سؤال بخصوص البوهيه

[AHMED_HAMDY]

السلام عليكم ورحم الله وبركاته


انا داخل الاسبوع ده على رش ان شاءءالله ومقلق قوي بصراحه انها مش تطلع زي مالواحد عايز

فقولت اخد نصايح الناس هنا وحتى الي من اقسام ثانيه وبيشوفوا الموضوع ده موضوع عام


بفكر في الدرجه الزرقاء كود b-95p بس هفتحها شويه

عايز نصايح من الناس انا مغير صاج جديد على اساس مش يحط معجون كثير

سمعت من ناس علشان اللمعه تبقى كويسه الارضيه تبقى فاتحه وورنيش كويس بجانب نوع البوهيه

يعني ايه الارضيه !!! صدفه اللون بتعتمد على ايه علشان اللون يقلب !!!!

يعني الموضوع مفتوح للاقتراحات والنصايح وشكرا

[Mohamed Abd ElKhalek]

مش هنتقابل طيب ولا ايه...قريب ان شاء الله هارد عليك في الموضوع بتاع زوزا

وبالنسبه لدرجه اللون هي بسم الله ما شاء الله تحفه

[Muahmmad Honda]

الارضية دى اللى هى الفيلر او البطانة !! و هى مش بتاثر فى اللمعان ولا اى حاجة هى بس لو غامقة و انت بترش لون فاتح اللون هيغمق اكن لو انت بترش لون غامق هيطلع مظبوط و العكس .. الكود دة لازلة ارضية شبه الابيض يعنى فتحة جدا عشان يطلع بالكود بالظبط

اتلكمنا على موضوع الصدفة دة قبل كدة و قلتلك بيتعمل ازاى

بص اهم حاجة فى الموضوع دة كله بعد اراء و مناقشات و خبرة .. الصنايعى هو اللى بيحدد اذا كان الشغل يطلع حلو ولا وحش

ادى صنايعى بوية مصرى و ونيش مصرى بس يكون شاطر جدا .. و اتفرج على العربية و الشغل عامل ازاى

لكن لامؤاخذة لو اديت اسكينز و ورنيش المانى و اغلى الخامات لصانيعى حمار ولا هتشوف منه شغل :)

[saddam]

صديقي المواطن
البوهية تجيبها سكنز والورنيش كابسي مش مشكلة واﻷرضيه مش مشكلة هو الفيلر فضي فاتح ﻷنه هو أساسا حيديها كذا وش عشان اللون يستر وأنا.مش معاك نهائي في إنك تطلع درجة لون في الكمبيوتر وبعد كده تفتحها ده فكر إعتكاكي ومش سليم ثم هناك ملايين أكواد الألوان فيها كل الدرجات اللي تحلم بيها فمينفعش تفتح بكيفك عشان لو مستقبلا حصلت عندك خبطة وعايز تعملها على قدها اللون مش حيطلع مظبوط ﻷنه تداخل فيه عنصر بشري والصح يطلع كمبيوتر 100% أما بخصوص اللمعة فده بسبب بسيط كل صنايعية مصر بيضحكوا عالناس ومفهميهم إن العربية بتخلص بعد متخش الفرن وده فيلم هندي
الصح العربية بعد متطلع من الفرن بأسبوع
ترجع للبوهيجي من ضمن حسابه يسحق العربية بالكامل بصنفرة مقاس 2000 ثم يديها بولش عصارة.إنجليزي ب 50 جنيه دي تكفيك 4 عربيات تتعمل بالصاروخ والمياه ثم يديها وش تلميع ببولش عادي أبو 7 جنيه بالقطنه ثم إتفرج عالعربية غير كده ضحك عالذقون
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[AHMED_HAMDY]

تمام شكراااا ليك جدا يا محم


ويا saddam انا كنت راشش قبل كدا سكينز بس دلوقتي شكلي رسيت على الكابسي

وهجيب ورنيش الماني او سكينز وان شاء الله هاحد بكل النصايح الي قولتها فوق ويا رب تطلع حلوه وهجيب الكود كمبويتر بدون اي لععب ف درجته

[carrier]

الصنابعى يا احمد هياخد كام مصنعية ايده
وبالتوفيق

[AHMED_HAMDY]

هنا-بياخدوا-من-1100-2500

وكله-بوهيه-مصري

انا اتفقت معا واحد 1600-1700

[SAMEH_FOUAD]

قليل جداا 1700 جنية , معلش السعر دة واحد على قدة او مش هيدى كل حاجة حقها

[AHMED_HAMDY]

محمد-ممدوح-hot-ride

راشش تقريبا 1300 في الهرم وطالعه ما شاء الله بجد لون بني


محمد سامي جايب نفس السعر وكله بيقولي انت كدا غالي قووووي الواحد احتاار بجد

[Muahmmad Honda]

1400 هنا و صنايعى نمرة 1 و يديك ضمان سنة لو الدهان طق او اى حاجة .. 1700 رخيص ليه ؟!