افيدوني يا اصحاب الخبرة فى رجة وترزيع فى سيفيك 2008

[youssamr adel]

السلام عليكم

باختصار شديد انا بشتغل في شارم وكان معايا نيسان صني 2003 ياباني كانت مريحاني جدا بس كانت خفيفة علي الطريق في السفر شوية كنت جايبها من الزيرو كل اللي عملتة فيها غيرت عفشة ومرة عملتها دوكو نظافة بسبب الخرابيش وطبعا تيل الفرامل وبس وبعدين من شهر قررت اجيب سيفك 2008 مستعملة طبعا بس غلطت غلطة كبيرة اخت معايا ميكانيكي بس وهو اللي كشف علي العربية
وبعد ما اشتريتها غيرت بوجيهات وفلتر هوا وضبطت الاي سي يو علي الكمبيوتر
العربية ممتازة في السحب والاستابيلتي بس في شوية مشاكل
قبل 50 كم في رجة فيها بتروح مع السرعة وفيها جنوط 17 اي مطب بحس العربية بتترزع كدة وبتدربك غير النيسان وكمان لما كان بيكون معايا حد كان الكاوتس بيحك في الرفر فا قررت اعليها شوية عند مدحت الباشا احسن عفشجي في المنيل تقريبا وبعدها راحت الحكة فانا عايز اعمل كشف علي العربية كلها واعرف لو فيها عيوب او حاجة ممكن تقيدوني

[hossamalsadik]

أعتقد الجنط 17 كبير عليها وممكن مقاس الكوتش مش مظبوط
ال16 كان هيبقى كويس

بس العفشجى ده فين بالظبط وهوا شغال فى الألمانى

[youssamr adel]

انا اشتريت العربية بالجنط دة وكمان في حاجة تانية مش عارف لية دايما مية الريداتير بتنقص

[youssamr adel]

العفشجي دة في منطقة اسمها منيل شيحة بعد المنيب بشوية مشهور في المنطقة دي اسمة مدحت الباشا بس مش معايا تليفونة للاسف

[mohamedxsayed]

ريح نفسك وركب ال15 لو مش فارق معاك الشكل وهو الاستاندرد بتاعها تقريبا
ال16 وال17 متعبين فى شوارع مصر
للأسف معرفش مكان للكشف عن هوندا

[zoma ahmed]

ركبلها 15 ماشي معايا زي الفل ولو عايز تكشف روح للتوكيل (الفطيم ) في فرع على الدائري وانت رايح التجمع وفي فرع في جسر السويس
600 جنيه تكلفة الفحص الشامل على السيارة وهيقولك كل صغيرة وكبيرة فيها من الاخر

[محمد أنور]

غير الجنط و هي هتريحلك العفشة خالص و اكشف على الردياتير عند اي حد بتاع رادياتير

[mhoreya]

شيل الجنط ده و هات جنط 17 برضو بس يكون مريح للعفشة شوية و يكون وزنه اقل .. و خلى الكاوتش 225/45 هيريحك احسن ..
او ركب ال 16 بتاع vti بس بصراحة ال 17 شكلو احسن عليها

[ashraf adel]

السلام عليكم

باختصار شديد انا بشتغل في شارم وكان معايا نيسان صني 2003 ياباني كانت مريحاني جدا بس كانت خفيفة علي الطريق في السفر شوية كنت جايبها من الزيرو كل اللي عملتة فيها غيرت عفشة ومرة عملتها دوكو نظافة بسبب الخرابيش وطبعا تيل الفرامل وبس وبعدين من شهر قررت اجيب سيفك 2008 مستعملة طبعا بس غلطت غلطة كبيرة اخت معايا ميكانيكي بس وهو اللي كشف علي العربية
وبعد ما اشتريتها غيرت بوجيهات وفلتر هوا وضبطت الاي سي يو علي الكمبيوتر
العربية ممتازة في السحب والاستابيلتي بس في شوية مشاكل
قبل 50 كم في رجة فيها بتروح مع السرعة وفيها جنوط 17 اي مطب بحس العربية بتترزع كدة وبتدربك غير النيسان وكمان لما كان بيكون معايا حد كان الكاوتس بيحك في الرفر فا قررت اعليها شوية عند مدحت الباشا احسن عفشجي في المنيل تقريبا وبعدها راحت الحكة فانا عايز اعمل كشف علي العربية كلها واعرف لو فيها عيوب او حاجة ممكن تقيدوني

اخى الكريم المشكلة اللى فى عربيتك كراسى الماكينة عاوزة تتغير انا كان معايا نفس عربيتك بس خليجى 1800 سى سى العربية دى ماشاء الله عليها ادائها ممتاز بس عيبها انها واطية شوية بس ثباتها على الطريق فوق الممتاز ما تندمش على اختيارك للعربية دى انا ما اعرفش ظروفها ايه فى مصر بس انا كانت معايا فى الامارات كنت مرتاح عليها جدا وبصراحة مفتقدها بعد ما بعتها المهم انا حصلت معايا نفس المشكلة اللى بتتكلم عليها وكانت كراسى الماكينة عاوزة تغيير انت ممكن تشيك على الكراسى دى بنفسك وتعرف هل المشكلة دى منها ولا لأ

[youssamr adel]

