موضوع للنقاش فرامل هوندا سيفيك 2008

[mando_07]

يا جماعة فرامل السيفيك الجيل التامن وحشة جداً بالأخص 2007-2008 مينفعش عربية موتور قوي زي ده يبقى على فرامل وحشة كدة أنا كنت فاكر أن أنا اللي عندي مشكلة لكن لما سقت عربية واحد صاحبي معايا فالشغل معاه نفس العربية لقتها نفس الكلام، ال-stopping distance كبيرة وبتحس في صعوبة في التوقف للصفر، عايزين نشوف حل للموضوع ده أو لو حد جرب upgrade معين يقولنا عليه .
سنة سعيدة عليكوا جميعاً

[virus459]

http://www.nilemotors.net/Nile/184511-a.html
شوف الموضوع ده

[SAMEH_FOUAD]

ضعيفة لسببين

1- الطنابير الخلفية ( drums ) فلازم تعملها رجلاش كل 5000 كم عشان تعوض الفرق

2- ال abs فى الطريق العادى ( الاسفلت ) زمن توقفة اكتر شوية

فعشان تتجنب كل دة هتعمل الاتى :

1- تركيب تيل اصلى

2- كاوتش محترم

3- دائما اهتم بتغير زيت الفرامل ويكون dot4

4- اهتم دائما بأن يكون ضغط الكاوتش مظبوط ( على ماهو موصى بة )

وان شاء الله كل حاجة تبقى تمام

ملحوظة :

لو مش عاجبك الاداء , يبقى مافيش حل غير انك تغير الفرامل الى ديسكات

[manicguy]

أنا معايا سيفيك 2008 و كنت بشتكي نفس الشكوي بتاعت حضرتك . لذلك غيرت الأاتي في العربية

1- تغيير تيل الفرامل الأمامي و تغيير الطنابيير الأمامية للنوعين دول
Hawk Performance HB275Z.620 Performance Ceramic Brake Pad : Amazon.com : Automotive

Centric Parts 120.40056 Premium Brake Rotor with E-Coating : Amazon.com : Automotive

جيبتهم عن طريق شركة إدفعلي من أمازون و التكلفة كانت 600 جنية للتيل و 2000 جنية للطنابير الجوز

2- تم تغيير العجل لماركت بريدجيستون و الموديل Bridgestone Adrenalin RE002

3- تم تغيير زيت الفرامل بزيت وولف دوت 4

و النتيجة بعد كل التغييرات دي تماسك الفرامل تحسن بفارق كبييييير عن الأول و خصوصا عند الفرملة علي سرعات أعلي من 120

[Thebutcherr]

حد قاللك تبيع المازدا p :

[محمد بدر]

فعلا غير لديسكات

[mando_07]

شكراً لردكوا يا هوندواية و شكلي كدا فعلاً هغير الطنابير اللي ورا بديسكات أو أجرب اشتري طنابير وتيل brembo من برا لو لقيت أن موضوع التغيير ده هيكلفني كتير

[mando_07]

حد قاللك تبيع المازدا p :

عندك حق اللي يحب الدح ميقولش .....

[hany63]

انا معايا ال ٢٠١٠ احسن نسبيا طبعا من ال ٢٠٠٨ بس انا لاحظت ان التيل لما غيرته اول مره في التوكيل الدنيا اتحسنت
بس اعتقد عشان تحس بالفرق الجامد تغير للطنابير الهاوك كمان زي ما زملينا قال و غالبا هعمل كده عشان بيبقى فيه رعشه خفيفه لو فرملت بعد ال ١٣٠ كم

[mando_07]

انا معايا ال ٢٠١٠ احسن نسبيا طبعا من ال ٢٠٠٨ بس انا لاحظت ان التيل لما غيرته اول مره في التوكيل الدنيا اتحسنت
بس اعتقد عشان تحس بالفرق الجامد تغير للطنابير الهاوك كمان زي ما زملينا قال و غالبا هعمل كده عشان بيبقى فيه رعشه خفيفه لو فرملت بعد ال ١٣٠ كم

هي الهاوك دي كويسة و هتركب بدل الستوك ونفس القطر و كل حاجة
؟ معلش أصلي أول مرة أسمع عنها أنا كنت ناوي أجيب البريمبو بس هي أغلى شوية بس لو انتوا مجربين الهاوك يبقى تمام كدة اجبها وأنا مطمن

[pioneerahmed]

الهاوك تمنها كام للسيفيك و البريمبو كمان ؟؟

[gravedigger]

متابع

[gravedigger]

انا معايا 2008 و فراملها وحشه بالنسبه لها .. الطنابير عمرها قصير يدوب 30 الف كم و الفرامل بعد ال100 سيئه جدا

لو فكرنا في موضوع الBrembo ايه اللي هانحتاجه بالضبط عشان نغير السيستم كامل ورا و قدام و يبقى كله ديسكات .. و ياريت لو حد عنده فكره عن التكلفه و سعر التيل و متوسط عمره و متوسط عمر الطنابير

هل الاحسن نشوف طنابير Slotted or Drilled

افيدونا افادكم الله

[Vetibrahim]

طب و لما اجي اغير التيل لازم اجيب نفس التيل تاني من amazon

[hany63]

بالنسبه لي انا غيرت تيل امامي و خلفي الفابريقه على ٤٠ الف و كان ممكن يمشي ٥ كمان بالنسبه للطنابير اعتقد ٨٠ الف اقله لو هتحط تيل محترم