إعـــــــلان

Collapse

.

,
See more
See less

عاوز مشورتكم إزا كنت أشتري العربيه دي ولا لأ هوندا 1993 سيفيك

Collapse
X
 
  • Filter
  • الوقت
  • Show
Clear All
new posts

  • عاوز مشورتكم إزا كنت أشتري العربيه دي ولا لأ هوندا 1993 سيفيك

    سلام عليكم يا جماعه انا طبعا جديد علي المنتدي الجميل اللي مليان معلومات مفيده بس انا عاوز مساعده فعلا انا عاوز اشتري عربيه جديده و عاوز حاجه يباني و علي قد الفلوس اللي معايا انا معايا في حدود من 50 ل 70 المهم كنت بدور من كام يوم في موقع من المواقع فلأيت عربيه بالمواصفات التاليه

    هيا عربيه هوندا سيفيك 1993 مالك اول
    بيقول مرفوعه بقالها 13 سنه فبريكه دواخل مديها رشة نضافه و مكلف الرشه ب 4000 جنيه جيبلها بويه نضيفه جدا و العربيه لونها فيروز او ازرق سواريه او مابين اللونين المهم

    حاطط فيها جنط 17 و مجدد العفشه بالكامل و مسقطلها مكنه هوندا سي أر إكس موديل 98
    134 حصان و مرايات ضم كهربا و كنترول و تحكم دواره من الريموت و وحدة رفع و بيقول ان فرش الفبريكه بحالته و حاطط فيها طقم سوند جديد و نور زينون عالي وواطي وفوانيس خلفيه ليدات
    بيقول المطور الجديد عامل 40000 كيلو و حاطط حساسات للركن المهم مروق علي العربيه

    اول سؤال هوا انا ازاي هعرف المكنه اللي لسه متسقطه الوقتي دي ماشيه 40000 كيلو اصلا
    و بعدين انا كده كده ابن عمي شغال في العربيات و هيجي معايا يكشف عليها

    بس انا عاوز إفادتكم في حاجه اول حاجه هيا المكنه السي ار اكس دي هل كويسه و قطع غيارها موجوده و سعرها معقول و هل العربيه دي قطع غيارها موجوده انا من المنصوره و عاوز اعرف لو حد هنا من المنصوره اجيب قطع الغيار منين دا لو فيه حد هنا من المنصوره المهم عاوز نصايح كامله عن العربيه دي افادكم الله

    مع العلم انا اخويا معاه هوندا سيفيك 87 انا ركبتها مده قطع غيارها ناااار و نادره و متعب علي اما تلأيها الا في بورسعيد او بيقولو في كفر سقر الشرقيه

    الراجل طالب في العربيه دي 67 الف هل المبلغ دا كتير علي العربيه و ايه المبلغ المناسب ليها

    هيا صورتها اهيه

    [sor2]http://87421a79fde09fda7e57-79445249ccb41a60f7b99c8ef6df8604.r12.cf3.rackcdn.c om/7/2013/10/24/8094da5a28b2d168aa21a1f38a083c95c8559a0c/main.jpg[/sor2]

  • #2
    اعتقد سعرها عالى !بالتوفيق

    Comment


    • #3
      اكيد سعرها عالى بالسعر دا ممكن تلاقي موديل اعلي ٩٩ او ٢٠٠٠
      ازاى مرفوعة ١٣ سنة و مغيرة مكنة دا في رايي ان الاستخدام كان شديد
      عموما اتفرج عليها الاول لان الاعلانات عالنت ببلاش
      [CENTER] الاخوان والفلول والمعارضة كلهم مصريين مش ناس جت احتلتنا فمن الخطأ ان نتخذهم اعداء يجب سحقهم و لكن يجب ان نتخذهم جزء من جسد البلد يجب اصلاحه وليس بتره لان البتر يصيب البلد بالعجز الدائم [/CENTER]

      Comment


      • #4
        طيب السؤال قطع الغيار عاملا ايه في المنصورة ؟ او بصفه عامه اسعارها ايه و السبونسر بتاعها او اقصد هل بينزلها قطع غيار جديده غير الاستيراد يعني ممكن قطع غيار صيني و تيواني و كده يعني العربيه هتعد و هلأيلها قطع غيار لو اعدتها معايا سنين ولا هاجي فجأه الاقيها زي ال 87 ملهاش حاجه و لو لأتها غاليه جدا ؟؟؟؟؟؟

        Comment


        • #5
          استاذ مروان السعر انا شايف انه عالي شويه

          انا جمبك من الزقازيق


          فيه ليها قطع غيار بتنزل جديد وتوكيل وتايواني

          والاستيراد موجود وفيهت تجار في ميت غمر عندكم وبالنسبهللي في كفر صقر كان محمد مصطفى وقفل اصلا معرفشي فيه حد ثاني ولا لاء

