سؤال لأهل الخبرة فى تغيير ماتور لسيفيك 89

[tarbook]

السلام عليكم
عندى مشكلة فى هوندا سيفيك 1989 ان العربية جابت موتور وكنت عايز اغير الموتور وعايز حاجة كويسة وهو الموتور القديم الستوك بتاعها كود الموتور D15B3
وانا عايز اعرف اسعار المواتير اية وانا عايز اركب حاجة انجيكشن 1600 مع العلم ان الموتور القديم كربراتير وسمعت انى علشان اغير الموتور بحاجة vtec لازم اغير تنك البنزين وحاجات كتير كدة وانا مش متاكد ومعرفش اسعار لانى اول مرة اعمل شغل فى الهوندا وعايز الموتور يكون بالفتيس اتوماتيك


واسف لازعاجكم

[No Comment]

شوف الموضوع ده صفحة 6 فيها اجابة سؤالك للحاجات اللى محتاجها للتعديل ... بالنسبة لسعر المواتير معرفش بصراحة اسعارهم ايه اليومين دول

http://www.nilemotors.net/Nile/235645-a-6.html

[SAMEH_FOUAD]

مبدأيا كدة وكلاكيت للمرة العشرين :

المطلوب تغيرة للتحويل من محرك كربراتير الى محرك انجيكشن :

1- محرك انجيكشن كامل ( فتيس + ضفيرة + كنترول ) واسعارهم من القاهرة كالتالى :

d15b : المحرك دة ممتاز جداا سعرة 5000 جنية كامل ( 1500 سى سى )

d16z6 : سعرة 5000 جنية ( 1600 سى سى )

zc : سعرة 5500 جنية ( 1600 سى سى )

d16y6-y8 : سعرة 6000 جنية ( 1600 سى سى )

دية اشهر المحركات العادية فى التسقيط وسعرها

2- تانك بنزين + طلمبة البنزين = 700 جنية , ولو التانك بتاعك كويس ممكن تدية للتاجر وتدفع فرق 400 جنية بس

3- فلتر بنزين + القاعدة = 200 جنية

4- عداد يوجد بة لمبة check engine = سعرة 200 جنية , ولو مش عايز تجيب ممكن تعمل اى لمبة عندك فى العداد لون اصفر فقط

5- عفشة امامية طنابير + كاليبرات + كبالن كاملة خارجى وداخلى = 1000 جنية

6- تعديل شكمان اللى 2 بوصة لان شكمان ال Ex صغير = 350 جنية ( ممكن تمشى علية كدة بس التعديل هيفرق معاك بصورة ملحوظة )

7- فلتر هواء سبور ( لان ال ex الشفط بتاع الفلتر بتاعها موجود فى الرفرف فمش هينفع يركب علية الفلتر الاصلى بتاع المحرك , فهتجيب فلتر رياضى + الماسورة = 350 جنية

8- تعديل الفرامل الخلفية الى ديسكات عشان تتناسب مع قوة المحرك الاكبر من المحرك الاصلى = 350 جنية

9- ريدياتير عريض 2 ماسورة : سعرة جديد تايوانى 500 جنية واستيراد ب600 جنية

10- لو السيارة مانيوال وانت هتحولها اتوماتيك يبقى هتجيب الاتى :

- كنسولة اتوماتيك تكون متوافقة مع الفتيس بتاع المحرك لان فية انواع فتايس بتكون 2 شجرة وفية 3 شجرة فكل واحد وليه ال selector الخاص بية

- قاعدة فتيس اتوماتيك , المفروض تكون جاية مع المحرك

- wire خاص بعصاية النقلات 150 جنية والمفروض بردة يكون جاى مع الSelector

- box بدالات اتوماتيك = 200جنية