اصلا نايم لان مافيش استيراد زى الاول , فكل دية عوامل بتأثر

لكن احنا كمستخدمين للسيارة الحمد لله مافيش صعوبة تماما فى اى حاجة اننا نلاقيها , يعنى حتى ناس كتير دلوقتى بقت بتبيع حاجات الهوندا ( وسط البلد - المعادى - حدائق القبة - الجيزة - الكيت كات - الحرفيين ) دة اللى فى القاهرة بس يعنى تقريبا فى كل منطقة فى القاهرة

ربنا يطمنك يعني نتوكل علي الله ونستمر في البحث عن 93 ولا استني واكمل علي الفلوس واجيب حاجة 96 او 97
عموما يا رب حاجة الهوندا تبقي موجودة علي طول