مساعدة عاجله فى هوندا سيفيك هاتش باك 83

[weLLoOo]

السلام عليكم
انا قدامى عربيه هوندا سيفيك موديل 83 هاتش باك 4 أبواب 1400 cc العربيه حالتها الخارجيه والصالون ممتازه مفيش خربوش والعفشه كويسه جدا لكن الموتور بيقولى عايز طقم شنبر فقط يعنى تقريبا نص عمره زى ما بعض الناس قالتلى صاحبها طالب 14.5 ايه رأيكم في السعر وياترى الموتور ده يكلف كام تقريبا
برجاء سرعة الرد ولكم جزيل الشكر

[khaled_sabry]

توكل على الله و شيل
العربيه لو ماكنشى فيها حاجه كنت اقولك بتاع 16 الف - حتى لو حتغير الموتور كله فحتلاقى الموتور بتاعها رخيص
انا كان معايا كورولا 79 و كان الموتور بتاعها ب 2.5 اللى هو 1400 cc - حتلاقى الموتور بتاع دى قريب من السعر ده اوى لأن كل اليبانى فى الفتره دى كان شببه بعضه اوى
لكن اهم حاجه تبقى متأكد من العفشه لأن هى دى اللى لو اتصلحت مش بترجع زى الفابريكا - نفس الكلام الصالون و التابلوه بالذات لأن حاجته بتبقى غاليه و قليله

[weLLoOo]

توكل على الله و شيل
العربيه لو ماكنشى فيها حاجه كنت اقولك بتاع 16 الف - حتى لو حتغير الموتور كله فحتلاقى الموتور بتاعها رخيص
انا كان معايا كورولا 79 و كان الموتور بتاعها ب 2.5 اللى هو 1400 cc - حتلاقى الموتور بتاع دى قريب من السعر ده اوى لأن كل اليبانى فى الفتره دى كان شببه بعضه اوى
لكن اهم حاجه تبقى متأكد من العفشه لأن هى دى اللى لو اتصلحت مش بترجع زى الفابريكا - نفس الكلام الصالون و التابلوه بالذات لأن حاجته بتبقى غاليه و قليله

شكرا على الرد هو زى مانا قلت العربيه من الداخل والخارج مفيش خربوش والعفشه كويسه مفيش فيها مشاكل لكن هي مشكلة الموتور دى بس
في انتظار مزيد من الآراء أيضا من خبراء الهوندا بالموقع او من يملكون هذا الموديل

[SAMEH_FOUAD]

سعر محرك السيارة ال1300/ 1500 بيعمل 4000 الاف جنية عشان تبقى عارف , وقليل وهو موجود فى بورسعيد , او هنا فى عزبة شلبى

لكن اللى فى عزبة او شلبى او الوكالة غير مضمونين , لان اغلبيتهم بياخدوا المكن ويظبطوة ويبيعوة , تركبة زى الفل لمدة شهر شهرين , وبعد كدة ترجع المكنة تبوظ تانى , وطبعا ( ماعرفكش ) الكلمة السائدة

لو عايز تعمل عمرة للمحرك دة هتتكلف بالزظبط 1500 جنية , بس دة لو فى حالة شنابر بس

لكن هتدخل فى شميز + وسبيكة وكرنك , يبقى تقفل الماتور وترمية وتجيب استيراد نظيف مع انك هتدوخ علية

لو انت متأكد ان الماتور عايز طقم شنبر فقط يبقى توكل على الله

[weLLoOo]

سعر محرك السيارة ال1300/ 1500 بيعمل 4000 الاف جنية عشان تبقى عارف , وقليل وهو موجود فى بورسعيد , او هنا فى عزبة شلبى

لكن اللى فى عزبة او شلبى او الوكالة غير مضمونين , لان اغلبيتهم بياخدوا المكن ويظبطوة ويبيعوة , تركبة زى الفل لمدة شهر شهرين , وبعد كدة ترجع المكنة تبوظ تانى , وطبعا ( ماعرفكش ) الكلمة السائدة

لو عايز تعمل عمرة للمحرك دة هتتكلف بالزظبط 1500 جنية , بس دة لو فى حالة شنابر بس

لكن هتدخل فى شميز + وسبيكة وكرنك , يبقى تقفل الماتور وترمية وتجيب استيراد نظيف مع انك هتدوخ علية

