استشارة من اهل الهوندا ضرورى عن اكورد 92

[elnady_1987]

يا جماع انا قدامى عربية هوندا اكورد مو 1992 كانت كاملة اتوماتيك وتم تغير الماتور ليصبح 1800 مانيوال العربية بها فتحة سقف بحالة جيدة دواخل فابريكة لسة رشة جديد اول مرة من الخارج ايه رايكم فيها وتساوى كام وشكرا








تم تعديل العنوان

[SAMEH_FOUAD]

ياريت تقول كود المحرك 1800 اية عشان كل محرك وهيبقى لية سعر

وياريت حالة العفشة والصالون والتكييف والاكسسورات هل فيها حاجة ناقصة ولا لأ

والكاوتش والجنوط نوعها اية وحالتهم اية

[elnady_1987]

-اولا شكرا يا باشا على الاهتمام
بص يا باشا كود الماتور انا معرفهوش وممكن تقولى اعرفه ازاى وانا اقلك والصالون بحالة ممتازة يوجد به عيب واحد وهوة الفريم الفبر الى حولين الطابلو ولى هوة تقريبا مش موجود بخلاف كدا كله تمام جميع الاكسسورات موجودة وسليمة جدا العفشة ممتازة والجنوط عادية بطسات محتاجة 4 فرد كاوتش فتحة السقف مشرخة مكسورة يعنى بس شغالة تمام وانا طبعا مش هفكر اغيرها لان ممكن تبوظ خالص الفاونيس والنواكل والجريد كله تمام

[Adham]

ألموديل دة بالذات من الهوندا قطع غيارة عزيزة و غالية و حاتتعبك

قبل ما تقرر روح اسأل على سعر فانوس امامي وخلفي و تيل فرامل و مساعدين مقصات و شوية حاجات كدة في محلات الهوندا و قولنا لقيت اية ولو عايز ترتاح اكتر اسأل على حاجتها استيراد من حيث التوافر و الاسعار بس تشوف بعينك مش واحد صاحبك يقولك موجودة و رخيصة و تقول وراة آمين

الاكورد من 89-92 دي بالذات متعبة جدا في قطع غيارها و مكلفة جداً

[Ahmed_Gallant]

ألموديل دة بالذات من الهوندا قطع غيارة عزيزة و غالية و حاتتعبك

قبل ما تقرر روح اسأل على سعر فانوس امامي وخلفي و تيل فرامل و مساعدين مقصات و شوية حاجات كدة في محلات الهوندا و قولنا لقيت اية ولو عايز ترتاح اكتر اسأل على حاجتها استيراد من حيث التوافر و الاسعار بس تشوف بعينك مش واحد صاحبك يقولك موجودة و رخيصة و تقول وراة آمين

الاكورد من 89-92 دي بالذات متعبة جدا في قطع غيارها و مكلفة جداً

الكلام ده سليم 100% العربيه دى معايا موديل 90 الشكل الجديد مش فانوس قلاب
المكنه f22a1 متعدله كربراتير ومعكوكه وفعلا اضطريت امشيها على عيبها مؤقتا بسبب الفتى اللى سمعته بتعمل معايا 160 الى 200 كم فى الصفيحه بنزين 80
لو حابب تعرف عنها اكتر او تتفرج على اللى معايا قبل ما تشترى عشان بس تبقى الصوره وضحت اهلا وسهلا بيك فى اى وقت
للامانه انا كنت راكب ابيزا 94 قبلها وكانت انجيكشن بتستهلك 320 فى الصفيحه بس مفيش وجه مقارنه بين الركوبتين ومن جوايا انا عايز اقتنى الاكورد الى ان يشاء الله ومبفكرشى اغير ولو حتى للاعلى
نسيت اقولك المانيوال منها مع انه جميل بس نادر جدا انا اللى معايا اوتو
قطع غيارها موجوده جديد عند خلف اللى فى الدقى بس غاليه جدا مثلا التيل لو ريمسا يعمل 220 تقريبا لو تايوانى ب180 اولاد حفنى شغالين فيها بس الاسعار فووووووق قوى