بدور على سيفيك 92-95

[Islam.Chalabi]

اول موضوع ليا فى المنتدى بس انا متابع المنتدى بقالى فتره كبيره جدا وخصوصا القسم ده اللى خلانى بعشق حاجه اسمها هوندا ومهما حكيت من هقدر اوصف انا حبيت العربيه دى قد ايه من قبل
ما اركبها بس الحمدلله ربنا اراد وقدرت اجمع المبلغ بتاعها وبدور على واحده تكون نضيفه انا كده كده ان شاء الله هتكون دى اول عربيه ليا بس انا بسوق بقالى سنتين او 3 سنين تقريبا المهم انا معايا حوالى 50,000 مش اكتر وعايز واحده تكون اقل شويه بحيث انى اقدر اظبطها بالفلوس اللى هتتبقى
اهم حاجه تكون SI ومن جوا نظيفه ومن بره مقدور عليها ان شاء الله ياريت اللى قدامه حاجه كويسه يقولى وكنت عايز اسأل على حاجه هو مكنه ال SI الاصليه Vtec ولا لآ وشكرا وبجد انا مبسوط جدا انى هكون هونداوى خلال كام يوم إن شاء الرحمن بالذات علشان هبدأ اتعامل مع الناس اللى فى المنتدى ومنهم طبعا استاذ سامح.

[abo-berry]

ال 50000 تجبلك Si نضيفه مش محتاجه مصاريف , موتور ال Si الفابريكه كوده D16A9 بيكون 2 كامه بدون Vtec

[Islam.Chalabi]

طب انا محتاج حاجه تكون كده وخلال 3 ايام بالكتير علشان بدأت اصرف من الفلوس ممكن لو وقعت حاجه قدامك تقولى؟ كده كده فى ناس فى المنتدى لو شاورولى على عربيه هاخدها من غير كلام علشان واثف فيهم جدا وحضرتك منهم.

[abo-berry]

3 ايام ايه ياباشا :d:d ,دى فى ناس بتقعد شهور عشان تلاقى حاجه نضيفه !!

[Islam.Chalabi]

ما المشكله انى لو قعدت شهرين ساعتها هدور على 128 نضيفه :d

[Mohamed Abd ElKhalek]

ياباشا انا قعدت سبع شهور عشان الاقي الشكل ده هاتشباك واقف علي رجليه مش متدغدغ
:)))))))))

[Saeed-Taha]

ما المشكله انى لو قعدت شهرين ساعتها هدور على 128 نضيفه :d

قدامى انا الـ 128 النضيفة دى :D تشيل

ولا اقلك انت هات الفلوس احوشهالك لحد ما تلاقى العربية طالما مش ضامن تمسك نفسك كدا

[Islam.Chalabi]

ياباشا انا قعدت سبع شهور عشان الاقي الشكل ده هاتشباك واقف علي رجليه مش متدغدغ
:)))))))))

ياريت الواحد يلاقيها دى :D اللى معاه ماسك فيها بايده وسنانه اصلا

[Islam.Chalabi]

قدامى انا الـ 128 النضيفة دى :d تشيل

ولا اقلك انت هات الفلوس احوشهالك لحد ما تلاقى العربية طالما مش ضامن تمسك نفسك كدا

خلاص على بركه الله :d

[Saeed-Taha]

اشطا هنتقابل فين عشان استلم الفلوس :d

[Saeed-Taha]

فى واحد عارض عربيته على النت
اسمه اسلام ودا رقمه 01278057771



بس هوا مش كاتب عاوز فيها كام

[Islam.Chalabi]

هكلمه تمام بجد متشكر جدا على الاهتمام :)

[Dr x]

بيقولي طالب 85 ^_^

[Islam.Chalabi]

بجد والله؟ انا لو معايا 85 هركب جيل سادس بمكنه تربو :d

[Dr x]

هههههههه عادي بقى هو كل واحد ادري بعربيتة وبراحتة .. هو بيتكلم على اساس انة مسقطلها مكنة gsr 1800 وعفشتها وكلام من هذا القبيل .. هو قالي سعر للماتور معرفش صحيح ولا لا بس هو بيقول 25 الف سعر الماتور بس اعتقد بيبالغ شوية .. عموما ربنا يوفقنا ويوفقة ^_^