سؤال بخصوص هوندا سيتي

[Totti999]

معلش يارجاله الهوندا انا عندي مشكله في الدريكسيون بتاع السيتي لما بلف الدريكسيون سنه يمين و سنه شمال كذه مره بسرعه ورا بعض والعربيه واقفه بسمع صوت تخبيط جاي من تحت رجلي ومسمع في الطاره وواضح جدا ولما بصيت عليها من تحت الصوت مسمع في البارات وعلبة الدريكسيون بس الصوت مش واضح زي مابسمعوه من جوه العربيه وده ماثر شويه في مشي العربيه في الشوارع المكسره و للعلم الذوايا مظبوطه ولسه مرصص العجل

الكلام ده موجود عندكو برضو ولا لا

[SAMEH_FOUAD]

اكيد لأ طبعا , واللى عندك دة بداية بوش فى علبة الدركسيون , خلى بالك عشان هية تمنها استيراد ب 2500 جنية

[khalid_adel]

اكيد لأ طبعا , واللى عندك دة بداية بوش فى علبة الدركسيون , خلى بالك عشان هية تمنها استيراد ب 2500 جنية

متاكد انها استيراد ب 2500 جنيه ؟؟ اصل دي تمنها جديد عندي
الحمد لله الذي عافانا :)

[khalid_adel]

اه صحيح انت بتقول بتسمع صوت زي طقه كده لما تعمل الدركسيون يمين وشمال جامد
ده كده ممكن تبقي بدايه بارات بس وان شاء الله تحلقها قبل ماالعلبه تبوظ

[SAMEH_FOUAD]

متاكد انها استيراد ب 2500 جنيه ؟؟ اصل دي تمنها جديد عندي
الحمد لله الذي عافانا :)

ههههههههههههههه\

اة ياباشا ب 2500 جنية ويارب تلاقيها كمان

[Totti999]

انا كده بدات اتوغوش بس انا كان بيتهيالي ان دي حاجه عاديه لاني كمان معايا city 2008 وكان فيها نفس الموضوع وشغاله كويس بقاله 3 سنين لحد دلوقتي بس انا طالب منكو طلب يارجاله السيتي 2009 لو حد معاه نفس العربيه يجرب ويقولي قبل مااروح التوكيل اكشف عليها وشكرا لكل الناس الي ردت على الموضوع

[Totti999]

ههههههههههههههه\

اة ياباشا ب 2500 جنية ويارب تلاقيها كمان

في ناس بتتكلم على المنتدى بتقول ان بعد تصليحها بترجع تبوظ بسرعه معنى كده اني لازم اغيرها طاب لو جيبتها استيراد هتعيش معايا ولا هدفع 2500 جنيه وترجع تبوظ تاني

[SAMEH_FOUAD]

هتجيبها استيراد , وحالتها لو كويسة اكيد هتقعد معاك

[Totti999]

طاب معلش الريجلاش ملوش علاقه بالموضوع ده

[ahmedabeed]

انا لسه مغير علبة دريكسيون سيتى 2007 وللاسف فعلا ب 2500 جنيه ب الماتور والحساس انا كان عندى بوش خفيف قوى وماكنتش ماثره فى المشى بس انا غيرتها عشان انا بسافر باستمرار ومسافات ربنا يسهل ومتكونش علبة

[Totti999]

