مساعدة ضرورية - عايز اعرف سعر هوندا سيفيك 1992 ex

[msfmagdy]

لو سمحت انا كنت عايز اعرف سعر هوندا سيفيك 1992 ex
وهل بسعر 35000 ممكن الاقى واحدة حلوة ولا اية لا

[kokowasfy]

هو الاسف السعر قليل لو نزود 40 تاخد حاجة نضيفة مش هقولك مش هتلاقة 35 لا هتلاقى بس هتلاقى عربيات هلكانة وتعبانة حاول تجيب حالاة نضيفة عشان العربية متتعبكش بعد كدا

[AHMED_HAMDY]

صحبي هنا في الزقازيق لسه مخلص في واحده ex مش el ل 35000 من شبرا


العربيه بصراحه صالون مش عليه ولا كلمه ودواخلها زيرو كل الي فيها شويه تجاريح من بره من الاخر عايزلها العربيه كلها مصاريف 2000 جنيه وجنط وما شاء الله واستغربت اما لقيتها بالسعر ده

بس انك تلاقي بالسعر ده وحاله حلوه نادر مش هتلاقي كثير

[Yones]

انا بدور على سيفيك si حالة نضيفة مش لاقى للاسف :( :(

[msfmagdy]

طب اية رأيكو يا رجالة فى العربية من حيث الصيانة عشان انا ساكن فى العاشر من رمضان واسعار قطع الغيار

[khaled_rafea]

كانت معايا و لسه بايعها من شهر ب 40, كانت دواخل زيرو و كراسى كهربا امريكانى جلد طبيعى بس كانت محتاجة سمكرة بسيطة فقط, العربية ممتازة و اعتمادية جدا و قطع غيارها فى المعقول بالنسبة لاى عربية جديدة, بس دور على حالة كويسة و متتسرعش فى الشرا, حاول تجيب عربية ستوك حتى لو محتاجة محرك بس ميكونش اتلعب فيها كتير

[msfmagdy]

شكرا يا خالد باشا
طب رأيك استنى وازود الفلوس لحد 40 ولا اية

[khaled_rafea]

والله حضرتك دور والموضوع بيبقى فرص, العربيه ملهاش سعر محدد فى السوق, انت و حظك, انا ابن عمى جاب واحده من سنة و شوية ب 30, بس كانت فرصة, و فى ناس بتعرض لحد 50 و ساعات اكتر, ربنا يوفقك فى عربية كويسة, و يستحسن تجيب si حتكون اريحلك و اوفر فى البنزين