رابطة ملاك هوندا سيتي

[jalal]

أعضاء قسم هوندا المحترمين.
السيد / سامح ( منسق القسم الرائع )
لاحظت من خلال متابعتي للموضوعات الخاصة بهوندا سيتي ان اسعار قطع الغيار غالية وساعات مش متوفرة حبيت اساعد انا معايا هوندا سيتي 2013 في الكويت الحمد لله لدلوقتي ماشيه معايا كويس و ما بدلتش لها اي حاجه لكن اي عضو من ملاك السيتي محتاج اي قطعة من يكتبها وانا اسال عليها هنا في الكويت وارد بالسعر مساعدة لملاك الهوندا سيتي

[Totti999]

اول حاجه انا عايز اشكر كل الناس المحترمه الي موجوده في المنتدى - قسم هوندا الي خلوني احب العربيه اكتر مانا بحبها وبشكر حضرتك جزيل الشكر علشان الموضوع المهم الي حضرتك طرحته والي طال انتظاره (رابطة ملاك هوندا سيتي) وان شاء الله يكون دليل لاي واحد بيدور عن معلومه تخص الرائعه هوندا سيتي

و بخصوص اسعار قطع الغيار اد ايه بيدل على ان حضرتك شخصيه محترمه وبتحب الخير للناس الي حتى انت مشفتهومش

انا معايا سيتي 2009 لسه جايبها من شهرين ولو مش هاتعبك كنت عايز اعرف سعر علبة الدريكسيون و مثبت السرعه لو ينفع يركب على العربيه وبرده الشاشه ال gps الي بتركب مكان كاسيت الفابريكه

[eng-ahmed]

لك جزيل الشكر
و إن شاء الله نستفاد من حضرتك و أيضا نحاول افادتك

[ramy saeed]

متابع

[Martin5555]

ربنا يخلي حضرتك ويكرمك كثيراً ، ده فعلاً شعور جميل ومن الواجب شكر حضرتك عليه، انا معاياه هوندا سيتي 2005 لسه شاريه من 3 أسابيع ولو احتجت حاجة اكيد هسأل حضرتك
ربنا يجازيك خيراً

[SAMEH_FOUAD]

ربنا يخليك ياباشا وشاكرين ليك على مساعدتك للاعضاء , وجزاك الله خيرا

[دكتور طنطاوي ع]

استفسار الفرامل ضعيفه في سيتي ٢٠٠٦ ال١٥٠٠ سي سي..بالىغم من الطنابير والتيل امامي وخلفي ممتازيين...ايه الحل ولكم جزيل الشكر

[ahmedabeed]

استفسار الفرامل ضعيفه في سيتي ٢٠٠٦ ال١٥٠٠ سي سي..بالىغم من الطنابير والتيل امامي وخلفي ممتازيين...ايه الحل ولكم جزيل الشكر

ممكن تكشف على ماستر الفرامل ولزوجة الزيت وممكن تكون دورة الفرامل فيها هوا وده اكيد هياثر على الفرامل ومتنساش طبعا الكوتش لانه لو قديم وناعم برده هياثر