بشتري هوندا...........ارجو المساعده

[SAvaGE]

السلام عليكم ورحمة الله وبركاتة....بإختصار معروض عليا :
سيفيك مو 92 اتوماتيك تكيف باور وسنتر اظن اول فئه el ( مفيش ازاز كهربا ولا مرايات كهربة)
فبريكة جوة حالة الصالون جيدة جدا وفبريكة برة مش رشة ولا عايزة رش بويتها نضيفة ( استعمال طبيب)
عاملة 150 الف كيلو .....بطارية و كاوتش حالة جيدة (مش جنوط)
انا لسة مكشفتش عليها دي نظره مبدئية
صاحبها بيتكلم في 60 الف
اية راي الخبراء وهل الدكتور مبالغ ولا السوق اللي مستهبل

[mhoreya]

اعتقد كتير اوى اوى .. بس خد رأى الناس برضو

[abdo7000]

السعر مبالغ فية كتير
السعر المعقول 45 الي 48
ومنتظرين راي الخبراء

[lord_of_egypt22]

el تبدأ من 40 الي 43
si تبدأمن 45 الي 55
يعني سعر العربيه دي sir

[SAMEH_FOUAD]

ينهار ابيض 60 الف جنية , على el

طبعا كتير ياباشا

العربية دية اعلى سعر ليها 46 الف جنية عشان بس فابريكة برة , مع انك هتشترى اغلى من تمن العربية ب 8 الاف جنية , عشان فابريكة برة , يعنى لو العربية اترشت فيما بعد , اعرف انك هتخسر بس من التمن اللى انت دفعتة 8 الاف جنية

[AHMED_HAMDY]

كثير قوي على El قوي قوي كمان

حتى لو مش راشه بره اخرها اخرها 46 زي مالناس قالت

[SAvaGE]

الف شكر علي الردود يا رجالة انا مش عارف الناس بتستهبل في الاسعار لية اليومين دول الراجا محسستي ان العربية بتقول بابا وماما انا لو قلتله 46 الف ممكن ىغمي علية علي العموم شكرااا يا شباب حكلمة ولو مات في ايدي بعد ميسمع السعر حقولوكوا تيجوا العزا

[Saeed-Taha]

كتير جدا ياباشا
حتى لو هتجيبها بـ 46 حرام
الاحسن بنفس السعر دا تجيب واحدة Si

[محمد أنور]

حرام تدفع المبلغ ده كله في سيفيك 92 و كمان el
ده انت لو جبت سيفيك si فابريكة دواخل و راشة برة و قلبتها sir هيبقى احسنلك من el و بالسعر ده