ارجو المساعدة - ترشيح زيت على الماتور لسيفيك 97 اوتو

[M Gamal 4444]

معايا هوندا 1997 اوتوماتيك ولقيت الموتور عليه زيت مترشح كده .. ده ممكن يكون سببه ايه؟ واروح لمين ميكانيكى كويس يشوفهالى؟








تم تعديل العنوان

[AHMED_HAMDY]

الموتور vtec ولا non-vtec


لان مره كان عندي زيت مرشح زمان من عند حساس الفتيك والميكانيكي غيرلي جوان الحساس والزيت اختفى تماما

[SAMEH_FOUAD]

مكان الترشيح منين ؟؟؟؟؟؟؟

[hossamalsadik]

اولا ملحوظه : انا بشكر الى عدل العنوان الخاص بالموضوع انا معرفش كان مكتوب ايه الأول
بس أكيد اسم الموضوع كان بعيد عن جوهره وده خطا بيقع فيه كتيير من الأعضاء وبيتسبب فى تقليل فرص مشاركة الأعضاء على مستوى المنتدى لحل مشكلة صاحب الموضوع وكمان عدم استفادة باقى الناس من زوار وأعضاء من الموضوع

شكرا يامنسق القسم او المراقب الى عدل العنوان واتمنى تكون ده سياسة باقى الاقسام

بالنسبة لى صاحب الموضوع لو كنت فى القاهره انصحك بالشاطين الحمر بالمنيل متخصص هوندا

ده طبعا بعد ماتقلنا الترشيح منين بالظبط عشان يكون عندك فكره الترشيح منين والمسبب ( جوان ، اوليسه ) وممكن تكون التكلفه كام وكدا

[M Gamal 4444]

انا مش متأكد هل vtec ولا ﻷ .. بس هى lxi .. تقرييا كده مش vtec
انا مش عارف الترشيح منين بالظبط .. انا لقيت الموتور متغرق زيت امبارح من تحت .. انا من بنها هخلى ميكانيكى يبص عليه ويقولى كده .. ولو الموضوع كبير هنزل القاهرة اعملها

[SAMEH_FOUAD]

لو الزيت ماشى من عندك على الشمال وانت واقف قدام المكنة , هيكون اولسية الاسبراتير ودة فى التوكيل ب 70 جنية الطقم

ومن ناحية اليمين هيكون السبب من اولسية الكرنك , ودة ب 65 جنية

[M Gamal 4444]

وريتها لميكانيكى النهاردة وقالى الترشيح من أولسيه الاسبراتير ومن جوان وش السلندر ومن الكوبلن الشمال .. وقالى هيحتاج يفك وش الموتور وكلام كتير كده انا ما فهمتوش الصراحة وقالى هتاخد شغل يوم كامل ونعملك الحاجات دى عمولة

انا بصراحة بقيت محتاس ومش عارف اروحله تانى يعمل الكلام ده ولا اعمل ايه؟ اعذرونى انا خبرتى قليلة
ولسه جايب العربية ما بقلهاش شهرين

[SAMEH_FOUAD]

وريتها لميكانيكى النهاردة وقالى الترشيح من أولسيه الاسبراتير ومن جوان وش السلندر ومن الكوبلن الشمال .. وقالى هيحتاج يفك وش الموتور وكلام كتير كده انا ما فهمتوش الصراحة وقالى هتاخد شغل يوم كامل ونعملك الحاجات دى عمولة

انا بصراحة بقيت محتاس ومش عارف اروحله تانى يعمل الكلام ده ولا اعمل ايه؟ اعذرونى انا خبرتى قليلة
ولسه جايب العربية ما بقلهاش شهرين

طيب مبدأيا هتحتاج تجيب اولسية اسبراتير على نفس المقاس اللى عندك , لان اى حد هيقولك هاتلى القديم , وهو الطقم جديد اصلى فى التوكيل ب 70 جنية

* انت اكيد تقصد جوان وش التاكيهات , عشان لاقدر الله جوان وش السلندر دة حوار تانى خالص

وعموما جوان وش التاكيهات , هتفك الوش وهتعملة بسيليكون وتقفلة تانى , لو عايز تغيرة الجوان كلة يابانى ب 85 جنية وتايوانى ب 45 جنية , وبياخد اقل من 20 دقيقة تركيب

الكوبلن الشمال , معناة انك محتاج ( اولسية كوبلن ) ودة تمنة 65 جنية ووقت تركيبة 30 دقيقة

يعنى عربيتك كلها على بعضها , هتقعد عند الميكانيكى ساعة واحد فقط لاغير , وبتكلفة مصنعية 100 - 120 جنية اخرها

[M Gamal 4444]

متشكر اوى .. تسلم يا غالى