العربية بترعش ..... ثم تقف سيفيك 93

[adham_medo]

عندي سيفيك 93 EX اوتوماتيك ,

المشكلة ظهرت من انخفاض درجة الحرارة في الايام اللي فات السقعة ده , العربية باردة جداااا بتحتاج امشي بيها علي 14 كليو لغايت لما تسخن مش ده بردة المشكلة الكبري ,

المشكلة ان العربية بترعش جدااا مهما دوست بنزين ولو رفعت رجلي من علي البنزين بتبطل علطول , قلت يمكن البوجيهات معرقة زيت مع اني لسة مغيرها من شهر تقريبا , فكتهم ونظفتهم كويس جدااا , وفتحت عمة الكربراتيت لاقيته مليان بنزين كتييييير , جربت العربية نفس المشكلة بردة

وبتحرق بنزين رهييييييييييييييييب من جامعة الازهر الي ميدان منشية البكري حرقت ربع التنك ما حدش يسألني ازاي انا نفسي مش عارف .


اعمل ايه يا شباب انا اتجننت من المشكلة ده ؟؟؟؟؟؟

[محمد . الشناوى]

أنا كان بيحصل عندى فى سيفيك 2008
إنى أدور العربيه يعد ال rpm يعلى و يوطى و تقوم طافيه بعد كده
و لو دوست بنزين تستجيب بس تروح طافيه بردو بعد كده

و نضفت الرشاشات و البوابه و غيرت طلمبة بنزين و نضفت كابلات البطاريه عشان كانت عامله ملح كتير و الحمد لله إتظبطت
بس حط العربيه على جهاز الأعطال بردو و خليه يكشفلك عليها خصوصا حساس الشكمان عشان ده لو بايظ بيبرجل العربيه و يستهلك بنزين كتير

الكلام ده كان لسه إنهارده

[No Comment]

بص على ترموستات الكوعة لانها فى الغالب مش راكبة او مفتوحة على طول

[SAMEH_FOUAD]

مشكلتك ياباشا تتلخص فى الاتى :

1- انت لازم عندك تركب ثرموستات الكوعة , عشان موضوع السخونية دة

2- موضوع البرجلة هية ليها احتمالين ان بسبب ان العربية درجة حراراتها اقل من الطبيعى فدة مسبب ليها برجلة وانت عارف الكربراتير لازم تكون مسخن العربية كويس عشان تقدر تتحرك بيها , وخصوصا انك تقريبا فاصل
ال shock ( السخان الاتوماتيك )بتاع الكاربراتير عشان كدة العربية واطية فى السلانسية

يعنى من الاخر مشكلتك دية هتتحل فى الحاجتين دول

1- تركيب ثرموستات كوعة

2- عايزك تظبط ال shock بتاع الكربراتير


* وعايز اعرف نوع الزيت اللى انت بتحطة ودرجة اللزوجة بتاعتة ؟؟


* موضوع استهلاك البنزين اللى حصل معاك دة , لان طبعا انت دايس على طول على المحرك بأستمرار عشان العربية ماتفصلش , واصلا المحرك بارد فبيستهلك بنزين كتير فى الفترة دية عشان يسخن , فكل دية عوامل خلت الاستهلاك عندك كدة

[adham_medo]

يعني ايه ترموستات الكوعة ؟؟ ومكانه فين ؟ وياريت صورة ليه يا شباب ؟

انا بستخدم زيت مصر امارات 5000 ولسة مغيرة من شهر تقريبا

[adham_medo]

ثرموستات كوعة فعلا موجود

واعرف ازاي ان shock اتظبط عندي وانا بظبطة , يعني مثلا هلاقي صوت الموتور اتغير ؟؟؟؟


انا بستخدم زيت مصر امارات 5000 ولسة مغيرة من شهر تقريبا

[SAMEH_FOUAD]

ال Shock دة ياباشا المفروض عندك لما تيجى تسخن السيارة تلاقى عدد لفات المحرك عالية على 1300 لفة ومش اقل من 1200 لفة , وتفضل تنزل تدريجيا مع ارتفاع درجة حرارة المحرك

لكن لو المحرك عندك اول لما بتدورة بيدور على عدد لفات منخفض ولازم انت تسند برجلك دواسة البنزين عشان يفضل عالى لحد ماتسخن , كدة انت بتسخن ماتورك مانيوال

فدة اللى يعرفك هل هو مفصول او تالف ولا لأ من اللى بيحصل دة

- بالنسبة لثرموستات الكوعة فدية مكانها بداخل كوعة المياة ومش بتتشاف بالعين كدة , لازم تفك كوعة المياة وتشوف هل هية موجودة ولا لأ

[adham_medo]

الله عليك يا سامح باشا

- انا فعلا توصلت الي ترموستات الكوعة ولم اجدها في الكوعة . سوف اشتري واحدة قريبا , كم سعرها ؟

- من كلامك باين ان Shock مش موجود او تالف لأن عندما يدور العربية بتكون منخفضة جدا فبسخنها مانول .

[SAMEH_FOUAD]

سعرها 110 تايوانى

و 200 جنية اصلى

وهاتها اى واحدة فيهم الاتنين كويسين