سحابه بيضه خارجه من الشكمان

[ahmed hamada]

انا غيرت زيت الموتور من موبيل 1 العلبة البيضه لـــ شيل اصفر hx5 وطبعا حطيت فلاش علبه امريكاني الاول عشان انضف الموتور من الزيت القديم وبعد كده حطيت الزيت الجيد والفلتر طبعا اتغير ومشيت طول اليوم امبارح عادي
جيت النهادرة الصبح بدور العربيه سمعت كركره غريبة اول مرة اسمعها وبعدها على طول لقيت دخان ابيض طالع من الشكمان وده استمر دقيقتين تلاته كده وبعدها راح روحت الشغل والساعه 2 الضهر دورت العربيه واذ بنفس السحابه البيضه بتاعة الصبح رجعت تاني كل ده وانا على السلانسيه الصبح والضهر


ده بقى كده عادي عشان لسه مغير نوع الزيت اعمل ايه بقى والحل ايه وهل انزل الزيت وارجع للموبيل ولا ايه ؟؟؟؟؟؟؟؟
مع العلم الحمدلله الموتور حالته تمام الحمد لله والسحب تمام ومكنتش بتطلع دخنه خالص قبل كده

[mhopa2440]

لا طبعا هو مش عادي

بس اظن ان الدخان دا ناتج من فلاش لانه عمل على إذابة الزيت المتراكمة داخل الموتور وبالتالي بدا يتحرق ويكون سبب الدخان الأبيض

اكيد دا هيروح بعد فترة صغيرة

بس نصيحتي ليك انك تغير الزيت دا بعد كيلومترات قليلة يعني كفاية عليه 1500 وبعد كدا غير عادي

[Ahmed Amin]

فعلاً أنت في الغالب منزلتش كل الفلاش من المرة,, وكدا غلط أنك تستمر في المشي لو فاضل منه لسه جوا المكنة لأنه ليه تأثير سئ لو منزلش كله وممكن ياكل في جوان وش السلندر,
لأن المواد اللي الفلاش المفروض الموتور ميشتغلش عليها أكتر من 5 دقايق وأنت بتنضف بيه علي السلانسية,

نصيحة مني تنزل الزيت دا في أقرب وقت عشان لو كان لسه فيه Flush ومتمشيش بالعربية,
وتغير الزيت بنفس النوع وتكون جايبة من بنزينة شيل نضيفة بلاش تجيب من تجار عشان تضمن أنه يكون مش مضروب,
وطبعاً هتغير الفلتر كمان مرة.

[lanos2004]

ابعد عن شيل الاصفر

[Ahmed Amin]

شيل الأصفر زيت ممتاز جداً علي فكرة,,
أستعملته في ميتسوبيشي لانسر لتلات سننين ورا بعض وكان أدائة أكتر ممتاز في السحب والأداء وصوت الموتور,,

العيب مش في الزيت,,
العيب في ال Engine Flush

[lanos2004]

شيل الاصفر كان هيضيع ليا الماتور وكنت بدخن كانى مكنه ناموس ورحت اتفقت بالفعل على ماتور تانى بس قلت افحص وبعدها اغير الماتور -فغيرت الزيت قبل معاد الفحص بشهر الدخنه اختفت تماما

[Ahmed Amin]

أنا كنت هقولك ممكن يكون المكان اللي أشتريت منه كان بايع لك زيت مضروب.
بس أنا قريت دلوقتي موضوع دا, وأنت قايل أنك جايب من بنزينة, فكدا احتمال انو مضرب بقي قليل,,

http://www.nilemotors.net/Nile/387964-a.html

بس كمان كنت قايل إن كان عندك "اولسيه الكرنك بيرشح زيت"
فا ممكن يكون دا السبب مش من الزيت زي مانت أفترضت,,

لأنك قلت أول 2000 كيلو مكنش فيه مشاكل معاك ولا دخان,,
هل أنت كملت 2000 كيلو علي الزيت اللي أنت غيرت له بالصدفة دا عشان تشوف العيب من الموتور ولا كان من الزيت,,

عشان متفهمش كلامي غلط,, أنا مش بدافع عن زيت شيل الأصفر هنا,,!!
بس تجربتك فيها عيب لأن كان عندك مشكلة بالموتور دا أولاً,
والزيت قعد 2000 كيلو من غير مشاكل,,

عموماً أنا حكيت عن تجربتي الشخصية مع زيت شيل الأصفر
أستعملته 3 سنين متتالة في عربيتي الانسر بوما وكانت معظم نقلاتي علي 6000 RPM علي الأول والتاني والتالت,
ومع ذلك عمره ما نزل ناقص معايا ولا عمل مشاكل,,
والموتور كان بحالته وسحب العربية كان ممتاز لحد ما غيرت العربية.

الله أعلم لو الزيت دلوقتي وحش ولا لأ,, هيبان لو عرفت حد موتورة سليم وجربه هبقي أشوف الأداء معاه,,

بس أنت قلت حتي أنك كنت ماشي علي التخليقي ومكنش فيه مشاكل, صح ؟
يعني مش كل الشيل وحش.