لو انت متأكد ان الماتور عايز طقم شنبر فقط يبقى توكل على الله

شكرا لردك يا باشا والله هو الراجل قاللى انه طقم شنبر بس لكن الله اعلم ممكن فعلا لما افتح الموتور الاقى في مشكله في حاجه تانى لكن اعتقد دى حاجه في علم الغيب محدش يقدر يعرفها الا اما الموتور يتفتح ويتشاف محتاج ايه ولا في طريقه ممكنه لعرفة الحاجات دى من غير ما افتح الموتور انا مش عارف بصراحه خبرتى قليله جدا في الحاجات دى

[SAMEH_FOUAD]

اة طبعا ممكن تعرف بالطريقة دية

1- هتزود العربية وتشوف العربية بتطلع دخان على عدد لفات كام او لم ابتزود قد اية ( قليل - متوسط - كتير )

لان لو الدخان بيطلع عند عدد لفات عالى يبقى الماتور دة لسة الشمايز كويسة ومش معتبة

لكن لو الدخان بيطلع , عند عدد لفات متوسطة او قليلة , يبقى الماتور دة غالبا ممكن يغير شمايز , وخراط والدنيا هتفتح منك جامد

2- لما تزود بنزين اسمع صوت المحرك هل هيكون فية صوت ( تك - تك - تك ) الميكانيكى بيسمية ترزيع , كدة يبقى محتاجة سبيكة فى حالة سلامة الكرنك , لكن لو الكرنك معتب , يبقى كدة شكرا المكنة راحت

3- افتح التاكيهات وشوف الكامات سليمة ولا لأ وهل مبوشة ولا لأ

اظبط الحاجات دية وانت تعرف حالة المكنة , بس وديها لمكيانيكى شاطر وامين عشان مايشتغلكش

[weLLoOo]

اة طبعا ممكن تعرف بالطريقة دية

1- هتزود العربية وتشوف العربية بتطلع دخان على عدد لفات كام او لم ابتزود قد اية ( قليل - متوسط - كتير )

لان لو الدخان بيطلع عند عدد لفات عالى يبقى الماتور دة لسة الشمايز كويسة ومش معتبة

لكن لو الدخان بيطلع , عند عدد لفات متوسطة او قليلة , يبقى الماتور دة غالبا ممكن يغير شمايز , وخراط والدنيا هتفتح منك جامد

2- لما تزود بنزين اسمع صوت المحرك هل هيكون فية صوت ( تك - تك - تك ) الميكانيكى بيسمية ترزيع , كدة يبقى محتاجة سبيكة فى حالة سلامة الكرنك , لكن لو الكرنك معتب , يبقى كدة شكرا المكنة راحت

3- افتح التاكيهات وشوف الكامات سليمة ولا لأ وهل مبوشة ولا لأ

اظبط الحاجات دية وانت تعرف حالة المكنة , بس وديها لمكيانيكى شاطر وامين عشان مايشتغلكش

كتر ألف خيرك يا باشا شكرا جزيلا لردك وإهتمامك طيب لو عند حضرتك علم برينج أسعار هو بيتكلم في 14.5 العربيه دى السليم منها اساسيات ومش رشه دواخل وصالون نضيف ومشدود ومن بره مشدوده سمكره ودوكو وعفشتها تمام وموتور حالته كويسه مفيهوش حاجه تسوى كام

[saddam]

صديقي المواطن
قولا واحدا أجدد عربية في مصر من الموديل ده تعمل 18 آلف وهي عربية جميلة بس شكلها مش حلو وأنا مستغرب إنك لقيت حالة نظيفة بالشكل ده ولو في سكة 14 ألف أو 13 ألف خدها وإياك ثم إياك وتحت أي ظرف تجيب مكنة إستيراد تجيب بتاعتك وتعمل طقم شنبر فقط حيكلفك بحدود 900 جنيه ولو فتحت معاك ممكن توصل 1600 وأبعتك لحد يرجعلك المكنة زيرو حيتعبك في الوقت بس مش حيغشك ولا حيضرك
وبالتوفيق وإلى اﻷمام ومن نصر إلى نصر
ودمتم للنضال

