سؤال عن كود اللون

[AHMED_HAMDY]

السلام عليكم ورحمة الله وبركاته


السيفيك من 92:95

القوايم الفيبر الي جوه الي لونها فيراني حد يعرف درجه اللون ده بالضبط ايه !!


علشان انا كنت راششهم ابيض وجيت دلوقتي اشيل البوهيه تعبتني قوي قوي ومش عرفت اطلع غير جزء صغير بالقطن والتنر

فقولت ارشهم اللون الفيراني ثاني

فيا ريت الي يعرف الدرجه يقول


او يعرف حل اني اشيل البوهيه من الفيبر القديم

[saddam]

صديقي المواطن
السيفيك ليها 3 ألوان متدرجة من الفيراني إلى الفضي فشوف حضرتك أنه بتاعك ولو هو الغامق فهو أول واحد واللي بعده أخف فأخف وبالنسبة للتنظيف أي بوهيجي إديه 20 جنيه حينضفهالك إدي العيش لخبازه يا مواطن

yr-503m

g-73m

nh-550m

وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[AHMED_HAMDY]

والله الواحد مش عارف يشكرك ازاي

هدهاله بس لو وهوه بيشيل جرح حاجه او مش ضبطت اهو الكود اللون ينفع

واهو يشتغل في البرد ده شويه :d شــــــــــــــــــــــكرا مره ثانيه

[SAMEH_FOUAD]

طلعة ل تينر

او فية حاجة قوية جداا , انزل عند اى موان , هتلاقى عندة عبوة كدة , بتشيل البوية هية كلها ب 3 جنية او 5 جنية , مش فاكر اسمها بالظبط بس تقريبا اسمة ( نفط )

[MultiThreading]

قصدك جركن نفط رومى يا سامح... ده هتلاقيه عند اى موان يا باشا

[AHMED_HAMDY]

انا جحربت تنر ونفط بالبقنه مش شال فيه حاجه غيره

انا رايح كدا كدا لبوهيجي علشان اشتري بوهيه هشوف كدا من عنده لو حاجه واجرب مش كدا بعد ما ارش العربيه اخلي البوهيجي يرشهم او بطلعهم


لان رش الفيبر ده طلع اكثر مشروع فاشل بجد

[atala]

اكتر حاجة بتطلع البوية زيت الباكم وبالنسبة لللون الأصلي هتلاقي الكود مكتوب علي الصاجة الصغيرة الي علي القايم او في صدر العربية

[AHMED_HAMDY]

اكتر حاجة بتطلع البوية زيت الباكم وبالنسبة لللون الأصلي هتلاقي الكود مكتوب علي الصاجة الصغيرة الي علي القايم او في صدر العربية

متأكد من موضوع زيت الباكم ده !!!!!


اللون في القايم دواخل العربيه مش القوايم الفيبر