قطع غيار هوندا اكورد 1990

[yasser.300]

ياريت يا جماعة لو حد يدلني علي بتوع قطع غيار هوندا اكورد 1990 خليجي جديد او استيراد وياريت لو ارقام تليفوناتهم في القاهرة
انا معايا العربية ديه وعايز اشدها ومش عارف حاجتها بتيجي منين
ياريت لو تفيدوني
جزاكم الله خيراً

[Ahmed_Gallant]

ﺣﺒﻴﺒﻲ ﻳﺎ ﺯﻣﻞ
ﺍﺣﻨﺎ ﻓﻲ ﺍﻟﻬﻮﺍ ﺳﻮﺍ ﺍﺧﻮﻙ ﻣﻌﺎﻩ ﺍﻛﻮﺭﺩ 1990 ﺧﻠﻴﺠﻲ ﻛﺎﻣﻠﻪ ﺍﻭﺗﻮ ﺑﻔﺘﺤﻪ ﺳﻘﻒ ﻋﻠﻴﻬﺎ ﺍﻟﻤﻜﻨﻪ f22a1 ﺩﻱ 2200 ﺳﻴﺴﻲ ﺑﺘﻄﻠﻊ 125 ﺣﺼﺎﻥ ﺩﻱ ﻟﻮ ﺷﻐﺎﻟﻪ ﺻﺢ ﻭﺑﻴﺘﻐﻴﺮﻫﺎ ﻛﻨﺘﺮﻭﻝ ﻋﺸﺎﻥ ﺗﻄﻠﻊ ﻝ135 ﺣﺼﺎﻥ ﺑﺲ ﺳﻴﺒﻚ ﻣﻦ ﺩﻩ ﻛﻠﻪ
ﺍﻧﺎ ﺷﺎﺭﻱ ﺍﻟﻌﺮﺑﻴﻪ ﺑﻘﺎﻟﻲ 6 ﺷﻬﻮﺭ ﻭﻟﺴﻪ ﺣﺎﺳﺲ ﺍﻧﻲ ﺟﺎﻳﺒﻬﺎ ﻣﻦ ﺍﺳﺒﻮﻉ ﻣﻦ ﻛﺘﺮ ﺍﻟﻤﺸﺎﻛﻞ ﺍﻟﻠﻲ ﻛﺎﻧﺖ ﻓﻴﻬﺎ ﻭﺍﻟﻠﻲ ﻃﻠﻊ ﻋﻴﻨﻲ ﺑﺠﺪ ﻋﺸﺎﻥ ﺍﻭﺻﻟﻬﺎ ﻟﺤﻞ ﺑﻔﻀﻞ ﺭﺑﻨﺎ ﻃﺒﻌﺎ
ﺑﺎﻟﻨﺴﺒﻪ ﻟﻘﻄﻊ ﺍﻟﻐﻴﺎﺭ ﻣﻮﺟﻮﺩﻩ ﺍﻟﻱ ﺣﺪ ﻣﺎ ﺑﺲ ﻣﺤﺘﺎﺟﻪ ﺻﺒﺮ ﻋﺸﺎﻥ ﺗﻼﻗﻲ ﻃﻠﺒﻚ ﺑﺎﻟﻈﺒﻂ