انا لسه جاي من التوكيل دلوقتي وقعدت في عربيه سيتي زيرو وجربت اهز الطاره يمين و شمال ومسمعتش صوت خالص وده الطبيعي في عربيه زيرو بس انا قولت اتاكد برضو وبعد كده دخلت على مهندس مش فاكر اسمه ايه وحكيتلو علي الي بيحصل معايا وطلعنا مع بعض علشان نجرب وهز الطاره يمين وشمال وسمع الصوت الي اتكلمت عليه قبل كده بس كان رده غريب ان ده مش مشكله اساسا وده الطبيعي قولتله طاب ده انا لسه مجرب العربيه السيتي الزيرو المعروضه جوه قالي انا هرفعها واشوف لو محتاجه تربيط عفشه هنربط فقولتلو انا لسه مربط قريب فقلي خلاص هنكشف عليها ونشوف مع بعض فقلتله ماشي وخد الرخصه علشان يشوف معاد الحجز على الكومبيوتر ولاقه حاجزي مع المهندس معتز وقالي ادخله واحكيلو الموضوع كله من تاني قولتله خلاص ماشي ودخلت على المهندس معتز وجرب وسمع الصوت وقالي نفس الكلام ان علبة الدريكسيون مفهاش مشكله ووقلتلوه انا لسه مجرب عربيه زيرو ومفهاش الهوا فخد العربيه جوه في الصيانه وقال 5 دقايق وهجيلك تاني وشويه ورجع تاني وخدني معاه جوه وقالي ان هي مفهاش اي حاجه وان ده طبيعي وعلشان يثبت كلامه خلاني اجرب عربيه تانيه عامله 13 الف كيلو وفعلن سمعت نفس الصوت وقالي خسارة انك تغير علبة الدريكسيون هتكلف نفسك على الفاضي وهو عن نفسه مش خسران حاجه والسيتي كلها كده بيحصل بوش بسيط مع الاستعمال وده طبيعي و مفيش اي خوف من كده فقولتله خلاص انا تعبتك معايا وشكرا ومخدش مني ولا مليم واخدت بعضي ومشيت

انا كان معايا سيتي 2008 من الزيرو وكان فيها نفس المشكله وبعتها لحد قريبي وشغاله لحد دلوقتي والعربيه الي معايا هي سيتي 2009 وشغاله الحمد لله معايا من غير مشاكل بس هي حكاية علبة الدريكسيون دي مش بحس بيها غير والعربيه واقفه لما بهز الطاره يمين وشمال فعلشان كده مش هتسببلي وجع دماغ بس لما باجي ادخل على اي مطب بحس بصوت خفيف اوي زي بقبقبقبقب برده كان موجود في السيتي القديمه والمهندس الاولاني قالي بيتظبط محدش يعرف ازاي علشان لو سهله اعملها بره التوكيل

بس انا ليه عتاب عليكو مفيش حد ليه عنده نفس العربيه جرب الموضوع ده عنده ورد عليه دي مش هتاخد اكتر من دقيقه عموما انا كده نقلت التجربه علشان لو حد عنده نفس الملاحظات يعرف ان ده عادي

[Totti999]

انا لسه مغير علبة دريكسيون سيتى 2007 وللاسف فعلا ب 2500 جنيه ب الماتور والحساس انا كان عندى بوش خفيف قوى وماكنتش ماثره فى المشى بس انا غيرتها عشان انا بسافر باستمرار ومسافات ربنا يسهل ومتكونش علبة

انت جبتها استيراد ولا جديده ومنين وعامله معاك ايه يارب تكون حالتها كويسه

[ahmedabeed]

بص ياسيدى انا جبتها من بكر مشهور ده فى الحرفيين وبصراحة انا مركبها من شهر بس انا بعدها تعبت شويه والعربية كانت مركونة بس لسه بشوفها الاسبوع ده وهى كويسه ومفيش صوت بس انا لما بعدى ال 80 بسمع صوت بس مش عارف منها ولا من الشكمان لانه كان سايب وانا صلحته لسه هجرب شويه و اعرف منين بالضبط الصوت وهبقى اقولك

[Totti999]

بص ياسيدى انا جبتها من بكر مشهور ده فى الحرفيين وبصراحة انا مركبها من شهر بس انا بعدها تعبت شويه والعربية كانت مركونة بس لسه بشوفها الاسبوع ده وهى كويسه ومفيش صوت بس انا لما بعدى ال 80 بسمع صوت بس مش عارف منها ولا من الشكمان لانه كان سايب وانا صلحته لسه هجرب شويه و اعرف منين بالضبط الصوت وهبقى اقولك

الف سلامه عليك وان شاء الله تكون حاجه بسيطه وميكونش الصوت ده منها