هوندا سيفك 92 si ولا ex..مساعده ضروريه

[ahmedussama]

[OVERLINE]السلام عليكم..

محتاج رأى الخبراء هنا فى المنتدى فى الموضوع ده..ميزانتى الحاليه يدوب على قد سيفك موديل 92 ex ان شاء الله وقدامى كذا واحده.. الصراحه ان كل اللى عارفه عن الفرق بين المودلين si و ex انه فرق فى المحرك بس و معرفش اذا كان فيه فروق جوهريه تانيه ولا لا؟؟ انا مش عارف اخلص فى ex و خلاض ولا اصبر شويه وازود ان شاء الله فى عربيه si تكون كويسه خالص؟؟ يعنى فى فروق جوهريه ولا لا ..انا محتاج عربيه سحبها كويس وتستحمل السفر لمسافات طويله اسبوعيا ان شاء الله..فى انتظار رأى حضراتكم مشكورين..

[/OVERLINE]

[OVERLINE][/OVERLINE][OVERLINE][/OVERLINE]

[fares_311]

السلام عليكم

نصيحه استنى شويه مش بس علشان ال si اعلى وبس لأ كمان علشان تلاقي وحده نظيفه

اظن ال si احسن في العفشه كمان بس حاجه بسيطه يعني حتكون اثبت حاجه بسيطه,وعندك كمان فيها فتحه سقف يعني شكل احلى واكيد فيه فروق تانيه بس انا معرفهاش....انتظر رأي باقي الاخوه

[Dr x]

اكيد si فرق عفشة + ماتور ولوازمها ^_^ نصيحة تدور على واحدة si محتاجة شوية شغل سمكرية مثلا وصالون وكلام من هذا القبيل افضل بكتيير من واحدة ex مشدودة .. الاتنين كدة كدة هتصرف عليهم شوية بس si تستحق اللى يندفع فيها وعموما لو غلبت خالص هات ex مؤقتا بس تكون حالة جامدة جدا علشان متصرفش عليها ولما تمسك فلوس تبيعها بسعر كويس ان شاء الله .. لكن اياااااااااااااااااك ايااااااااااااااااك تروح لاي موديل تاني وخدها مني نصيحة بعد لف ودوران حوالي تلت شهور والحمد لله ربنا وفقني في واحدة si عقبالك يارب

[ahmedussama]

السلام عليكم

نصيحه استنى شويه مش بس علشان ال si اعلى وبس لأ كمان علشان تلاقي وحده نظيفه

اظن ال si احسن في العفشه كمان بس حاجه بسيطه يعني حتكون اثبت حاجه بسيطه,وعندك كمان فيها فتحه سقف يعني شكل احلى واكيد فيه فروق تانيه بس انا معرفهاش....انتظر رأي باقي الاخوه

تمام ..يا باشا شكرا على ردك واهتمامك و فى انتظار رد باقى الاخوه :)

[ahmedussama]

اكيد si فرق عفشة + ماتور ولوازمها ^_^ نصيحة تدور على واحدة si محتاجة شوية شغل سمكرية مثلا وصالون وكلام من هذا القبيل افضل بكتيير من واحدة ex مشدودة .. الاتنين كدة كدة هتصرف عليهم شوية بس si تستحق اللى يندفع فيها وعموما لو غلبت خالص هات ex مؤقتا بس تكون حالة جامدة جدا علشان متصرفش عليها ولما تمسك فلوس تبيعها بسعر كويس ان شاء الله .. لكن اياااااااااااااااااك ايااااااااااااااااك تروح لاي موديل تاني وخدها مني نصيحة بعد لف ودوران حوالي تلت شهور والحمد لله ربنا وفقني في واحدة si عقبالك يارب

والله يا باشا انا ميال لرأى حضرتك بس الصبر ليه ناسه :)
ربنا يباركلك فى عربيتك و يرزقنا حاجه كويسه زيها ان شاء الله..

[No Comment]

[OVERLINE]السلام عليكم..

