ارجو الافاده فى استفسارات عن صيانة سيتى 2006 اوتوماتيك

[ramy_honda]

لو سمحت ارجو الافاده انا معايا هوندا سيتى 2006 اوتوماتيك
عمله 80000 ما هيه صيانة 80000 ؟
وعايز اكصدام الخلفى استيراد منين وسعره كام عشان دوخت عليه ؟
عايز اعرف ال vtec عندى بيشتغل ازاى ولو بيشتغل لوحدو على سرعة كام؟
وعايز افض نوع انذار لان انتو عارفيين العربيه بتنزل من غير انذار ولو حدعنده فكره فى التوكيل بكام ياريت يفيدنى ؟
عايز اعرف اغير امتى التيل هل فى انذار بيظهر لمبة abs ولا بككشف على التيل لما الفرامل بتخف وما هوه نوع تيل الفرامل بتاع الهوندا سيتى 2006 وهل التوكيل افضل ام بره وفين ياريت الاسعار ؟
شكرا

[ramy_honda]

سؤال لملوك الهوندا سامح ورفاقه

لو سمحت ارجو الافاده انا معايا هوندا سيتى 2006 اوتوماتيك
عمله 80000 ما هيه صيانة 80000 ؟
وعايز اكصدام الخلفى استيراد منين وسعره كام عشان دوخت عليه ؟
عايز اعرف ال vtec عندى بيشتغل ازاى ولو بيشتغل لوحدو على سرعة كام؟
وعايز افضل نوع انذار لان انتو عارفيين العربيه بتنزل من غير انذار ولو حدعنده فكره فى التوكيل بكام ياريت يفيدنى ؟
عايز اعرف اغير امتى التيل هل فى انذار بيظهر لمبة abs ولا بككشف على التيل لما الفرامل بتخف وما هوه نوع تيل الفرامل بتاع الهوندا سيتى 2006 وهل التوكيل افضل ام بره وفين ياريت الاسعار ؟
محتاج اكصدام خلفى استيراد منين وبكاام تقريبا ؟
افضل نوع موتور يناسب عربيتى ايه ؟
شكرا





تم تغيير العنوان ودمج الموضوعين لتكرار المحتوى
10:00Am 20/10/2013
م ب 8

[hamaka]

متابع

[SAMEH_FOUAD]

مافيش حاجة اسمها صيانة ال80000 الف لعربية خرجت من الضمان بقالها 5 سنين

انت المفروض بتشوف عربيتك محتاجة اية او اية اللى مغيرتوش بقالك كتير

لان انت عربيتك بقالها كتير تقريبا 8 سنين

فممكن تغير بوجيهات - تكشف على تيل الفرامل امامى وخلفى - زيت الفتيس وزيت الماتور + الفلتر

فلتر الهواء - تعمل تنظيف لبوابة الانجيكشن

سعرة استيراد 850 جنية بس قليل جدااااااااا

بيشتغل عند عدد لفات 4500 لوحدة

افضل نوع انذار حتى الان spy 3 way ب280 -300 جنية على حسب المكان

التيل مالوش دعوة بال Abs دية حاجة ودية حاجة , انت لو التيل خلص خالص هتلاقى لمبة ال hand brake منورة

افضل نوع nesen يابانى اصلى ب375

[ramy_honda]

شكرا جدا على مجهودك وانا لسه جديد فى المنتدى بس من الناس الى اقنعنى بكلامو واسلوبو ومجهودك واضح جداااا شكرا جزيلا وجزاك الله كل خير ولو فيها رخامه احسن نوع زيت يناسب عربيتى وياريت تقولى ادور فيين على الاكصدام وياريت تنصحنى بميكانيكى شاطر لتنظيف الانجكشن وتغيير البوجيهات والفلاتر ولو فى مكان اشترى منه البوجيهات ياريت تنصحنى بيه وشكرا على الاطاله

[SAMEH_FOUAD]

شكرا جدا على مجهودك وانا لسه جديد فى المنتدى بس من الناس الى اقنعنى بكلامو واسلوبو ومجهودك واضح جداااا شكرا جزيلا وجزاك الله كل خير ولو فيها رخامه احسن نوع زيت يناسب عربيتى وياريت تقولى ادور فيين على الاكصدام وياريت تنصحنى بميكانيكى شاطر لتنظيف الانجكشن وتغيير البوجيهات والفلاتر ولو فى مكان اشترى منه البوجيهات ياريت تنصحنى بيه وشكرا على الاطاله

لو ماتورك حالتة جيدة جداااااا , يبقى هتحط شل الترا ( لازم تحط زيت full-synth )

الاكصدام دة هسألك علية واقولك سعرة كام وعند مين بس قولى عربيتك لونها اية عشان نحاول نجيبة زى لون عربيتك

هتروح عند محمد على فى اخر جمال عبد الناصر على الشمال , دة اصلا شغال فى توكيل هوندا بالنهار

هتشترى البوجيهات ال ngk ويفضل ال platinium ودول الاربعة ب120 يعنى انت محتاج طقمين ب 240 جنية , هتجيبهم من شركة التوفيق فى شارع قدرى فى السيدة زينب

[ramy_honda]

شكرا على زوقك جدا واهتمامك
الحمد لله الماتوور بحالة جيده جداااا
الاكصدام لونه ذهبى انا عايزه بالفبر الى تحتيه مش عارف بيسمو ايه لانه عندى معمول بماسامير شك فانا عايزو بالكلبسهوه جمال عبد الناصر ده فى الحرفيين ولا ايه معلش انا من الهرم مسمعتش عن ش جمال عبد الناصر وهوه هينضف بوابة الانجكشن مظبوط ؟ اهم حاجه المصنعيه قد ايه انا كنت راكب سوزوكى جديد كانت اول عربيه ليا وبعد كده جبت السيتى دة كسر زيرو فكنت مقضيها جديد وتوكيلات معرفش حاجه فى الميكانيكا على قدى يعنى ومنك باستفاد وياريت تقولى اغير البوجيهات كل قد ايه والتيل كل قد ايه وشكرا جدااااااااااااااااااااااااااااااااااااا

[SAMEH_FOUAD]

انت تقصد الفبرة اللى بتتعلق عليها الكلبسات , بس دية بتكون موجودة فى الرفرف , عموما هدور واقولك

انت هتدخل مدخل مدينة الحرفيين من عند جسر السويس وانت جاى من صلاح سالم , بدل ماتدخل يمين تانى من جنب الحديقة , لأ هتكمل على طول دة شارع جمال عبد الناصر امشى فية للاخر لحد ماتلاقى اخر عمارة على ايديك الشمال هتلاقى تحتيها ورشة واخد ناصيتين هية دية

هيعمل كل حاجة العربية محتاجاها , مش هقدر احدد المصنعية عشان معرفش اية الشغل اللى هيتم

يعنى لو بوابة بس تنظيف كامل هتتكلف فى حدود ال150 جنية -200 بالكتير

البوجيهات كل 20 الف لو بتحط ال ngk العادية

لكن لو ال irridium بتتغير على 100,000 الف

[ramy_honda]

طيب انا هجيب ال ngk platinum الاصلى ده هيقعد قد ايه
والانذار انا قلبت الددنيا عليه ملقتشى خالص انزل فيين عشان اجيبو واركبه فيين عشان عايز حد عندو ضمير يشغلى كل الى فيه

[SAMEH_FOUAD]

ال platinium بيتغير عند 80 الف كيلو لو الاصلى

الانذار موجود فى ( ش دمش مصر الجديدة - التوفيقية رمسيس )