بافكر أبيع عربيتي :)

[Horsepower]

السلام عليكم يا عصابة هوندا :)
بعد 4 سنوات دلع مع سيفيك 2009 ... بافكر أغير ومحتاج رأيكم جدا
أولا أنا محتاج عربية عالية وده سبب التغير
هاقولكم إللي قولته عند بي إم ... أنا شوفت وقريت وسمعت كتييييير جدا ورايح ناحية ثلاث عربيات بالترتيب هم X1 ثم XV ثم Qaishqai
أسمع تعليقات العصابة :)

[محمد أنور]

و عليكم السلام و رحمة الله و بركاته
طبعا هي نقلة حلوة و اشجعك على كدة مش لأن السيفيك مش حلوة لأ بس انا بفضل العربيات العالية و ناوي اعمل كدة لما ربنا يكرم ان شاء الله
بصراحة ال x1 تعتبر افضل خيار ما بين ال 3 و عربية محترمة فعلا
ال xv مش منتشرة خالص و محدش يعرف عنها حاجة تقريبا
القاشقاي حلوة بس مش بتلفت نظري .. بيني و بينك بحسها نيسات تيدا هاتشباك بس عالية شوية و راكبلها جنط كبير :))

[AHMED_HAMDY]

فعلا زي مالاستاذ محمد انور قال x1 افضل خيار

بس القشقاي ممكن تبقى بديل على اساس ارتفاع السعر

وربنا يوفقك ويباركلك في الي هتجيبها ان شاء الله يسترها معاك

[foxhonda2008]

X1من غير مقارنه

[Maghraby1987]

الx1 اكيد افضل شكلا و مضمونا و مينفعش تتحط هنا اصلا
ال xv اعتقد انها افضل من القاشقاي من حيث الاداء بس القشقاي تتفوق في النتشار و التوكيل مع ان توكيل نيسان عامل مشاكل مع الصني الجديده من حيث عدم توافر قطع الغيار

[J A G U A R]

لو مش فارق معاك سعر قطع غيار الx1 بدون تفكير .............

[Horsepower]

متشكر جدا على الردود وفي إنتظار باقي العصابة :)

[SAMEH_FOUAD]

يعنى يوم ماترجع للمنتدى , تبقى عايز تبيع الهوندا

احمد باشا سامى ليك وحشة جامدة جدااااااااااااااااااا

ونورت المنتدى والقسم يابو حميد

[Horsepower]

يعنى يوم ماترجع للمنتدى , تبقى عايز تبيع الهوندا

احمد باشا سامى ليك وحشة جامدة جدااااااااااااااااااا

ونورت المنتدى والقسم يابو حميد

ههههههههههههههه
سامح بيك واحشني جدا والله وكل أفراد العصابة واحشيني جدا ..... أنا ماسيبتش المنتدى بس مشغول جدا بين الشغل والبيت والماجيستير والله مابنامش تقريبا ماتزعلوش مني
المهم يا كبير ماقولتليش على رأيك :)

[mhoreya]

باشا انا جاد فى الشراء .. ارجو معلومات كاملة عن سيارة حضرتك لو فيه نيه جاده للبيع انا أشيل ..

[Horsepower]

باشا انا جاد فى الشراء .. ارجو معلومات كاملة عن سيارة حضرتك لو فيه نيه جاده للبيع انا أشيل ..

ربنا يسهل ... أنا بس قدامي شهر أو شهر ونص أرتب للعربية الثانية إللي لسة مارسيتش عليها
بس مبدأيا العربية سيفيك LXi 2009 إسود عاملة 109,000 كم صيانة بالتوكيل كل 5,000 لحد دلوقتي حتى بعد نهاية الضمان .. فابريقة بالكامل ومافيهاش أي خبطة ... أنا مركب فيها دي في دي بلاير وكاميرا خلفية وجنوط سبور هوندا بتوع ال VTi من الوكيل وسماعتين خلفيتين هوندا من الوكيل مع العلم إن الجنوط الحديد الستوك وطاساتهم والسي دي بلاير الستوك بتوعها موجودين عندي بحالة الزيرو مابيعتهومش ومافيهومش خدش لأنهم إتفكوا أول لما جيبت العربية
إن شاء الله أرتب أموري وربنا يقدم الخير

[mr.a]

Bmw

[No Comment]

الهورس باور أحمد بيك سامى ... مش هقول أخبارك أيه علشان انت قولتها
بس هقول ليك وحشة مع انك بتفكر تبيع العصابة وتتجه للماكينات الالمانية والصناعات الهجين الانجليزية
أما رأيى فهو x1 طبعاً ... وبالتوفيق إن شاء الله

[Horsepower]

الهورس باور أحمد بيك سامى ... مش هقول أخبارك أيه علشان انت قولتها
بس هقول ليك وحشة مع انك بتفكر تبيع العصابة وتتجه للماكينات الالمانية والصناعات الهجين الانجليزية
أما رأيى فهو x1 طبعاً ... وبالتوفيق إن شاء الله

أحمد بيك أمين واحشني جدا يا كبير .... وبعدين يا باشا مش ممكن أبيع العصابة هاروح من الشرطة فين لو بعتكم؟!! :)
والله يا باشا والكلام للإخوة إللي ردوا قبل حضرتك طبعا الإكس 1 تكسب في المقارنة الغلط إللي أنا حاطتها فوق لكن لما باحط السعر بلاقي الإكس في عربية عظيمة وتقريبا نصف ثمن ال إكس 1 .... صحيح موتور أقل قوة وسعر إعادة بيع مجهول وشنطة صغيرة بس لما الفرق بين 195 وبين 345 يكون 150 ألف دول أجيب بيهم عربية ثانية

وبعدين أنا ملاحظ إن العصابة كلها معلقين (ميداليات) إشي ذهب وإشي فضة وإشي برونزي .... نصبتوا على مين من غيري يا عصابة؟؟؟؟ :)))))))

[SAMEH_FOUAD]

طيب هية كلمة واحدة ابرك من عشرة

طالما لقيت كلمة bmw فى اى مقارنة يبقى خلص الكلام

طبعا ال x1 افضل اختيار ولكن يعيب السيارة انها ضيقة وخصوصا من الخلف

وال xv جميلة جدا على فكرة وبحب شكلها اوى وقعدتها وكل حاجة بس ماتورها مش هيسعفها على الوزن دة , وهية اوسع من ال x1 على فكرة