طلب تسعير هوندا سيفيك 1993

[egyptknight]

السلام عليكم ورحمة الله وبركاته وكل عام وانتم بخير قبل كل شىء
سالت قبل كده - فى هذا المنتدى العظيم - عن تسعير هوندا سيفيك 1993 فى المنصورة
النهارده بقى انا سفت الهوندا دى واتفرجت عليها
المواصفات :
هوندا سيفيك 1993 النسخة الامريكى ( حسب كلام صاحبها ) American edition
كود السيارة JHM EH9 وشوية ارقام بعد كده
كود الماتور A16Za او حاجة شبه كده بس انا متاكد انو فيه حرف Z وصاحبها بيقول انها Vtech والماتور طبعا 1600
السيارة اوتوماتيك فتحة سقف اللون فضى راشة بره جنوط 17 اسمها RCk وكاوتش سرعات بس مشفتش رقمه بصراحة ( بيقول انها ب 8000 جنيه ) ومرايات ضم وزينون عالى وواطى وفوانيس رنجات ( بس فيه رنجات منها واقعة مش عارف دا بيتعالج ولا الفانوس بيتغير )والسيارة لم تجرب على الطريق بس هو بيقول انو فيه كوبلم عاوز يتغير وهو هيعمله وكمان خرطوم الباور وهو برده هيعمله وعلى فكره هو طالب 57000 جنيه
السيارة عند واحد اسمه شريف وانا شفته فى طلخا ( مكان عمله فى شركة البترول او الغاز اللى هناك )
ساعدونى بقى الله يكرمكم لان الهوندا بصراحة عجبانى ولو فيه بديل ليها فى المنصورة حد يدلنى عليه وهل هو صحيح ابعد عن شراء الهوندا من بورسعيد ولا السيارت هناك كويسه ؟؟؟؟؟؟
معلش طولت عليكم سا جماعة بس سامحونى انا اخوكم الصغير وجديد فى الموضوع ده ....

[mohamed fawz]

سعر العربيه دا غاااالى اوووووى العربيه دى تعمل من 44 لحد 47 حسب نضافه العربيه

[Amr Elshamy]

بص متجيش تشتري من بورسعيد علشان هتلاقيها لو ملاكي هتبقي فى حدود 45: 50وطبعا المنطقة الحرة ب 40 لكن علشان انت مش من البلد مينفعش تشتريها ف الحل بتاعك ده تسيبك من اللى ف طلخا دي علشان دا شكله بيحور عليك لكن لو نزلت القاهرة هتلاقي منها كتيير وحالات نضيفة وعن تجربة .... بس انا شايف انت لو معاك57 او حتي 60 الف متفكرش انك تركب عربيه موديل 93 او حتي 94 ودا من رأيي

[egyptknight]

انا عارف انو السعر غالى بس انا علشان لسه مبقتش هنداوى مش مدرك الاسعار حسب المواصفات وعلى فكره انا كنت فى بورسعيد فى اجازة العيد ولقيت الهوندا معمول فيها شغل جامد قوى ودا اللى بيخلينى اسأل وبالمناسبه بقى شغل التنفيخ والتشميع والتجنيط دا مكلف ولا ممكن اجيب عربية فى حدود المعقول وانفخها واجنطها ؟
ملحوظة : الميزانية بتكح تراب ....

[mhoreya]

السعر ده غالى جدا فكك منو .. هاتلك واحده استوك فاضية و اصرف عليها 10 تلاف هتبقا عروسة
لكن تاخد واحده متظبطة جاهزة هتكون الضريبة ان صاحبها هيغنى عليك للصبح ..

[SAMEH_FOUAD]

