العربية مبتتفتحش - سيفيك 2008

[zoma ahmed]

راكن العربية قدام البيت وتقريبا حد كان بيحاول يفتحها معرفش بس قفل الباب اتكسر لما بدخل المفتاح مبيرداش يلف حاولت كتير اوي بيفتح شنطة العربية بس لكن الباب لا ايه العمل ؟؟؟؟ افتحها ازاي واروح لمين ؟؟ ويكلف كام ؟؟ ( مع العلم العربية سيفيك 2008 )








تم تعديل العنوان

[virus459]

الريموت مش معاك؟؟؟؟؟

[AHMED_HAMDY]

الحمد الله ان الي حاول معرفشي
وقدر الله وما شاء فعل

بس الريموت مش بفتح !! او لو الشنطه تدخل وترجه ضهر الكنبه وتدخل جوه !

اخر الحلول حد بتاع مفاتيح بيجي يفتحها وياخد هنا مره فتحلنا عربيه ب 30 ومره 50 مش عارف الاسعار عندك ايه


وربنا معاك يا رب

[zoma ahmed]

الريموت مش معاك؟؟؟؟؟

للأسف الريموت اتكسر من زمان ولما جيت اعمل واحد في التوكيل لقيتو ب 1795 جنيه استغليتو الصراحة

[virus459]

حصل خير حتعمل زي ما احمد باشا قالك ياتجرب تدخل من الشنطه معرفتش شوف حد بتاع مفاتيح

[zoma ahmed]

الحمد الله ان الي حاول معرفشي
وقدر الله وما شاء فعل

بس الريموت مش بفتح !! او لو الشنطه تدخل وترجه ضهر الكنبه وتدخل جوه !

اخر الحلول حد بتاع مفاتيح بيجي يفتحها وياخد هنا مره فتحلنا عربيه ب 30 ومره 50 مش عارف الاسعار عندك ايه


وربنا معاك يا رب

مفيش ريموت مكسور من زمان .. انا هحاول فعلا ادخل من الشنطة بس اغير قفل بكام وفين ؟؟ اروح التوكيل ولا ايه ؟

[zoma ahmed]

حصل خير حتعمل زي ما احمد باشا قالك ياتجرب تدخل من الشنطه معرفتش شوف حد بتاع مفاتيح

الحمدلله على كل شئ انا هعمل كدا فعلا

[virus459]

ممكن تكون في حاجه مكسوره جوه القفل لان انت بتقول انه المفتاح مش بيلف اصلا يعني ممكن يكون مدخلش للاخر

[zoma ahmed]

ممكن تكون في حاجه مكسوره جوه القفل لان انت بتقول انه المفتاح مش بيلف اصلا يعني ممكن يكون مدخلش للاخر

لا هوا دخل للاخر بس مش عايز يلف ولما بطلعو بلاقيه متخربش هوا شكل القفل متكسر من جوا

[amdd]

الباب التانى مفيهوش كالون!!!
يعنى العربية فيها كالون واحد لباب السائق والشنطة بس

لو مفيش حل روح لحد بتاع مفاتيح هيفتحهالك او امرك لله هتضطر تكسر اى ازاز

[zoma ahmed]

الباب التانى مفيهوش كالون!!!
يعنى العربية فيها كالون واحد لباب السائق والشنطة بس

لو مفيش حل روح لحد بتاع مفاتيح هيفتحهالك او امرك لله هتضطر تكسر اى ازاز

مفيش لا هوا كالون واحد في الشنطة وباب السواق ... انا هحاول ادخل من الشنطة بس بعد كدا اروح بيها التوكيل اضمن ولا اركب القفل دا فين ويكلف كام ؟؟؟ ولو حضرتك تعرف حد يعملي الريموت بسعر ارخص من التوكيل اكون شاكر جدا لحضرتك

[dedo_ryo]

ممكن تجيبه استيراد و تروح لحد بتاع مفاتيح يعملك سنانها زي مفتاحك الاصلي علشان العربيه تبقى بمفتاح واحد مش مفتاحين و الحمد لله علي انها جت علي قد كده

[AHMED_HAMDY]

هوه معلشي الريموت منفصل ولا في المفتح نفسه


والمفتاح الي بيدور العربيه خد بالك ممكن يكون متشفر على العربيه !!

فاسءل الاول وشوف علشان ممكن تلجأ للتوكيل

فيه واحد بتاع شفرات مفاتيح في جسر السويس مشهور قوي معرفشي اسمه للاسف ممكن حد يفيدك من القاهره

[zoma ahmed]

الريموت كان مع المفتاح بس اخويا الصغير رماه من الدور التاسع نزل 100 حته مفضلش غير الحديده ... انا شكلي هروح التوكيل عشان الموضوع ميكبرش دا بالنسبة لقفل الباب بس الريموت عايز اشوف حد بره عشان حرام اوي 1800 جنيه في الريموت بس !!!!!!
عموما متشكر لكل الرجالة الي اهتم وردت