زيت الفتيس افيدوني بسرعه

[ahmed hamada]

كنت بغير زيت المحرك النهارده وحطيت شيل hx5 زي ما سامح باشا ما قالي 15 - 50
وقولت اما ابص ع زيت الفتيس والباور والفرامل عامل المشحمة قالي كله عايز يتغير وماتحرقش على الفتيس اكتر من كده عشان لا قدر الله مايضربش
ممكن تساعدوني وتقولولي اجيب زيوت ايه
يعني نوع كل زيت ايه ورقم كام وسعره ؟؟؟؟؟؟؟؟؟؟؟
وشكرا

[ahmed hamada]

متابع

[ahmed hamada]

مستني مشاركتكم معقول مفيش حد غير زيت فتيس او باور او فرامل ؟؟؟؟؟؟؟؟؟؟

[SAMEH_FOUAD]

انت الفتيس بتاعك لو اتوماتيك , هتجيب زيت شيل او موبيل Atf 220

لو الفتيس بتاعك مانيوال , هتجيب زيت بدرجة لزوجة 80-90

[ahmed hamada]

هو اوتوماتيك
طب بالنسبة ازيت الباور والفرامل

[AHMED_HAMDY]

زيت الفرامل حضرتك بتجيب زيت باكم وتزود لحد علامه ال max النوع مش فاكره بس اي واحد بتاع زيوت قوله علبة زيت باكم

زيت الباور ممكن تزوده من زيت الفتيس ال اوتوماتيك بس رغم ان الناس بتستغلى الزيت النضيف ده للباور

بتجيب الزيت الرخيص (بتقول لبتاع الزيت زيت باور عادي ) تقريبا ببقى مصري العلبه من 8 جنيه ل 15 جنيه


بس الافضل انك تزود من زيت الفتيس الموبيل atf أو الشيل

[ahmed hamada]

زيت الفرامل حضرتك بتجيب زيت باكم وتزود لحد علامه ال max النوع مش فاكره بس اي واحد بتاع زيوت قوله علبة زيت باكم

زيت الباور ممكن تزوده من زيت الفتيس ال اوتوماتيك بس رغم ان الناس بتستغلى الزيت النضيف ده للباور

بتجيب الزيت الرخيص (بتقول لبتاع الزيت زيت باور عادي ) تقريبا ببقى مصري العلبه من 8 جنيه ل 15 جنيه


بس الافضل انك تزود من زيت الفتيس الموبيل atf أو الشيل

بس يا باشا عامل المشحمه قالي زيت الفتيس حاجه والباور حاجه تانيه؟؟؟؟؟

هو فيه زيت يمش فتيس وباور مع بعض ؟

[mem]

الفرامل تخليه يفضى الزيت خالص اللى فى القربه والمواسير ده مهم جدا وبعدين
تجيب زيت dot 4 وعندك كاسترول كويس وABRO او موبيل
لكن ما تجبش بندكس لان ده dot3
بالنسبه لزيت الفتيس والباور نفس الزيت وهاته موبيل ما تجبش غيره

[saddam]

صديقي المواطن
قولا واحدا سيبك من القصص دي وخد خلاصة الخلاصة
زيت الباكم تجيب علبة ألماني إسمها ake أو ate مش فاكر بس هي معدنية مربعة قصيرة من نعيم صليب في التوفيقية وسعرها 35 جنيه وفيها نص لتر
زيت الباور حتجيب gunk أمريكي علبة صفراء بها ستوب ليك مانع تسريب وحتنعم الطرمبة وده سعره 50 جنيه علبة بلاستك صفراء أمريكي وممكن تحط منعم إحتكاك نوع ezi ب 30 جنيه
بالنسبة لزيت الفتيس اﻷوتوماتيك
حتحط gunk برضو أمريكي برضو علبة صفراء شبه بتاعت الباور بس مكتوب عليها ترانزمشن بالﻹنجليزي ب 50 جنيه اللتر وتحط مع كل لتر برضو علبة أم 30 جنيه ال ezi لتتغيم الصوت وتقليل اﻹحتكاك وتحط علبة مع الغيار إسمها جنك ميديكال لترميم الفتيس أظن ثمنها 90 جنيه ومتنساش تغير الفلتر
زيوت المحرك تخليك في فالفولاين أغلى نوع عندهم
أو زادو برضو أغلى تخليقي عندهم وحيعوزوا برضو طقم إضافات لغرض ترميم داخل المحرك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[AHMED_HAMDY]

بس يا باشا عامل المشحمه قالي زيت الفتيس حاجه والباور حاجه تانيه؟؟؟؟؟

هو فيه زيت يمش فتيس وباور مع بعض ؟

بص حضرتك في الاوتوماتيك الاثنين واحد


في المانوال زيت الفتيس غير زيت الباور


ونصيحه من الي راكبين هوندا مش انا بس واغلب صحابي

زيت شل موتور وفتيس مانوال وفتيس اوتوماتيك

موبيل atf 220 برضه اوتوماتيك وكويس جدا زي ما سامح قالك

الفرامل انا بحط النوع العادي الي موجود في السوق العلبه كيلو او اقل ب 20 جنيه بس فيه انواع افضل بالنسبه لزيت الباكم بس موتور وفتيس زي مقولتلك فوق

[ahmed hamada]

بص حضرتك في الاوتوماتيك الاثنين واحد


في المانوال زيت الفتيس غير زيت الباور


ونصيحه من الي راكبين هوندا مش انا بس واغلب صحابي

زيت شل موتور وفتيس مانوال وفتيس اوتوماتيك

موبيل atf 220 برضه اوتوماتيك وكويس جدا زي ما سامح قالك

الفرامل انا بحط النوع العادي الي موجود في السوق العلبه كيلو او اقل ب 20 جنيه بس فيه انواع افضل بالنسبه لزيت الباكم بس موتور وفتيس زي مقولتلك فوق

شكرا لحضرتك على اهتمامك وانا حطيت شيل للموتور
وان شاء الله هجرب شيل فتيس وربنا يكرم ويبقى موتور وفتيس زي بعض و انزل زيت الباور واحط زيت شيل بتاع الفتيس صح كده .... واشوف النقل والسحب عاملين ازاي واقولك ان شاء الله

[AHMED_HAMDY]

أن شاء الله ربنا معاك وكل شء يبقى تمام معاك

[ahmed hamada]

الحمدلله غيرت زيت الفتيس بس دورت على شيل او موبيل 220 مفيش عندنا لقيت نوع جديد الماني اسمه wolver هو علبه صاج حمراء بس ماشاء الله السحب والنقل بقى حاجه تانيه خاااااااالص بس فعلا الواحدلازم يغير عشان يعرف ان فيه انواع تانيه كويسه ونفس كفاءة اللي الناس متعوده عليه واحسن كمان