          ربنا يوفقك وتلاقي حاجه كويسه

          بس اغلب قطع الغيار بنتجه للقاهره وبورسعيد
          [img3]http://up.crezeman.com/images/81750062328653342229.jpg[/img3]

          Comment


          • #6
            المشاركة الأصلية كتبت بواسطة ahmed_hamdy مشاهدة المشاركة
            استاذ مروان السعر انا شايف انه عالي شويه

            انا جمبك من الزقازيق


            فيه ليها قطع غيار بتنزل جديد وتوكيل وتايواني

            والاستيراد موجود وفيهت تجار في ميت غمر عندكم وبالنسبهللي في كفر صقر كان محمد مصطفى وقفل اصلا معرفشي فيه حد ثاني ولا لاء

            ربنا يوفقك وتلاقي حاجه كويسه

            بس اغلب قطع الغيار بنتجه للقاهره وبورسعيد
            للدرجه دى ملهاش حد خالص فى الزقازيق ؟ سمباوى مبيجبلهاش حاجه ؟
            [B]فَاتَّبَعُوا أَمْرَ فِرْعَوْنَ ۖ وَمَا أَمْرُ فِرْعَوْنَ بِرَشِيدٍ يَقْدُمُ قَوْمَهُ يَوْمَ الْقِيَامَةِ فَأَوْرَدَهُمُ النَّارَ ۖ وَبِئْسَ الْوِرْدُ الْمَوْرُودُ[/B]

            Comment


            • #7
              صديقي المواطن
              المثل بيقول عينك ميزانك
              وأنا مقدرش آخد عينك وأبص فيهم ولا أقدر أديك عيني تبص فيهم ولكن إستفتي قلبك وبينك وبين نفسك هل فعلا العربية دي تستاهل أدفع فيها المبلغ الجزعبلي ده ومن غير مروح أعاين وأشوفها عالحقيقة ولكن بنظرة خاطفة للصورة فالعربية دي مش وطنيه وشكلها فيها حاجة غلط ولا أنصح بيها وبعرفنا بنسميها عربية شقيانة ومتلزقة عشاتخطف عين الزبون وعايز تدفع 67 ألف ده لو طلب فيها 50 ألف فأنا شايف إنك حتظلم نغسك وحتخسر الدنيا ومش حنقول اﻵخرة كمان يا راجل ده إنت تحط فوقيها من 4 إلى 10 آلاف جنيه وتجيب زلموكة سيدان أو ستيشن 200 أو 230 موديل 88 إلى 91 قطع غيارك متوفرة ومنظرك هيبة والشرقية كلها تصلح لك وثبات وأمان وكل الناس حتجري وراك عشان يشتروها
              اللهم فد بلغت اللهم فإشهد
              أخي أرجوك أموالك أمانة عندك فلا تتلفها بهذه السيارة وفي اﻷول واﻵخر دي فلوسك وده رأيك وده زوقك وده إختيارك وأنت أولى بتصريف أمورك
              وبالتوفيق وإلى اﻷمام ومن نصر إلى نصر
              ودمتم للنضال

              Comment


              • #8
                السعر مبالغ فيه بطريقه مش عاديه ده مبدأيا غير كده العربيه من قبل ما اعرف صاحبها الشده دى شده شاب زينا وانت عارف الشباب بتعمل ايه فى العربيات حصوصا الجيل ده من العربيات سواء هوندا او بى ام نصيحه اخويه بلاش منها. انا بدور على العربيه دى بقالى داخل فى اسبوع بشوف عربيات عايزه تترمى فى النيل والله حاول تاخدها من حد معرفه هيجيبلك من الاخر ومش هيحور عليك. واسف للأطاله

                Comment


                • #9
                  هوندا مشموماا و الله اعلم....
                  [sor2]http://oi41.tinypic.com/2l8xci0.jpg[/sor2]

                  Comment


                  • #10
                    استاذ saddam كلامك يحترم دا بجد بس مش شرط تكون شاقيانه بنسه 80 % واكثر ممكنفعلا الراجل ده يكون عامل كده علشان يبيع ويطلب سعر عالي
                    بس فعلا فيه ناس ركبت عربياتها بتبقى احسن من ركوبتكك للزيرو وكل حاجه فيها مضبوطه بس بطلب المبلغ ده بيحس مش يفرط فيها غير اما يكون كسبان معا انه ركب بالحااجت الي صرفها بس عايز برضه يبقى كسبان وحاس بالتعب الي صرفه عليها

                    فيه واحده عندنا هنا متباعه 92 si فبريكه بره وجوه والاهم بره ومتباعه ب 58 الف ناس هتقول السعر عالي بس فيه واحد رضي ووافق واشتراها وعربيه استوك بمعنى الكلمه موتورها الاصلي وكل حاجه اصليه

                    بس دي نسبه قليله جدا فاحنا مش نحكم غير اما نشوف ونجرب بس كسعر هوه مبالغ فيه جدا الي طلبه فوق تحياتي ليك

                    banzai..


