Tweet
كلامك صح جدا بس انا محطتش المبلغ ده انا حطيت لحد ٦٥ عشان متعلاش عن ال ٧٥ بعد المكنه و لو هروق شويه لان سامح قال كده لو علي سعره أجيب ٢٠٠٧ احسن أو ازود شويه اركب ٢٠٠٩ بس الموتور ال b18c هل ده ال gsr و لا غيره و بيعمل كام فلوس كمان المواتير دي نزل منها أوتو ولا كله مانيوال لان فيه sir أوتو الموتور ال b16a5 بينزل علي ال ٢٠٠٠ و ال ٩٩ بس علي كلامك كده هحتاج العفشه و الدفيره بالكنترول والشدادات دول كده اكيد هيعدو و لا ايه اريك وفي ناس قالو بلاش تسقط اوتو مش هتحس بفرق مش عارف عموما انا منتظر رده و لو مفيش نصيب هعمل زي ما قلت علي الأقل عربيتي ٩٩ و فبريقه بشكرك جدا علي نصيحتك ورايك و اهتمامك انت و سامح و كل الهونداويه اللي مبيبخلوش علي حد في أي مساعده
-
-
شوف يا زعيم انا هبنى ej8 زيك كده لكن انا مش هبدأ الا لما اكون عارف كل حاجه و فاهمها كويس عشان الاقى اكتر حاجه تناسب اسلوبى فى القياده و ايه اللى انا عايزه من العربيه و فى حاجات كتير لسه عايز افهمهاالمشاركة الأصلية كتبت بواسطة Waleed maher مشاهدة المشاركة
ال b18c هو اه الجى اس ار و هى نزل منها اوتوماتيك فى الانتجرا فقط و للاسف الاوتو عشان ينزل فى ej8 عايز تركيب قاعدة فتيس و قص فى الصاج ده غير انه مش منتشر للدرجه بالنسبه هو بكام فتقدر تسأل احمد ايهاب باشا لانه قال امبارح انه منزله عنده فى البريليود و طبعا هيحتاج حاجته كلها بفرامل السى ار فى او تقدر تسأل سامح فؤاد باشا على انسب فرامل ليه على ej8
ال b16a5 نزل فى اسيا و اوروبا و بالنسبه للموتور اللى معاك فالتغيير لل a5 اكيد طفره كبيره لكن بالنسبه لواحد معاه المانوال بتاع b16a هيبقى ادائه اقل و مش هيعجبه
لكن يظل ال a5 موتور محترم و fun to drive و تقدر تعمله على الوضعيه الرياضيه هيديك اداء كويس جدا
اهم حاجه تعمل صيانته الدوريه و تديله حقه فى الاهتمام الفتيس بالذات تعمل صيانته كلها فى موعد قبل
الطبيعى بتاعه يعنى فى مده بعد الفتيس المانوال بشويه لانك اكيد هتقرص عليه جامد على فترات متقاربه
و كمان ال b16a5 عنده ادفانتج فى نقطه انك ممكن لو لقيت نفسك مش متوافق خالص مع الفتيس الاوتو بتاعه تقلبه مانوال
انا عارف ان الاوتو فى بلد زى مصر دى يعتبر افيون عشان كده انا بحاول اشوف افضل شىء اوتو يناسبنى على ej8 و عجبنى العزم بتاع ال b18b بس للاسف الاوتو منه مبينزلش فى الجيل السادس بينزل فى الخامس plug and play
و تستمر الدراسه و البحث
[B]فَاتَّبَعُوا أَمْرَ فِرْعَوْنَ ۖ وَمَا أَمْرُ فِرْعَوْنَ بِرَشِيدٍ يَقْدُمُ قَوْمَهُ يَوْمَ الْقِيَامَةِ فَأَوْرَدَهُمُ النَّارَ ۖ وَبِئْسَ الْوِرْدُ الْمَوْرُودُ[/B]Comment
-