أنا تاني مش بقولك جربه تاني ولا بدافع عنه بس ممكن يكون العيب كان من أولسيه الكرنك,,
وهيبان لما تكمل 2000 كيلو علي الزيت الجديد اللي أنت غيرت له,

بالتوفيق.

[lanos2004]

أنا كنت هقولك ممكن يكون المكان اللي أشتريت منه كان بايع لك زيت مضروب.
بس أنا قريت دلوقتي موضوع دا, وأنت قايل أنك جايب من بنزينة, فكدا احتمال انو مضرب بقي قليل,,

http://www.nilemotors.net/nile/387964-a.html

بس كمان كنت قايل إن كان عندك "اولسيه الكرنك بيرشح زيت"
فا ممكن يكون دا السبب مش من الزيت زي مانت أفترضت,,

لأنك قلت أول 2000 كيلو مكنش فيه مشاكل معاك ولا دخان,,
هل أنت كملت 2000 كيلو علي الزيت اللي أنت غيرت له بالصدفة دا عشان تشوف العيب من الموتور ولا كان من الزيت,,

عشان متفهمش كلامي غلط,, أنا مش بدافع عن زيت شيل الأصفر هنا,,!!
بس تجربتك فيها عيب لأن كان عندك مشكلة بالموتور دا أولاً,
والزيت قعد 2000 كيلو من غير مشاكل,,

عموماً أنا حكيت عن تجربتي الشخصية مع زيت شيل الأصفر
أستعملته 3 سنين متتالة في عربيتي الانسر بوما وكانت معظم نقلاتي علي 6000 rpm علي الأول والتاني والتالت,
ومع ذلك عمره ما نزل ناقص معايا ولا عمل مشاكل,,
والموتور كان بحالته وسحب العربية كان ممتاز لحد ما غيرت العربية.

الله أعلم لو الزيت دلوقتي وحش ولا لأ,, هيبان لو عرفت حد موتورة سليم وجربه هبقي أشوف الأداء معاه,,

بس أنت قلت حتي أنك كنت ماشي علي التخليقي ومكنش فيه مشاكل, صح ؟
يعني مش كل الشيل وحش.

أنا تاني مش بقولك جربه تاني ولا بدافع عنه بس ممكن يكون العيب كان من أولسيه الكرنك,,
وهيبان لما تكمل 2000 كيلو علي الزيت الجديد اللي أنت غيرت له,

بالتوفيق.

شكرا لك
للعلم اولسيه الكرنك بيسبب نقص بسيط جدا فى الزيت وبرجع ازود من نفس النوع وليس له علاقه باى دخان نهائى
زيت شيل لم يتحمل طريقه قيادتى العنيفه ---واحترق وتحلل
الدخان فى اى ماتور بيكون ناتج عن طقم كاوتش صباب تالف
او شنبر بيهرب زيت دة الدخان الابيض المائل للزرقه
او ان الزيت فقد خواصه ودة الى حصل معايا

[Ahmed Amin]

الشكر لله,
والحمدلله أنها جات سليمة ومجاتش في الموتور.

وعايزين نعرف نوع الزيت اللي أشتريته وبتجربته حالياً,
مع أني عمري ما أشتريت زيت من محل لأني بقلق منهم, بس حابب أعرف نوع الزيت وأحنا هنا مش في الموضوع التاني بقي عشان منقولش بنعمل دعاية ;)

و هل أنت لسه عليه , ولا خلاص صلحت الأولسيه ورجعت لشيل ألترا ؟
وعلي فكرة أنا بقالي 3 سنين ماشي علي شيل ألترا برضه ومفيش مشاكل معاه لحد دلوقتي, بس حابب أجرب توتال مرة وزيت وولف مرة بس الوقت مش بيظبط معايا وبلاقي شيل متوفر وأقرب فبكمل عليه لأنه مضايقنيش لأنهارده.

[lanos2004]

الشكر لله,
والحمدلله أنها جات سليمة ومجاتش في الموتور.

وعايزين نعرف نوع الزيت اللي أشتريته وبتجربته حالياً,
مع أني عمري ما أشتريت زيت من محل لأني بقلق منهم, بس حابب أعرف نوع الزيت وأحنا هنا مش في الموضوع التاني بقي عشان منقولش بنعمل دعاية ;)

و هل أنت لسه عليه , ولا خلاص صلحت الأولسيه ورجعت لشيل ألترا ؟
وعلي فكرة أنا بقالي 3 سنين ماشي علي شيل ألترا برضه ومفيش مشاكل معاه لحد دلوقتي, بس حابب أجرب توتال مرة وزيت وولف مرة بس الوقت مش بيظبط معايا وبلاقي شيل متوفر وأقرب فبكمل عليه لأنه مضايقنيش لأنهارده.

زيت المانى اسمه ميوجن من نفس المصنع الى كان بيصنع الزيت السىء جدا الى اسمه لكوى مولى بس من الواضح ان الزيت دة مصنوع للشرق الاوسط لانه ممتاز للان وجربته فى اربع عربيات عكس لكوى مولى كان بيطير