                    السمباوي وال حصري والناس دي ممكن تلاقي عندهم اي مسمار لاي عربيه اول مبسمع هوندا يقولك مش عندي

                    حتى اليابانيه في شارع فاروق كاتب هوندا بالعريض تدخل عنده اي حاجه مش عندي هتلاقي عنده نوادر جدا حاجات قديمه يعني
                    [img3]http://up.crezeman.com/images/81750062328653342229.jpg[/img3]

                    Comment


                    • #11
                      مبدأيا شكل العربية كويس , لكن السعر عالى جداااااااااااااااااااااااااااا

                      لو العربية دية فعلا طلعت نظيفة داوخل + عفشة + صالون + محرك

                      والاوبيشن اللى مزودة مافيش حاجة غالية يعنى ( ريموت انذار اى حد ممكن يركبة وتمنة 400 جنية - زينون وتمنة 600 جنية

                      ومافيش حاجة اسمها محرك بيخرج 134 حصان , مافيش الرقم دة اصلا

                      هوة ياما 130 حصان ودة ال d16a9 او نفس المحرك بيخرج 137 حصان ,بس مع تغير الكنترول وتعديلات فى ال timing cam وبتكون نازلة كدة من المصنع يعنى فى الاخر هتلاقى كود المحرك اللى هو بتاع ال Si بتاعتنا ( d16a9 )

                      مبدأيا عشان مانظلمش الراجل روح اتفرج على العربية وتعالى قولنا شوفت اية وساعتها هنفصلهالك صح ان شاء الله
                      [CENTER][SIZE=6]SEMSEM KANE سابقا[/SIZE][/CENTER]

                      [img2]http://nileup.com/up/uploads/nilemotors_13635570671.jpg[/img2]

                      Comment


                      • #12
                        والله يا جماعه انا متشكر جدا لردودكم و انا فعلا استشرت و انتم افدتموني

                        هوا انا فعلا لما فكرت و شوفت عربيه موديل 93 يدفع فيها مبلغ زي دا حرام مش علشان حاجه اكتر من ان قطع الغيار زي منا شايف هتتعبني في اني اجبها و غير كده موديلها يعني عمرها 20 سنه حرام فعلا و كمان اكيد الصاج بتعها تعب و شقي انا مثلا بدور علي عربيه تكون شبابكي و حلوه و مكيفه و متينه انا ممكن بالتمن دا اجيب مكوه او اكسنت 2010 او جولف 2001 او هوندا سيتي 2006 و تكون حلوه بس مش عجباني الحقيقه بس انصحوني بقه يعني انا زي مقولت انا دلوقتي معايا 70000 اجيب ايه في الحدود دي و يكون حاجه حلوه شبابيه مكيفه 1600 سيسي و سعر إعادة بيعها يكون كويس هوا انا مش ناوي ابيع مش غاوي يعني بس علشان لو اضطريت انصحوني بجد لاني بقالي شهر بدور علي عرابيه و مش عارف اجيب ايه بجد انصحوووووووني

                        يعني مثلا هل حاجه زي دي كده كويسه
                        http://www........cars.com/usedcars_...?CarID=1430398

                        Comment


                        • #13
                          المشاركة الأصلية كتبت بواسطة sameh_fouad مشاهدة المشاركة
                          مبدأيا شكل العربية كويس , لكن السعر عالى جداااااااااااااااااااااااااااا

                          لو العربية دية فعلا طلعت نظيفة داوخل + عفشة + صالون + محرك

                          والاوبيشن اللى مزودة مافيش حاجة غالية يعنى ( ريموت انذار اى حد ممكن يركبة وتمنة 400 جنية - زينون وتمنة 600 جنية

                          ومافيش حاجة اسمها محرك بيخرج 134 حصان , مافيش الرقم دة اصلا

                          هوة ياما 130 حصان ودة ال d16a9 او نفس المحرك بيخرج 137 حصان ,بس مع تغير الكنترول وتعديلات فى ال timing cam وبتكون نازلة كدة من المصنع يعنى فى الاخر هتلاقى كود المحرك اللى هو بتاع ال si بتاعتنا ( d16a9 )

                          مبدأيا عشان مانظلمش الراجل روح اتفرج على العربية وتعالى قولنا شوفت اية وساعتها هنفصلهالك صح ان شاء الله

                          انا معاك ان منظلموش بس انا مقلق جدا من قطع الغيار وجودها و سعرها و بعدين عربيه 93 بردو حسسها شقيت حتي لو هوا مجملها

                          Comment


                          • #14
                            دوور على هوندا 99 او 2000 بالمبلغ دة وانا كمان والله بدور على نفس النوع وربنا يرزقك ويرزقنى ويرزق الجميع اميييين وفعلا العربية حرام تدفع فيها المبلغ دة تحياتى

                            Comment


                            • #15
                              كتيير اوي السعر

                              Comment

                              Working...
                              X