مشكلة فى طرمبة ميه ؟؟

[lord_of_egypt22]

الحراره عندي كانت بترفع مع المشاوير الطويله ولو السرعه زادت عن 120 لفتره طويله 10 دقايق مثلا
شكل الرداتير معجبنيش قلت ابدا بيه وركبت واحد جديد
الوضع اصبح كالتالي
لو مشيت جوه المدينه علي سرعات عاديه 40-80 الحراره بتوصل قبل النص بشويه --العادي- اول ما اطلع ع الطريق الدائري الحراره تنزل الي الربع تقريبا وتستمر ف النزول لدرجه لني شكيت ف صباع الحراره وفكيته ونظفته.. عمري ما شفت كده ف السيفيك
كمان في صوت خشونه شويه ف صوت العربيه واحيانا خربطه..هي طرمبه المبيه قبل ما تبوظ بتعمل صوت خشونه بس ولا ممكن خربطه؟؟وحوار الحراره اللي بتنزل ده ايه ...افيدونا ...مفيش هنا صنايعيه بتفهم
وتحياتي من الرياض

[SAMEH_FOUAD]

ابو ايمن عامل اية ياريس

اول مشكلة دية من ثرموستات الكوعة

صوت الخشونة من طلمبة المياة , لو الصوت اللى انت بتسمعة جاى من ناحية اليمين وانت واقف قدام الكابوت

[الشقنقيرى]

يا جماعه موضوع الحرارة تنزل فى الطوالى على الدايرى دة الطبيعى لان التبريد بيكون مظبوط لانك غيرت الرديياتير متقلقش دة كدة جميل جدا مفيش مشكله انا عربيتى السيفك ال 96 قبل ما ابيعها

[SAMEH_FOUAD]

يا جماعه موضوع الحرارة تنزل فى الطوالى على الدايرى دة الطبيعى لان التبريد بيكون مظبوط لانك غيرت الرديياتير متقلقش دة كدة جميل جدا مفيش مشكله انا عربيتى السيفك ال 96 قبل ما ابيعها

لأ طبعا ياباشا , دة مش طبيعى , دية بيكون سببة ان ثرموستات الكوعة مش موجودة او بايظة

[No Comment]

يا جماعه موضوع الحرارة تنزل فى الطوالى على الدايرى دة الطبيعى لان التبريد بيكون مظبوط لانك غيرت الرديياتير متقلقش دة كدة جميل جدا مفيش مشكله انا عربيتى السيفك ال 96 قبل ما ابيعها

معظم المواتير ليها درجة تشغيل معينة المفروض انها لا تقل عنها ولا تزيد عنها (+-90)
كدة هو محتاج ترموستات كوعة للمحافظة على درجة الحرارة المناسبة لتشغيل الماتور

[lord_of_egypt22]

الف شكر يا جماعه علي الردود
انا فعلا معنديش ترموستات كوعه لاني بصيت عليه وانا بركب الريداتير لاني مركبه بنفسي
بس الموضوع ده مش قالقني لان البرد هنا شهر او شهرين بس
المهم ممكن طلمبه الميه تعمل صوت تخبيط؟ وخربطه
وزي ما قال سمسم الصوت من ناحية اليمين وانا واقف قدام الكبوت

[M_Nabil]

معظم المواتير ليها درجة تشغيل معينة المفروض انها لا تقل عنها ولا تزيد عنها (+-90)
كدة هو محتاج ترموستات كوعة للمحافظة على درجة الحرارة المناسبة لتشغيل الماتور

تمام بالظبط كدة بتبدأ تفتح عند درجة 76-80 وتفتح بالكامل عند 90 درجة مئوية

الف شكر يا جماعه علي الردود
انا فعلا معنديش ترموستات كوعه لاني بصيت عليه وانا بركب الريداتير لاني مركبه بنفسي
بس الموضوع ده مش قالقني لان البرد هنا شهر او شهرين بس
المهم ممكن طلمبه الميه تعمل صوت تخبيط؟ وخربطه
وزي ما قال سمسم الصوت من ناحية اليمين وانا واقف قدام الكبوت

هو يفضل تركبها عشان تحافظ على الماتور وتقلل فترة التسخين الصبح واستهلاك البنزين وهاتها الاصلي وهيا عمرها طويل و بتعيش سنين



اه عادى ان طلمبه المياة لما تبوظ تعمل صوت تخبيط و أحيانا تسريب مياه خفيف أكشف وأتاكد ان الصوت منها ولو هيا متستناش عليها وغيرها

[ahmedshetewy]

x صوت الخبط ده من الطلمبه ولازم تتغير بسرعه عشان متتعطلش فى اى مكان

[ahmedshetewy]

x وسعر الطلمبه ب280ج عند محذى الدسوقى

[lord_of_egypt22]

الف شكر يا رجاله الهوندا وربنا يخليكو لينا يا رب وجاري التنفيذ