طيب انا مش بفهم اوي في الهوندا ممكن تقولي اكشف ازاي علي كراسي الماكينة دي وبالنسبة للجنط ال 17 هو نفس الوزن تقريبا بتاع ال 15 انا جربت الجنط مع الاستبن والعفشة كشفت عليها العفشجي قالي ممتازة
اعتقد فعلا ممكن يكون العيب كراسي الماكينة دي وشكرا يا شباب للتعاون تسلموا جميعا

[ashraf adel]

طيب انا مش بفهم اوي في الهوندا ممكن تقولي اكشف ازاي علي كراسي الماكينة دي وبالنسبة للجنط ال 17 هو نفس الوزن تقريبا بتاع ال 15 انا جربت الجنط مع الاستبن والعفشة كشفت عليها العفشجي قالي ممتازة
اعتقد فعلا ممكن يكون العيب كراسي الماكينة دي وشكرا يا شباب للتعاون تسلموا جميعا

كرسى الماكينة عبارة عن قطعة حديد فى وسطها مطاط وهو بيبقى اربع كراسى بيركب عليهم محرك السيارة لو لقيت المطاط ده مهترأ ومتشقق تعرف انه عاوز غيار كمان ممكن تجيب ذى عتله وتيجى عند الكرسى وتحاول انك ترفع الماكينه شوية ولاقيته فيه حركة يبقى من الكرسى او الافضل لو توديها لميكانيكى وتخليه يفحص لك الكراسى افضل
هو العيب ده بيبتدى بسيط وبتحس بيه اول لما تدور العربية الصبح وانت بتسخن العربية بتلاقى العربية بتهتز جامد وبتهدى شوية لما تمشى بيها بس بتحس بيه فى المطبات وبتزداد المشكلة دى مع الوقت لما يتآكل المطاط اللى فى وسط الكرسى هى مشكلة مش عويصة قوى وممكن تمشى بالعربية عادى لو مش عاملة لك ازعاج وربنا يبارك لك فيها

[gravedigger]

انا معايا سيفيك 2008 "وكان معايا صني 2006 قبلها بالمناسبه :)" بجنوط 17 بس مش بتحك مع التحميل و سافرت بيها قبل كده محمله شنط و ناس ورا والحمد لله الجنط ما حكش حتى مع مطبات الهواء القويه على سرعه عاليه .. اتأكد من مقاس الكاوتش .. انا عندي ٌr17/45/215
ولو الجنط ناشف معاك جرب النيتروجين .. كده كده هتلاقيه انشف شويه من الصني بس مع النيتروجين العربيه بتبقى اطرى و بيكون احسن من الهواء

[youssamr adel]

انا معايا سيفيك 2008 "وكان معايا صني 2006 قبلها بالمناسبه :)" بجنوط 17 بس مش بتحك مع التحميل و سافرت بيها قبل كده محمله شنط و ناس ورا والحمد لله الجنط ما حكش حتى مع مطبات الهواء القويه على سرعه عاليه .. اتأكد من مقاس الكاوتش .. انا عندي ٌr17/45/215
ولو الجنط ناشف معاك جرب النيتروجين .. كده كده هتلاقيه انشف شويه من الصني بس مع النيتروجين العربيه بتبقى اطرى و بيكون احسن من الهواء

انا بصيت علي مقاس الكاوتش واول مرة اخد بالي المقاس الخلفي 235 /45 r 17والمقاس الامامي 214 /45
هو بصراحة مخليين شكل العربية زي الوحش بالضبط بس ممكن يكون هو دة اللي عامل الدربلة قبل سرعة 50 مع كراسي الموتور لاني كشفت عليها قالي حالتها 70%

[Vetibrahim]

يا كرسي الموتور يا علبة الدركسيون

[ahmedhassan92]

السلام عليكم

باختصار شديد انا بشتغل في شارم وكان معايا نيسان صني 2003 ياباني كانت مريحاني جدا بس كانت خفيفة علي الطريق في السفر شوية كنت جايبها من الزيرو كل اللي عملتة فيها غيرت عفشة ومرة عملتها دوكو نظافة بسبب الخرابيش وطبعا تيل الفرامل وبس وبعدين من شهر قررت اجيب سيفك 2008 مستعملة طبعا بس غلطت غلطة كبيرة اخت معايا ميكانيكي بس وهو اللي كشف علي العربية
وبعد ما اشتريتها غيرت بوجيهات وفلتر هوا وضبطت الاي سي يو علي الكمبيوتر
العربية ممتازة في السحب والاستابيلتي بس في شوية مشاكل
قبل 50 كم في رجة فيها بتروح مع السرعة وفيها جنوط 17 اي مطب بحس العربية بتترزع كدة وبتدربك غير النيسان وكمان لما كان بيكون معايا حد كان الكاوتس بيحك في الرفر فا قررت اعليها شوية عند مدحت الباشا احسن عفشجي في المنيل تقريبا وبعدها راحت الحكة فانا عايز اعمل كشف علي العربية كلها واعرف لو فيها عيوب او حاجة ممكن تقيدوني

موضوع المطبات مع الجنط ال17" طبيعى اما بالنسبة للرجة ممكن يكون فى فردة كاوتش بايظة او تشوف لو فى حاجة فى كوبلن داخلى