استفسار عن تركيب جنط 17 .. سيفيك 2008

[NaBeLeOn]

أنا المفروض أفير الكاوتش اليومين دول عشان انتهى خلاص ... بفكر جديا أجنط و الجنوط ال17 بتلعب فى دماغى جامد
ياريت حد ينصحنى فى الموضوع ده .. أدوس و لا بلاش ,, العربية عائلية و بيركب فيها 4 و 5 و المشي داخل المدينة و على الطرق و منها طرق زراعية مطباتها من اللى بتحب الهوندا :(
و مقاس الكاوتش المناسب هيكون ايه

[mhoreya]

انصحك لو هتجيب هات الجنوط ال 16 الأصليين بتوعها جامدين اوى و هيريحولك العفشة طالما بتكركب ناس كتير معاك و بتسافر كتير ...
اما لو عاوز 17 و هتحافظ على المشى بتاعك و هتاخد بالك من النقر و الحفر و الكلام ده ..
يبقا ال 17 تجيبو 225/45 احسن مقاس ليها ..
ولو عاوزها توطى سنة و تديها شكل تحفة .. هات 225/40
او ركبلها 225/45 بس هات سوست سبووورت ..
علشان جنط 17 مع كاوتشات 45 العربية هتعلى عن الأرض جامد و ده هيأثر على الشكل .. واحتمال يؤثر على الثبات بس تقل الجنط هيعوض الفرق ده ..
اذن من رأيى انا شايف 225/45 مع سوست سبورت
او 225/40 من غير سوست ..
او 225/45 لو مش فارقة معاك الشكل أوى .. تحياتى

[hosammoner]

احسن حاجة الجنوط الاصلية بتاعتها ال16 انا مركبها تحفة مريحة العفشة جدا ومزوده الثبات كمان لكن 17 هتعملك مشاكل مع العفشة خصوصا البارات هتبوظ بسرعة جدا

[mhoreya]

احسن حاجة الجنوط الاصلية بتاعتها ال16 انا مركبها تحفة مريحة العفشة جدا ومزوده الثبات كمان لكن 17 هتعملك مشاكل مع العفشة خصوصا البارات هتبوظ بسرعة جدا

ده كلام مظبوط .. بس لو هوه غاوى جنط 17 مفيش مشاكل بس يحافظ على مشى العربية و ياخد بالو من النقر و المطبات ..

[Thebutcherr]

خليك في ال16 بلاش ال 17 ناشف و بيبوظ العفشة و تهبيد و بلالين فى الكاوتش و ممكن تاخدلك حفرة الفردة تضرب و الجنط يحصله حاجة , مقرف فى بلدنا بجد

[الشقنقيرى]

نصيحه بلاش ال17 علشان البلالين والنشوفيه
احلى حاجه فى الهوندا الراحه تقوم تنشفها

[svneleven]

ال 16 معقول خصوصا أنك محمل 4 و 5 فمشش هتعرف تمشي ب ال 17 و هتحسس علي العربية.

[NaBeLeOn]

الف شكر على الردود يا رجالة :)

[ahmedeihab]

ركب 16 احسن طالما بتحمل فى العربيه

^_^