ازاى انظف تانك البنزين؟

[hemtey]

السلام عليكم ورحمه الله وبركاتة
تحياتى لكل الهنداوية فى مصر
كنت عايز اعرف حاجة مهمة قوى وهى ازاى انضف تانك العربية من غير ما افكة
والف شكر على ردودكوا مسبقآ

[Ahmed Amin]

أنا عملتها مرة فكيت الكنبة الخلفية,,
وخلعت الغطاء اللي فوق طلمبة البنزين, وفكيتها وشلتها برة العربية براحة عشان مبوظش العوامة وقرايتها بعد كدا,

جبت جركن كبير نضيف, وجبت أزازة فاضية نضيفة وناشفة وقسمتها نصين,
وحطيت نص في الجركن من فوق أكنه قمع, والنص التاني بقيت أعبي بيه من التانك وأكب في الجركن,

وطبعاً كنت جايب جركن أحتياطي بس انا كنت مخلي العربي فيها ربع تانك بس عشان متهلكنيش في العملية دي,

وفضلت أفضي لحد ما أيديا وصلت لقعر التانك ومبقتش خلاص بطلع بنزين كتير في نص الازازة التحتاني اللي بعبي بيه من التانك,,

وجبت فانلة قطن قديمة عني,, أوعي تستخدم الفوطة الحمراء بتاعت العربيات ولا أي فوطة مشعرة عشان أرضية التانك خشنة ممكن تسيب فيه وبرة ورواسب ودي هتسد لك فلتر البنزين,

الفنلة اللي بنلبسها تحت الهدوم أو أي حاجة زيها التنضيف بيها ميسبش رواسب ولو اتقطعت برضه مش هتعمل وبرة,

ومديت أيدي كلها جوا التانك ولفيتها يمين وشمال من فتحة الطلمبة ونضفتة كويس جداً, ومكنش وسخ أوي,,
ورجعت كبيت البنزين فيه براحة من الجركن,, وركبت الطلمبة براحة ووصلتها وقفلت فوقيها الغطاء والكنبة,

وبس كدا,,
كنت مصور صور لما عملتها هشوفها فين وأحطهالك هنا.

[hemtey]

أنا عملتها مرة فكيت الكنبة الخلفية,,
وخلعت الغطاء اللي فوق طلمبة البنزين, وفكيتها وشلتها برة العربية براحة عشان مبوظش العوامة وقرايتها بعد كدا,

جبت جركن كبير نضيف, وجبت أزازة فاضية نضيفة وناشفة وقسمتها نصين,
وحطيت نص في الجركن من فوق أكنه قمع, والنص التاني بقيت أعبي بيه من التانك وأكب في الجركن,

وطبعاً كنت جايب جركن أحتياطي بس انا كنت مخلي العربي فيها ربع تانك بس عشان متهلكنيش في العملية دي,

وفضلت أفضي لحد ما أيديا وصلت لقعر التانك ومبقتش خلاص بطلع بنزين كتير في نص الازازة التحتاني اللي بعبي بيه من التانك,,

وجبت فانلة قطن قديمة عني,, أوعي تستخدم الفوطة الحمراء بتاعت العربيات ولا أي فوطة مشعرة عشان أرضية التانك خشنة ممكن تسيب فيه وبرة ورواسب ودي هتسد لك فلتر البنزين,

الفنلة اللي بنلبسها تحت الهدوم أو أي حاجة زيها التنضيف بيها ميسبش رواسب ولو اتقطعت برضه مش هتعمل وبرة,

ومديت أيدي كلها جوا التانك ولفيتها يمين وشمال من فتحة الطلمبة ونضفتة كويس جداً, ومكنش وسخ أوي,,
ورجعت كبيت البنزين فيه براحة من الجركن,, وركبت الطلمبة براحة ووصلتها وقفلت فوقيها الغطاء والكنبة,

وبس كدا,,
كنت مصور صور لما عملتها هشوفها فين وأحطهالك هنا.

الف شكر يا غالى بس كنت عايز اعرف مفيش اى مواد بتتحط فى التانك تنضفة اصل انا خايف وانا بفك الغطاء يحصل حاجة لطلمبة البنزين او العوامة او معرفش ارجعهم تانى زى ما كانو

[Ahmed Amin]

الف شكر يا غالى بس كنت عايز اعرف مفيش اى مواد بتتحط فى التانك تنضفة اصل انا خايف وانا بفك الغطاء يحصل حاجة لطلمبة البنزين او العوامة او معرفش ارجعهم تانى زى ما كانو

أولاُ الغطاء اللي قبل طلمبة البنزين دا متخافش منه لأنه بعيد عنها ومش هيأذيها,,
ثانيا لما تيجي تفك الطلمبة يبقي بحذر وأنت بتطلعها من قلب التانك عشان متخبطتش أو متأذيش العوامة وتديك بعد كدا قرايات بنزين غلط,
لو مش هتعرف تعملها وخايف بلاش تعملها,, لو عايز تجرب جرب بس خد بالك,

أخر حاجة ميفضلش أنك تحط أي مادة جوا التانك, لأن التانك أصلاً أرضيته خشنة
ومعاج ضدأ الصدأ وضد التأكل وضد الحريق وحاجات كتير كنت قريت عنها بس دول اللي فاكرهم,
فمنصحكش تحط حاجة فيه وممكن تروح في جنب ومتعرفش تنضفها أو تنشفها وتتخلط بالبنزين أو يكون فيها ضرر علي جسمة الداخلي نفسه,

التانك يكفي أنك تنضفة بس بقماشة متيسيبش رواسب ولا تفتل زي الحاجات اللي بتعمل وبرة,
وانا لما فكيته كنت زيك مفكر أني هلاقيه فيه رواسب كتير ووساخة من البنزينات الحلوة اللي في بلدنا, بس مكنش فيه أي حاجة لان البنزين مهما كان وحش بيتحرق,, والشوائب الفلتر بيمكسها,,

أما لو فيه شوائب كبيرة شوية أو ورقة أو حاجة غريبة هيكون سهل عليك تطلعها في عملية التنضيف دي, وتمسح بس كويس بفانلة أو بحاجة متسيبش وبرة وهيبقي زي الجديد.

[ahmedeihab]

ملهاش غير طريقتين 2

يا اما تفك الطرومبه زى ما زميلنا قلك و دى بتحتاج مجهود و صبر شويه بس الطريقه دى لو التانك عندك وسخ شويه حلوين هتطلع عينك و هتطلع طينه و زفت

يا اما تفك التانك بره و تروح البنزينه يعملهولك بالمسدس فى 3 دقايق

طالما فى الحالتين فك يبقى افك التانك احسن انا لسه عاملها قريب فكيت التانك لانه متفكش من الفابريكه و طلع عينى بصراحه لانهم بيحطوا مواد عازله بين التانك و العربيه و رحت البنزينه بالمسدس فى 10 دقايق و سبته يوم ينشف و ركبته بقا زى الفل

^_^