ﺍﻧﺎ ﺟﺒﺘﻠﻬﺎ ﺗﻴﻞ ﺍﻣﺎﻣﻲ ﻣﻦ ﻋﻨﺪ ﺍﺣﻤﺪ ﺣﻔﻨﻲ ﻛﺎﻥ ﺏ220 ﻭﺟﺒﺖ ﻃﻨﺎﺑﻴﺮ ﺍﻣﺎﻣﻴﻪ ﺑﺎﻟﺴﺮﻩ ﻛﺎﻧﺖ ﻋﺎﻣﻠﻪ 500 ﺟﻨﻴﻪ ﻣﻦ ﺍﺑﻮ ﺍﺻﻪ ﺍﻟﻠﻲ ﻓﻲ ﺍﻟﺤﺮﻓﻴﻴﻦ ﻭﻟﻘﻴﺖ ﻋﻨﺪﻩ ﺍﻛﺼﺪﺍﻡ ﺗﺤﻔﻪ ﻛﺎﻣﻞ ﺑﺎﻟﻔﻮﺟﺎﺕ ﻋﺎﻣﻞ 1000 ﺟﻨﻴﻪ ﻭﻃﺒﻌﺎ ﻛﺘﻴﺮ ﻋﻠﻴﻪ ﻳﻌﻨﻲ ﻟﻮ 600 ﻳﺒﻘﻲ ﻗﺸﻄﻪ ﺍﻟﺘﻴﻞ ﻟﻘﻴﺘﻪ ﺏ180 ﻓﻲ ﺣﺘﻪ ﺗﺎﻧﻴﻪ ﺳﻴﺮ ﺍﻟﻜﺎﺗﻴﻨﻪ ﺏ120 ﻭﻓﻠﺘﺮ ﺍﻟﺰﻳﺖ 65 ﻭﻓﻠﺘﺮ ﺍﻟﻬﻮﺍ ﺷﺮﺣﻪ
ﻭﻋﻨﺪﻱ ﻗﻄﻊ ﻏﻴﺎﺭ ﻟﻴﻬﺎ ﻛﺎﻧﺖ ﺟﻴﺎﻟﻲ ﻣﻊ ﺍﻟﻌﺮﺑﻴﻪ ﺯﻱ ﻓﺘﻴﺲ ﺍﻭﺗﻮ 4 ﺳﻮﻟﻮﻧﻴﺪ ﻛﺎﻥ ﺭﺍﻛﺐ ﻋﻠﻲ ﺍﻟﻤﻜﻨﻪ ﺍﻻﻑ 22 ﺍﻟﻠﻲ ﺭﺍﻛﺒﻪ ﻋﻨﺪﻱ ﻓﻲ ﺍﻟﻌﺮﺑﻴﻪ ﻭﺍﻇﻦ ﺳﻌﺮﻩ ﻣﻴﻌﺪﻳﺶ ﺍﻝ1600 ﺟﻨﻴﻪ ﻭﻟﻤﺎ ﺑﻴﻴﺠﻲ ﻣﻊ ﺍﻟﻤﻜﻨﻪ ﺑﻴﻌﻤﻞ 1000 ﺗﻘﺮﻳﺒﺎ ﻭﻋﻨﺪﻱ ﻭﺵ ﺳﻠﻨﺪﺭ ﻛﺎﻣﻞ ﺑﺘﺎﻉ ﺍﻟﻤﻮﺗﻮﺭ ﺍﻝ ﺍﻑ 18 ﺣﺎﻟﺘﻪ ﻣﻤﺘﺎﺯﻩ ﺑﺲ ﺩﻩ ﺍﺛﻦ ﻫﺒﻴﻌﻪ ﻻﻧﻪ ﻣﻠﻮﺵ ﻟﺰﻭﻡ ﻋﻨﺪﻱ
ﺧﻠﻒ ﺍﻟﻠﻲ ﻓﻲ ﺍﻟﺪﻗﻲ ﻛﻨﺖ ﻋﻨﺪﻩ ﻣﺮﻩ ﻭﻗﺎﻟﻠﻲ ﺍﻱ ﻣﺴﺘﻬﻠﻚ ﻓﻲ ﺍﻟﻌﺮﺑﻴﻪ ﺩﻱ ﺗﻼﻗﻴﻪ ﻋﻨﺪﻱ ﻣﻦ ﻓﻼﺗﺮ ﻭﺳﻴﻮﺭ ﻭﻟﻼﻣﺎﻧﻪ ﺍﻟﺮﺍﺟﻞ ﺩﻩ ﺑﻴﺘﺼﺮﻑ ﻓﻲ ﺍﻟﺤﺎﺟﻪ ﺣﺘﻲ ﻟﻮ ﻣﻜﺎﻧﺘﺸﻲ ﻋﻨﺪﻩ ﺍﻱ ﺍﺭﻗﺎﻡ ﺭﺍﺳﻠﻨﻲ.ﻭﺍﻧﺎ ﺍﺑﻌﺘﻬﺎﻟﻚ ﻋﻠﻲ ﺍﻟﺨﺎﺹ
