مشكلة عندي من 5 سنوات - تاكل كاوتش من الأطراف سيفيك 93

[adham_medo]

ازيكم يا شباب الهوندا

عربيتي ex 93 اوتوماتيك , فرد الكاوتش الامامي بتتمسح من علي الاطراف وطبعا كل سنة بشتري جديد , روحت لظبط الزوايا قال انا مش عارف اشتغل روح الاول عند العفشجي علشان الفرد فتحة لبرة شوية , روحت للعفشجي قال انت محتاج تغير جلب وبيض ,قلته ماشي اشتري وغير واشتغل , قال لا الاول تروح عند سمكري هوندا ( انا اول مرة اسمع عن سمكري خاص بالهوندا ) علشان انا شاكك أن العجلة اليمين وخدة خبطة شديدة وأثرت علي الشاسيه الامامي والسمكري الهوندا عارف مقاسات الحوض والشاسيه , بعتها تعالي نشتغل في العفشة ثم اذهب الي الزوايا , وتبقي العربية تمام .


انا احترت يا ريجالة اعمل ايه وايه هي الخطوات الصحيحة والتكلفة هتدخل في كام ؟؟؟؟؟؟؟؟




تم تعديل العنوان

[adham_medo]

........ انا عندي وعايز اشتري من بورسعيد ........

111

[SAMEH_FOUAD]

الاول هتاخدها لاى مركز عندة زرجينة وسوفت وير خاص بابعاد شاسية الهوندا , وغالبا هتروح لسمير على فى الحرفيين هو غالى اة بس هيرجعهالك زى ظبطة المصنع

وبعد كدة تطلع على العفشجى تغير المطلوب , وبعد كدة ترجع تظبط زوايا تانى بس مع الكاوتش الجديد عشان مش هينفع تظبط على الكاوتش اللى متاكل دة

[adham_medo]

يا سلام يا سامح باشا , الواحد مش عارف يشكرك ازاي :)

سوف افعل ما قلت عليه واخابرك

[AHMED_HAMDY]

طيب-برضه-قول الجنط-عندك-كام
ومركب-كاوتش-ايه


لانك لو مركب مقاس غلط هيحك معاك كثير

[feky]

موحه باشا
انا عندى نفس المشكله
فكنت بسال لو هروح عند سمير على يعملى زرجينه فى الجمب اليمين هيتكلف فى حدود كام

[SAMEH_FOUAD]

محمد باشا اخبارك اية

شوف ممكن يعملها بتكلفة لا تتعدى ال 300 جنية , انا معرفش الحالة عندك اية بس على وصفك كدة مش هتصرف اكتر من كدة , وانا مزودلك السعر شويتين تلاثة

[adham_medo]

الجنط عندي 13

[SAMEH_FOUAD]

لأ كدة ان الجنط مافيش منة مشكلة

بس اظبط العربية وحاول تكبر الجنط شوية يعنى يكون اقل حاجة عندك مقاس 14 , ويكون 195/60 هتلاقى العربية بقت حاجة تانية خالص فى الارتفاع والتحكم والثبات

[adham_medo]

ياااااااااااااه ينفع اركب عندي جنط 14 دا انا من زمااااااااااان بفكر اغير من 13 الي 14 ودائما بقول ما ينفعش اعدل في العربية علشان اركب 14 , انت سهلتلي السكة خالص ربنا يكرمك يا سامح باشا :)

[SAMEH_FOUAD]

ياباشا لو عايز تعدل ل 15 يبقى افضل , وهتجيب المقاس دة 195/55 r15