[weLLoOo]

صديقي المواطن
قولا واحدا أجدد عربية في مصر من الموديل ده تعمل 18 آلف وهي عربية جميلة بس شكلها مش حلو وأنا مستغرب إنك لقيت حالة نظيفة بالشكل ده ولو في سكة 14 ألف أو 13 ألف خدها وإياك ثم إياك وتحت أي ظرف تجيب مكنة إستيراد تجيب بتاعتك وتعمل طقم شنبر فقط حيكلفك بحدود 900 جنيه ولو فتحت معاك ممكن توصل 1600 وأبعتك لحد يرجعلك المكنة زيرو حيتعبك في الوقت بس مش حيغشك ولا حيضرك
وبالتوفيق وإلى اﻷمام ومن نصر إلى نصر
ودمتم للنضال

شكرا لإهتمامك يا باشا بالنسبالى الشكل مش مهم كده كده انا باتكلم فى رنج فلوس وموديلات كلها اكيد شكلها مش حلو يعنى 27 و 28 و 32 وريتمو وبيتلز كل ده تقريبا فى نفس الرنج ولو قارنت هاتلاقيها أحسنهم شكلاً في رأيى فا عادى عموما خلاص انا ان شاء الله هاخلص معاه على 14 لو مارضيش خلاص علشان الماكنه لسه الله اعلم ممكن تصرف كام وان شاء الله هابقى اطمنكم عملت مرفق شوية صور ليها كده عالماشى بالمره الموقع مش راضى يرفع صور عموما موجوده على الرابط ده
mr.azzump’ 1983 Honda Civic Photo 3 - 1983 Civic Photo Gallery – Honda Tuning

[carrier]

بص يا ريس
مواتير الموديل دا بالذات زى سامح مقلك هتدوخ على حاجة محترمة ليها استيراد
انا عملت بنصحته وعملت شمبر ووديت الوش للخراط حكم هولى مع الجوانات وشكرا والنتيجة هايلة 4 شهور دلوقتى
دا حل لذيذ مش مكلف
فى حل تانى مكلف
انك متجبش موتورك استيراد تجيب موديل احدث سامح يرشحهولك وطريقة تركيبه عند منير الميكانيكى بتعديلاته وبيكون الهورس باور بتاعه عالى

والسعر رائع لو انت فعلا غير ما ذكرت وكشفت عليها فى الشمس وسليمة فعلا ومفهاش بارومه
العربية دى مشكلتها سرحان البارومة فيها ... فاحذر

بالتوفيق

[weLLoOo]

بص يا ريس
مواتير الموديل دا بالذات زى سامح مقلك هتدوخ على حاجة محترمة ليها استيراد
انا عملت بنصحته وعملت شمبر ووديت الوش للخراط حكم هولى مع الجوانات وشكرا والنتيجة هايلة 4 شهور دلوقتى
دا حل لذيذ مش مكلف
فى حل تانى مكلف
انك متجبش موتورك استيراد تجيب موديل احدث سامح يرشحهولك وطريقة تركيبه عند منير الميكانيكى بتعديلاته وبيكون الهورس باور بتاعه عالى

والسعر رائع لو انت فعلا غير ما ذكرت وكشفت عليها فى الشمس وسليمة فعلا ومفهاش بارومه
العربية دى مشكلتها سرحان البارومة فيها ... فاحذر

بالتوفيق

ان شاء الله يارب تكون قصة طقم شنبر بس ويتعمل وخلاص اما لو اكتر من كده هابقى اشوف بقى ممكن اعمل ايه عموما يا باشا شكرا جزيلا لردك ونصيحتك

[weLLoOo]

للأسف طلعت الموتور بتاعها مش مظبووط خالص هاتحتاج عمره او تغير موتور وش واخويا الكبير نصحنى بترييح دماغى والبعد عنها أحسن خاصة كمان ان صاحبها مارضيش ينزل في السعر خالص عموما شكرا جزيلا لتعبكم معايا جزاكم الله كل خير ومازال البحث جارى عن سيارة أراكم في الاستشارة القادمة دمتم بخير