تعديل لانسر 2003 ل evo ولا اعدل سيفيك 94

[kirolous123752]

و حوش هوندا انا معايا سيفيك 2010 بس بصراحة مستحرم اعدل و افرك بيها و كدا وعشان كدا قررت اجيب حاجة شبابي و اعدل فيها و في نفس الوقت تكون رخيصة و لهذا السبب قررت اجيب سيفيك تسعيناتي و ادل فيها و اسقطلها موتور حلو و في ناس صحابي نصحوني ب لانسر 2003 ل evolution و انا الصراحة جديد في حكاية تعديل العربيات و كدا ف علشان كدة قولت اخد بنصيحتكو و الصراحة انا شايف شكل الانسر هيبقي احلي مع اني من عائلة هوندا و من غير تحيز

[abo-berry]

الفلوس اللى معاك هى اللى حتحدد العربيه , قولنا معاك رينج كام واحنا هنقولك , كمان تقو انت عايز تعدل ايه فى الهوندا عشان فى كذا موتور فا هيكون باسعار مختلفه

[kirolous123752]

اولا شكرا علي سرعة الرد بس انا مبكلمش في حكاية الفلوس انا بتكلم في حوار المواتير الي هتتسقط و الثبات و العفشة و انهي عربية هتستحمل الفرك و الغرذ و drafting و الكلام دة و علشان كدة انا بسالكم thanks in advance

[kirolous123752]

و علي فكرة انا معرفش اسعار و اخبار مواتير الانسر اية يعني في واحد يقوللك ان مواتير المايفك Mivec فاجرة و فية اللي يقولك ان مواتير الهوندا احسن بكتير و كمان قطع الغيار بتعتة متوفرة لاكن الميفك مش منتشر ارجوكم فيدوني

[kokowasfy]

خليك فى الهوندا عشان غرقانة تعديلات و متجربة الف مرة فى التعديل و شبابى اوى اوى

[AHMED_HAMDY]

تتعديل الايفو بتربو ارشحهولك يعني تجيب نصين ايفو من زوزا مثلا الي في الحرفيين بس توصيه قبل ميروح او لو تعرف تاجر محترم يجبهوملك حتى لو مش شغال لانسر وضامنه كويس ممكن يجيبلك حاجه نضيفه

وتفضيه ف العربيه الي ختجيبها من هنا شوف انا برشحلك على مكواه لان الكرستاله الي متعدله ايفو غرقت البلد بغباء وبقى منها كثير

وغير النص الوراني ومعاك عربيه تربو ودفع رباعي دي الحاجه الوحيده الي مش هتخدها من الهوندا


بس لو عايز الهوندا معاك لو تعرف تجيب موتور k20 او b20

بس للاسف دول مش هتلاقيلهم قطع غيار ;كثير هنا خالص الايفو ممكن اقولك ممكن تلاقي والي بيجيب شغل ايفو بقوا كثير

[kirolous123752]

احمد باشا اولا شكرا علي ردك الواضح بس انا الصراحة مش بعرف افرق بين الكريستالة و المكواة ممكن تقولي هي دي موديل كام وكمان تقولي المواتير اللي هتتسقط عليهم و النصين دول هيكلفوني كام و انتا لو مكاني هتختار اية علشان شكلك كدة خبير في الحكاية دية يعني اجمالي الحكاية دية هتكلفني كام

[kirolous123752]

و معلش اية قصدك من تغيير الانص الوراني قصدك اقطع في العربية و ياريت تقولي اخبار الثبات اية بعد كل دة هيبقي زي الهوندا ولا اية

[AHMED_HAMDY]

بص هرد على سؤالك الثاني الاول


انت العربيه اللانسر امامي مش خلفي والايقو يعتبر رباعي


فبتغير نص وراني كامل بالكرونه الي وراه وتخلي العربيه من امامي إلى رباعي

وبقيت العربيه موتور وطبلوه وكراسي وعفشه بتحطهم في اللانسر الي انت شاريها من مصر وتروح المرور تغير بس الموتور تجط ورق الموتور الجديد علشان الرخصه بيبقى تقريبا للايفو 5 2400 سيسي المكواه مش عارف كام بالضبط بصراحه علشان مش اقول لحضرتك معلومه غلط بس تقريبا مواتيرها عاليه


والنص الخلفي محدش هيكلمك عليه في المرور لان الشاسيه لسه السليم بتاع اللانسر الي شاريها من هنا

بالنسبه لكل لانسر نزل .. نزلوا تتعديل من الايفو

ده تعديل الكرستاله مثلا ايفو 5


وده ايفو 7 مثلا للمكواه






والبومه ليها تعديل والشارك ليها تعديل


ممكن تكتفي بالمكنه والتربو فقط بس هيبقى معاك العربيه امامي فقط مش رباعي

انت طبعا اللهوندا امامي والبي ام خلفي الايفو بتبقى رباعي

والاسعار زوزا تقريبا بيبيع نصين الايفو 5 ب 25 - او 30 الف ممكن اكثر مش عارف بالضبط بس رقمه ممكن تلاقيه في ارقام التجار تقدر تكلمه

وهوه معاه واحده ايفو 5 جاهزه بيبيعها دلوقتي تقريبا لو مش باعها

والسنه اليي فاتت باع ايفو 5 ب 90 الف تقريبا كامله مترخصه بكل حاجه

واي سؤال عارف اجابته انا تحت أمرك :]

[Waleed maher]

انا ليه رأي اللانسر المكوه عاليه عن الارض بس معرفش لما تتعدل عفشتها هتكون ازاي بس مش هتلاقي في ثبات و سرعه استجابه الهوندا بالذات في الغرز علي السرعات العاليه و لو معاك ميزانيه تسمح اعتقد موتور التايب آر هيرضيك بالاضافه للتعديلات الخارجية للهوندا بتخليها مميزه جدا و ربنا يوفقك للاحسن

[banzai]

لازم تقول عايز كام حصان و يهمك العزم اكتر ولا الحصان اكتر فى حاجات كتير بتفرق حتى درجة الاوكتان

[Mzeid]

بص كدة على الموضوع دة

http://www.nilemotors.net/Nile/165480-a.html

[kirolous123752]

احمد باشا انا ولله مش عارف اقوللك اية بس كل الي اقدر اقلهوللك الف مليون شكر ليك يا باشا انا تعبتك و لله و شكلنا هنبا صحاب علشان انا هحتاجك كتيرررررر في حكاية التعديل دية و شكرا تالي ليك

[kirolous123752]

معلش يا جدعان سوال تاني انا عايز اعرف التعديل للانسر ايفو 7 هيكلف كام و هل هلاقية و لا لااااااا

[AHMED_HAMDY]

والله انا عن نفسي مش اتاخر عنك ف اي معلومه وعلى فكره دي شبه معلومات سطحيه ليا


انا راكب هوندا اصلا مش لاسنسر هههههههههههه واي حاجه تعوزها انا معاك ولو نويت بجد زوزا اكثر واحد ارشحهولك بيسافر كل شويه وممكن يجيبلك شغل نضيف جدا

ورقمي موجود في ارقام الاعضاء لو عوزت اي حاجه في اي وقت كلمني