تعديل عفشه و جنط لسيفيك الجيل السادس

[Waleed maher]

صباح الفل علي كل الهونداويه امبارح ركبت مع واحد معاه سيفيك كوبيه ٢٠٠٠ عارضها للبيع كان مركب ١٧ و معدل العفشه عشان يقدر يركب الجنت العربيه كانت نشفه اوي زايده عن اللزوم و قالي علي السرعات الوضع يختلف و انو مبيدخلش كل الشوارع عشان الكاوتش بيعمل بالون بسال طيب يعني كاوتش و جنط غالي يعني طقم محترم بالكاوتش يعمل ٨ مفيش مشكله لكن كل شويه فرده تروح مش عارف ياريت الشباب أكيد ليها تجربه و سامح طبعا ياريت ممكن يكون في حل لقسوه التعليق و الإحساس بكل مطب علي السرعات البطيءه بسال لان شكل السيفيك بيتغير خالص مع الجنط شكلها جميل و لو ١٦ ممكن و نحل موضوع الاحتكاك و الحموله ازاي مع العفشه العادية انا عندي ١٥ و مفهوش مشاكل خالص الحمد لله و سؤال أخير هي ال sir بتنزل ب ١٥ ستوك يعني لو زودنا النمرتين ل ١٧ هياثر عليها أو لازم تعديل للعفشه برده لان انا مزود نمرتين في ال lxi و مفيش مشكله و صباح الورد علي الكل و سلام خاص لحبايبي اللي اتشرفت بمعرفتهم في المنتدي

[AHMED_HAMDY]

انت كدا كدا كل مبتكبر الجنط بتاخد شكل احسن وبتاثر بالسلب لانك بتقلل الكاوتش

يعني انت 17 المقاس الاسستاندر ليه 205-40 ال 40 سمك الكاوتش صغير جداااا جدااا فبتحس بكل حاجه

وعلى فكره انا ركبت 17 3 سنين ونص معملشي ولا بلونه معايا سبحان الله وانا من الزقازيق والشوارع كلها زي الزفت وبنزل حتت شوارعها ضايعه خالص وكان الكاوتش الي معايا كومهو !!

خليك في ال 16 وسط معا اني مركبله كاوتش 205-50 والمقاس ده غلط بس مريح العفشه جدا جدا جدا ببس الصح 205-45

[amr elsisi]

انا كنت مركب في عربيتي اوبل
15 55 206
وكل شوية يعمل بلالين رغم انه كاوتش انجليزي اسمة ايفون
ومرة الجنط اتعوج من نقرة
وغيرت الي 15 60 195
بلاش الكاوتش الرفيع في شوارعنا

[banzai]

أخير هي ال sir بتنزل ب ١٥ ستوك يعني لو زودنا النمرتين ل ١٧ هياثر عليها

ايوه الستوك بتاع الاس اى ار 15 و ده فى الكتالوج
فى واحد فى منتدى اجنبى كان مركب 17 و داخل بيشتكى ان التالت بيجيب معاه 170 و لكن الرابع مبيقولش خالص فواحد قالو لازم تنزل بالمقاس ل 15 و هو لما عمل كده دخل كتب ان الحياه ظبطت و الرابع بقى بيجيب 230 بكل سهوله