ﺍﻧﺎ ﻣﻦ ﻃﺒﻌﻲ ﻋﻨﻲ ﺍﺷﺘﺮﻱ ﺍﻟﻌﺮﺑﻴﻪ ﻭﺍﻗﻌﺪ ﺳﻨﻪ ﺍﺫﺍﻛﺮﻫﺎ ﻣﻦ ﺍﻟﻨﺖ ﻭﺍﻟﺴﻴﺮﻓﻴﺲ ﻣﺎﻧﻴﻮﺍﻝ ﻭﺑﻌﺪﻳﻦ ﺍﺧﺪ ﺍﻟﻘﺮﺍﺭﺍﺕ ﺍﻟﻤﺼﻴﺮﻳﻪ ﻋﺸﺎﻥ ﻣﺮﺟﻌﺸﻲ ﺍﻧﺪﻡ
ﻭﻟﻮ ﺍﻧﻲ ﻣﺒﻘﺎﻟﻴﺶ ﻛﺎﻡ ﺷﻬﺮ ﻣﻌﺎﻳﺎ ﺍﻟﻌﺮﺑﻴﻪ ﻓﺨﺒﺮﺗﻲ ﺑﻴﻬﺎ ﻋﻠﻲ ﺍﻟﻘﺪ ﺧﺎﻟﺺ ﻳﺎ ﺩﻭﺏ ﺑﻤﺸﻲ ﻧﻔﺴﻲ ﺑﻌﻜﺲ ﺍﻟﻔﻮﻟﻜﺲ ﻭﺧﺼﻮﺻﺎ ﺍﻻﺑﻴﺰﺍ 94 ﺣﺎﻓﻈﻬﺎ ﺯﻱ ﻛﻒ ﺍﻳﺪﻱ ﻣﻊ ﺍﻧﻬﺎ ﻋﺸﺮﻩ ﺳﻨﻪ ﻭﻧﺺ ﺑﺴﺒﺲ ﻟﻮ ﺣﺎﺑﺐ ﻧﺘﻨﺎﻗﺶ ﻓﻲ ﺍﻱ ﺣﺎﺟﻪ ﺗﺤﺖ ﺍﻣﺮﻙ ﻭﻳﻤﻜﻦ ﻧﺘﻘﺎﺑﻞ ﻛﻤﺎﻥ ﻋﺸﺎﻥ ﺗﺒﺎﺩﻝ ﺍﻟﺨﺒﺮﺍﺕ ﻭﻟﻮ ﺍﻧﻨﺎ ﻫﻨﻜﻮﻥ ﻗﻠﻴﻠﻴﻦ ﺟﺪﺍ ﻟﻨﺪﺭﻩ ﺍﻟﻌﺮﺑﻴﻪ ﻣﺶ ﺍﻛﺘﺮ
ﻋﺎﻳﺰ ﺍﻗﻠﻚ ﺑﺲ ﺍﻧﻲ ﻛﻨﺖ ﻓﻲ ﻣﺮﻛﺰ ﺻﻴﺎﻧﻪ ﻓﻲ ﺍﻟﺤﺮﻓﻴﻴﻦ ﻭﻛﺎﻥ ﺟﻨﺒﻲ ﻭﺍﺣﺪ ﻣﻌﺎﻩ ﻫﻮﻧﺪﺍ ﺑﺲ ﻣﻮﺩﻳﻞ ﺣﺪﻳﺚ ﺷﻮﻳﻪ ﺑﺼﻴﺖ ﻋﻠﻴﻪ ﻣﻦ ﺑﻌﻴﺪ ﻟﻘﻴﺘﻪ ﺑﻴﺘﻔﺮﺝ ﻋﻠﻴﻬﺎ ﻣﻦ ﻭﺭﺍ ﻭﻣﻦ ﻗﺪﺍﻡ ﻭﺑﻴﺸﻮﻑ ﻓﺘﺤﻪ ﺍﻟﺴﻘﻒ ﻭﺷﻜﻞﺍﻟﺼﺎﻟﻮﻥ ﻭﻣﻦ ﺷﻜﻠﻪ ﺍﻧﻬﺎ ﻋﺎﺟﺒﺎﻩ ﻭﺑﺼﺮﺍﺣﻪ ﺍﺧﻮﻳﺎ ﻗﺎﻟﻠﻲ ﺍﻥ ﻛﻞ ﻣﻼﻙ ﻫﻮﻧﺪﺍ ﺍﻟﻠﻲ ﻣﻌﺎﻫﻢ ﺳﻴﻔﻴﻚ ﺍﻭ ﺳﻴﺘﻲ ﺑﻴﺒﺺ ﻋﻠﻲ ﺍﻻﻛﻮﺭﺩ ﻋﻠﻲ ﺍﻧﻬﺎ ﻋﺮﺑﻴﻪ ﻣﺤﺘﺮﻣﻪ ﻭﻧﻔﺴﻪ ﻳﻘﺘﻨﻴﻬﺎ ﺑﺲ ﻗﻄﻊ ﻏﻴﺎﺭﻫﺎ ﺍﻛﺒﺮ ﻋﺎﺋﻖ
ﺍﻟﻤﻬﻢ ﺍﻧﺎ ﺍﺗﺸﺮﻓﺖ ﺑﻤﻌﺮﻓﺘﻚ ﻭﻳﺸﺮﻓﻨﻲ ﺍﺗﺼﺎﻟﻚ ﻓﻲ ﺍﻱ ﻭﻗﺖ ﺍﺧﻮﻙ ﺍﺣﻤﺪ ﻋﺒﺪ ﺍﻟﺴﻼﻡ