محتاج رأى الخبراء هنا فى المنتدى فى الموضوع ده..ميزانتى الحاليه يدوب على قد سيفك موديل 92 ex ان شاء الله وقدامى كذا واحده.. الصراحه ان كل اللى عارفه عن الفرق بين المودلين si و ex انه فرق فى المحرك بس و معرفش اذا كان فيه فروق جوهريه تانيه ولا لا؟؟ انا مش عارف اخلص فى ex و خلاض ولا اصبر شويه وازود ان شاء الله فى عربيه si تكون كويسه خالص؟؟ يعنى فى فروق جوهريه ولا لا ..انا محتاج عربيه سحبها كويس وتستحمل السفر لمسافات طويله اسبوعيا ان شاء الله..فى انتظار رأى حضراتكم مشكورين..

[/OVERLINE]

[OVERLINE][/OVERLINE][OVERLINE][/OVERLINE]

اولاً وعليكم السلام
ثانياً الفرق ما بين الـ Ex والـ Si فى المحرك والفرامل والكماليات أما التعليق فهو واحد

الـ Ex ماتور 1500 cc كربراتير مانيوال أو اتوماتيك فيها زجاج كهرباء ومريات كهرباء وفرامل خلفية طبلة مش ديسكات وبكود شاسيه Eg8 وماتور 105 حصان تقريباً

الـ Si ماتور 1600 cc انجيكشن اتوماتيك كاملة بفتحة سقف وفرامل خلفية ديسكات وبكود ماتور Eh9 وماتور 130 حصان

هى دى الفروق ما بينهم ... وطبعاً تستحمل السفر لمسافات طويلة طول ما هى تمام ومهتم بصيانتها

[M_Nabil]

اولاً وعليكم السلام
ثانياً الفرق ما بين الـ Ex والـ Si فى المحرك والفرامل والكماليات أما التعليق فهو واحد

الـ Ex ماتور 1500 cc كربراتير مانيوال أو اتوماتيك فيها زجاج كهرباء ومريات كهرباء وفرامل خلفية طبلة مش ديسكات وبكود شاسيه Eg8 وماتور 105 حصان تقريباً

الـ Si ماتور 1600 cc انجيكشن اتوماتيك كاملة بفتحة سقف وفرامل خلفية ديسكات وبكود ماتور Eh9 وماتور 130 حصان

هى دى الفروق ما بينهم ... وطبعاً تستحمل السفر لمسافات طويلة طول ما هى تمام ومهتم بصيانتها

منور يا عم أحمد :)

الله ينور عليك بس قولتلي كود الماتور بتاع الـ Si ايه!! EH9 صلح غلطتك بسرعة والا أنت عارف

[AHMED_HAMDY]

منور يا عم أحمد :)

الله ينور عليك بس قولتلي كود الماتور بتاع الـ Si ايه!! EH9 صلح غلطتك بسرعة والا أنت عارف

:D :D اكيد كان قصده كود شاسيه

d16a9 كود الموتور يلا ادينا كلنا بنكمل بعض

[No Comment]

منور يا عم أحمد :)
الله ينور عليك بس قولتلي كود الماتور بتاع الـ si ايه!! Eh9 صلح غلطتك بسرعة والا أنت عارف

:d :d اكيد كان قصده كود شاسيه

D16a9 كود الموتور يلا ادينا كلنا بنكمل بعض

يا عم قلبكم ابيض ... أيه ده ...!
ما مفهومة من اللى قبلها انها كود شاسيه ... بس انا بختبر ملاحظاتكم
وبعدين العتب على الكيبورد بيعمل حاجات غريبة اليومين دول :)

[ahmedussama]

الاخوه الاعزاء اللى نورو الموضوع..محدش بردو ادانى النصيحه المتينه :)
..مع الشكر الجزيل لكل المعلومات الجميله دى بس انا بردو لسه محتار ...
يعنى الواحد يخلص فى ex ان شاء الله ولا يستنى و يصبر شويه و يشوف si باذن الله ؟...
فى انتظار نصايحكم..

[M_Nabil]

حسب الميزانية اللى معاك لحد 50-52 الف دور على Si بس الصبر مطلوب لحد ما تلاقي حاجه كويسه انما لو 40-42 ألف شوف اى أكس تكون بنت حلال