يعني ايه ابعاد الجنوط

[foxhonda2008]

كنت عايز اعرف يا محترفين يعني ايه ابعاد الجنوط عشان كل الي اعرفه مقاس الجنوط با 14 او 15او16 زي كده لكن اول مرة اسمع عن ايعاد الجنوط عشان في اخ عارض جنوط و كنت عاوز اخدهم منه مع العلم اني راكب سيفيك 2008 و مقاس الكوتش 15/195/65 و شكرا يا ديابه

[AHMED_HAMDY]

حضرتك ابعاد الجنط المسافه بين كل مسمارين

يعني مثلا السيفيك 95 بتركب عليها 14 او 15 او 16 او 17 ابعاد 4*100

اللانسر مثلا 4*114

السيفيك 2008 بتبقى 5 مسمار والبعد مش عارفه بالضبط

ده الي بتسمى الابعاد

[AHMED_HAMDY]

اما بالنسه لل مثلا 205/50/16

الجنط 16

عرض الكاوتش 205

ارتفاع 50

[SAMEH_FOUAD]

المقصود بابعاد الجنط , هو عدد المسامير الموجودة فى الجنط , والفرق مابين كل مسمار بس على طريقة دائرية
بتوضيح اكتر يعنى انك تجيب كل مسمار ومايقابلة فى الجهة الاخرى وتقيس المسافة دية هيطلع الرقم الصح بتاعك

وانا جيبتلك صورة اوضحلك فيها اكتر



الخط الاسود دة هو المسافة اللى هتقيس عليها من المسمار دة للمسمار كمثال

ولو انت عربيتك هوندا سيفيك 2008 يبقى مقاس الجنط عندك كالتالى

114.3*5 معنى كلمة 5 انة خمس مسامير و 114.3 دية المسافة زى مانا موضحلك فى الصورة

دة غير طبعا ال off set ودة بردة لازم تكون فى اعتبارك وانت بتختار الجنط

[Derp]

المقصود بابعاد الجنط , هو عدد المسامير الموجودة فى الجنط , والفرق مابين كل مسمار بس على طريقة دائرية
بتوضيح اكتر يعنى انك تجيب كل مسمار ومايقابلة فى الجهة الاخرى وتقيس المسافة دية هيطلع الرقم الصح بتاعك

وانا جيبتلك صورة اوضحلك فيها اكتر



الخط الاسود دة هو المسافة اللى هتقيس عليها من المسمار دة للمسمار كمثال

ولو انت عربيتك هوندا سيفيك 2008 يبقى مقاس الجنط عندك كالتالى

114.3*5 معنى كلمة 5 انة خمس مسامير و 114.3 دية المسافة زى مانا موضحلك فى الصورة

دة غير طبعا ال off set ودة بردة لازم تكون فى اعتبارك وانت بتختار الجنط

ما هو ال off set ؟

[mimmohonda]

عاوز اعرف ال off set بتاع الهوندا 93 هاتشباك .. لان الجنط عندى 15 و بيحك فى الرفارف وفعلا حاسس ان الجنط خارج بره العربيه مش جوه التجويف بتاعه يعنى .. ارجو الرد

[SAMEH_FOUAD]

ما هو ال off set ؟

1- ال offset : هو المسافة مابين حرف الجنط الداخلى والسرة التى يتم فيها تثبيت الجنط

فكل عربية ليها offset معين ( et ) دة الكود اللى بيكون مكتوب علي الجنوط وهو هو ال offset

فكل عربية et معين وليها نسبة مسموحة عشان لو هتكبر الجنط

عاوز اعرف ال off set بتاع الهوندا 93 هاتشباك .. لان الجنط عندى 15 و بيحك فى الرفارف وفعلا حاسس ان الجنط خارج بره العربيه مش جوه التجويف بتاعه يعنى .. ارجو الرد

ال offset بتاع الهوندا مع الجنط ال15 مايزيدش عن 42 et , ومايقلش عن 38 et يعنى يكون مابين الرقمين دول

[ahmed hamada]

ال off set بيبقى موجود فين ف الجنط ؟

[SAMEH_FOUAD]

اقلب الجنط , هتلاقى على احدى ازرع الجنط من جوة , كتابة اسمها et وجنبيها رقم هو دة

[Hisham Khairy]

السلام عليكم ,

انا معايا نيسان صنى 94 بصراحة عملت فيها شغل عالى قوى شدتها شدة كويسة لدرجة ان اى حد بيشوفها بيسال على نوعها او هى معمولة فين بس المشكلة انوا عاوز اجيب جنط 15 عريض يرسم العربيىة بس المسافة بين الجنط الاصلى الحديد بتاعها ال 13 بوصة و بداية المساعد الخلفى حوالى 5 سم وانا واثق انه لو جه جنط اكبر من كده هيحك فهل كلامى صحيح ولا لا واتمنى يكون غلط علما انه انا عاوز اركب جنط 15 بس للعلم انا شفت عربيات على النت راكبلها 17 مش 15 ارجو الافادة وكذلك معرفة ابعاد الجنط اللى يركب عندى.
وشكرا.

[SAMEH_FOUAD]

هات ياباشا جنط 15-16 مافيش اى مشكلة تماما

بس اهم حاجة تقرا ال offset بتاع الجنط , وتشوفة هل هو recommended لعربيتك ولا لأ

وتقريبا ان ال offset بتاعك للجنط ال 15 هيكون 45 et

[Hisham Khairy]

هات ياباشا جنط 15-16 مافيش اى مشكلة تماما

بس اهم حاجة تقرا ال offset بتاع الجنط , وتشوفة هل هو recommended لعربيتك ولا لأ

وتقريبا ان ال offset بتاعك للجنط ال 15 هيكون 45 et

شكرا يا باشا على رد معاليك بس استفسار واحد الجنط اللى راكب 13 بوصة واللى انا عاوز اركبة 15 بوصةيعنى فى فرق حوالى 5 سم فقط فى الجنط الالومنيوم ده غير الكاوتش طبعا والمسافة الموجودة الفعلية حوالى 5 سم معنى كده انه هيحك اكيد بغض النظر عن الاوفست كام برجاء التوضيح وانا اسف على الاطالة لانه انا ما عنديش خبرة كويسة بالموضوع ده.
وشكرا

[SAMEH_FOUAD]

ماهو ياباشا , انت طول مانت هتكبر فى الجنط , بتقلل فى مقاسات الكاوتش

مثلا , عربيتك بتنزل بجنط 13 بمقاس كاوتش 70-175 ( كمثال )

فلما تيجى تركب جنط 15 يبقى هتجيب مقاس كاوتش ( 55-195 ) او 60-195 على حسب السيارة

فاللى انت هتعمل , انك هتزود عرض الجنط وهتقلل الارتفاع لان الارتفاع دة تم تعويضة بتكبير حجم الجنط

[mando_07]

Honda civic 2008
5x114.3
et:55