السلام عليكم ورحمة الله وبركاته وكل عام وانتم بخير قبل كل شىء
سالت قبل كده - فى هذا المنتدى العظيم - عن تسعير هوندا سيفيك 1993 فى المنصورة
النهارده بقى انا سفت الهوندا دى واتفرجت عليها
المواصفات :
هوندا سيفيك 1993 النسخة الامريكى ( حسب كلام صاحبها ) American edition
كود السيارة JHM EH9 وشوية ارقام بعد كده
كود الماتور A16Za او حاجة شبه كده بس انا متاكد انو فيه حرف Z وصاحبها بيقول انها Vtech والماتور طبعا 1600
السيارة اوتوماتيك فتحة سقف اللون فضى راشة بره جنوط 17 اسمها RCk وكاوتش سرعات بس مشفتش رقمه بصراحة ( بيقول انها ب 8000 جنيه ) ومرايات ضم وزينون عالى وواطى وفوانيس رنجات ( بس فيه رنجات منها واقعة مش عارف دا بيتعالج ولا الفانوس بيتغير )والسيارة لم تجرب على الطريق بس هو بيقول انو فيه كوبلم عاوز يتغير وهو هيعمله وكمان خرطوم الباور وهو برده هيعمله وعلى فكره هو طالب 57000 جنيه
السيارة عند واحد اسمه شريف وانا شفته فى طلخا ( مكان عمله فى شركة البترول او الغاز اللى هناك )
ساعدونى بقى الله يكرمكم لان الهوندا بصراحة عجبانى ولو فيه بديل ليها فى المنصورة حد يدلنى عليه وهل هو صحيح ابعد عن شراء الهوندا من بورسعيد ولا السيارت هناك كويسه ؟؟؟؟؟؟
معلش طولت عليكم سا جماعة بس سامحونى انا اخوكم الصغير وجديد فى الموضوع ده ....

شوف ياباشا مبدأيا كدة السيفيك الامريكى بتكون فيها الاتى
( abs- 2 airbag- cruise control - multi function - electric seats adjustment )

الكراسى الامامية بتاعتها المخدع بتاعها على شكل حرف L ثابتة غير متحركة

وبتنزل بطارية اربع ازرع

بتنزل بمحرك 1600 سى سى بكود D16Z6 مع وجود LOCK SHIFT KEY فى عصا الفتيس

ودية بتكون تمنها لو نظيفة 55 الف جنية مستريح يعنى ممكن يطلب اكتر من كدة

اتفرج عليها بقى كدة لو لقيت فيها الحاجات دية اعرف انها امريكى فعلا

[egyptknight]

معلشى يا أستاذ سامح
يعنى ايه الحاجات اللى انت قلتها دى
اللى انا شفته فتيس اوتو شافت طويل كراسى عاملة زى القطيفة وهو مجبش سيرة electrical adjustment مع ان دى متتفوتش وبصراحة معرفتش ابص على الطنابير الخلفية علشان اتاكد هى ABS ولا لا ( بسبب رسمة الجنوط ) وهو برده مجبش سيرة ABS مع انها متتفوتش ومجبش سيرة Airbags خالص كل اللى قاله انها امريكى وعفشه سبور وبصراحة انا معرفش shift lock key دا يعنى ايه
انا اللى شفته اللى هو الزار اللى بدل الدبرياج فى اعلى شافت الفتيس من الشمال
معلشى ممكن صور للنسخة الامريكية ؟

[SAMEH_FOUAD]

معلش ياباشا هية العربية دية مش امريكى مبدأيا كدة

وعموما تفصيل الحاجات دية عشان تبقى عارف

1- كراسى كهربائية ( كرسى السائق فقط )

2- اية علاقة ال abs بالطنابير الخلفية ؟؟؟ ال abs بيكون جهاز راكب فى حوض السيارة واربع حساسات راكبين على كل عجلة , وفية لمبة فى العداد بتنور مكتوب عليها abs بتنور وتطفى مع دوران المحرك

3- airbag هتلاقى التابلوة من ناحية الراكب اللى جنبك فية صورة فى التوقيع بتاعى بص عليها هتلاقى فيها الايرباج دية , وبالنسبة للسائق هتلاقى الطارة اربع ازرع

4- ال key shift lock هية ان فية مفتاح فى جنب عصاية النقلات الاوتو تقدر تقفل منة حركة العصاية نفسها تقدر تقول كمانع للسرقة اضافى

لكن اللى انت بتتكلم علية دة اسمة ال lock shifter ودة عشان العصاية ماتجيش غصب عنك على اى نقلة ممكن يكون فيها تهديد للمحرك والفتيس زى مثلا انك بتجرى وجايب ال d4 وفجأة العصاية تروح رايحة لل n او تروح لل r او لل p فدية بتكون امان ليها ماينفعش تحرك العصاية الا لما تدوس على الزرار دة

[egyptknight]

شكرا يا استاذ سامح على المعلومات القيمة دى .... انا فهمت من كلامك انو الراجل دا بيحور
السؤال بقى لما احب اجيب هوندا سعرها معقول ومضمونة اجيبها منين ... يعنى لو حد يعرف هوندا كويسه يدلنى عليها من فضلكم ويا ريت لو فيه هوندا si فى المنصورة