شكرًا لردك و معلوماتك الجميله أن كان عليه بحب المانيوال لكن انت شايف حال البلد و الزحمه هي اللي مخلياني اميل للاوتو و انا مش هدفي من التعديل الحرق و الشد انا احب اركب عربيه أداءها محترم وتديني ثقه وترضيني بس لما احتاجها يكون معايا موتور محترم يشرف و برده الامر ميسلمش من شدايه الأساس في مشيي السرعات علي الطريق و التسارع من ال ١٠٠ للآخر طبعا لكن القصه عندي مش أني أجيب ال١٠٠ في كام ثانيه اًو اشد مع حد لو ده اهتمامي مكنتش فكرت في الاوتو طبعا بشكرك مره تانيه و ياريت نتقابل عاوز أشوف عربيتك و موتورها و يا سيدي أتعلم منك شويه ياريت لو قريت الرساله أشوفك بعد الجمعة لو فاضي منتظر تليفونك و صباح الورد و يارب جمعه جميله و مباركه علي مصر كلهاComment
-
فى البدايه احب اعتذرلك يا باشا لانى لسه داخل و شايف الرد بتاعك دلوقتى و طبعا مقابلتك تزيدنى شرف يا زعيم انا يعتبر جارك على فكرهالمشاركة الأصلية كتبت بواسطة Waleed maher مشاهدة المشاركة
ثانيا انا آسف جدا لو اعطيتك انطباع ان انا فاهم او خبير او معلوماتى كتيره بالعكس انا مبتدىء خالص
و صدقنى حضرتك تعرف اكتر منى بكتير على الاقل انت العربيه معاك يعنى خبرتك عمليه
انا كان قصدى ان انا عايز اشترى ej8 و ابنيها على مزاجى و حسب اسلوب قيادتى و متطلباتى الشخصيه
و انا التارجيت بتاعى يعتبر شىء عادى مش حاجه مهوله يعنى
انا بدور على 130 whp و 140 wtq
انا كان معايا r18a1 كزا شهر و كنت مبسوط منه لكنى فى الوقت ده مكنتش اعرف اى حاجه عن العربيات غير انى اركب ادور و امشى و خلاص
يعنى انا اى معلومه عرفتها فالفضل فيها فى الاساس يرجع للاعضاء الافاضل هنا خبراء بجد ما شاء الله عليهم
دلوقتى بقى انا قبل ما اشترى العربيه بشوف افضل موتور يدينى التارجت بتاعى
للاسف b16 العزم بتاعه مش حلو و لازم توصل بالار بى ام للقمر عشان تتبسط و لكن يظل اختيار كويس جدا و رهيب كمان
فى حل تانى انى اهجن موتور d16 و الحل ده ممكن يوصلك لعزم 140 wtq و حصان 140 whp
لكن الحكايه دى بقى عايزه دراسه كويسه لان فى حاجات كتير هتجيبها افتر ماركت و من شركات متخصصه , بالشحن , و كمان ال ej8 بيستخدم obd2 و ال y8 ecu p2p فى حين z6 بيستخدم ecu p28 obd1 يعنى لازم كونفرتر و هل الموتوزر ده هتضطر توصل بالار بى ام برده لسبعه او تمنيه الف ولا هيكون فى الميد رانج بص هو فيلم كبير كده و انا ابتديت ادرسه كويس و اشوف افضل الحلول مش مستعجل على الشراء علشان انا عايز اشترى عربيه عارف فيها كل سنتى و مفيش حاجه تقف ادامى او اضطر فيها اعطى ودانى لميكانيكى كوفتجى او تاجر قطع غيار معندوش ضمير
انا عارف انى ممكن اشترى دماغى و اركب اى حاجه و الكلام ده بس هيا طلعت معايا غيه و مشروع عايز اعمله و ممكن اعدل فيه كمان قدام علشان كده انا ناوى ادرس و ابحث كويس اوى قبل اى حاجه
اسف على الرد الطويل يا وليد باشا معلش تعبتك معايا
[B]فَاتَّبَعُوا أَمْرَ فِرْعَوْنَ ۖ وَمَا أَمْرُ فِرْعَوْنَ بِرَشِيدٍ يَقْدُمُ قَوْمَهُ يَوْمَ الْقِيَامَةِ فَأَوْرَدَهُمُ النَّارَ ۖ وَبِئْسَ الْوِرْدُ الْمَوْرُودُ[/B]Comment
-
متابع
[FONT=Comic Sans MS][B][SIZE=3]When The Sun Sets, The Race Begins
Eng. Kareem El-Araby
[/SIZE][/B][/FONT]
nfs_206 سابقًاComment
Comment